| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. аабад̇д̇ибхаяасуд̇д̇аван̣н̣анаа
2. Āpattibhayasuttavaṇṇanā
244. д̣̇уд̇ияз курамун̣д̣ам̣ гарид̇ваад̇и бан̃жа сикан̣д̣агз табзд̇ваа курзна мун̣д̣ам̣ гарид̇ваа. карассарзнаад̇и гагкал̣асад̣̇д̣̇зна. бан̣авзнаад̇и важ̇жхабхзрияаа. т̇аладтассаад̇и згаманд̇з тид̇асса. сийсажчзж̇ж̇анд̇и сийсажчзд̣̇аарахам̣. яад̇ра хи наамаад̇и яам̣ наама. со вад̇ассааханд̇и со вад̇а ахам̣ ассам̣, яам̣ зваруубам̣ баабам̣ на гарзяяанд̇и ад̇т̇о. яат̇аад̇хаммам̣ бадигариссад̇ийд̇и д̇хаммаануруубам̣ бадигариссад̇и, сааман̣зрабхуумияам̣ тассад̇ийд̇и ад̇т̇о. гаал̣авад̇т̇ам̣ барид̇хааяаад̇и гаал̣абилод̇игам̣ ниваасзд̇ваа. мосалланд̇и мусалаабхибаад̇аарахам̣. яат̇аад̇хамманд̇и ид̇ха аабад̇д̇ид̇о вудтааяа суд̣̇д̇ханд̇з бад̇идтаханд̇о яат̇аад̇хаммам̣ гарод̇и наама. бхасмабуданд̇и чааригаабхан̣д̣игам̣. г̇аараяхам̣ бхасмабуданд̇и г̇арахид̇аб̣б̣ачааригаабудзна мад̇т̇агз абхигхаад̇аарахам̣. яат̇аад̇хамманд̇и ид̇ха аабад̇д̇им̣ д̣̇зсзнд̇о яат̇аад̇хаммам̣ бадигарод̇и наама. убаваж̇ж̇анд̇и убаваад̣̇аарахам̣. баадид̣̇зсанийязсууд̇и бадид̣̇зсзд̇аб̣б̣зсу. иминаа саб̣б̣ааби сзсаабад̇д̇ияо сан̇г̇ахид̇аа. имаани ко, бхигкавз, жад̇д̇аари аабад̇д̇ибхаяаанийд̇и, бхигкавз, имаани жад̇д̇аари аабад̇д̇им̣ ниссааяа уббаж̇ж̇анагабхаяаани наамаад̇и.
244. Dutiye khuramuṇḍaṃ karitvāti pañca sikhaṇḍake ṭhapetvā khurena muṇḍaṃ karitvā. Kharassarenāti kakkhaḷasaddena. Paṇavenāti vajjhabheriyā. Thalaṭṭhassāti ekamante ṭhitassa. Sīsacchejjanti sīsacchedārahaṃ. Yatra hi nāmāti yaṃ nāma. So vatassāhanti so vata ahaṃ assaṃ, yaṃ evarūpaṃ pāpaṃ na kareyyanti attho. Yathādhammaṃ paṭikarissatīti dhammānurūpaṃ paṭikarissati, sāmaṇerabhūmiyaṃ ṭhassatīti attho. Kāḷavatthaṃ paridhāyāti kāḷapilotikaṃ nivāsetvā. Mosallanti musalābhipātārahaṃ. Yathādhammanti idha āpattito vuṭṭhāya suddhante patiṭṭhahanto yathādhammaṃ karoti nāma. Bhasmapuṭanti chārikābhaṇḍikaṃ. Gārayhaṃ bhasmapuṭanti garahitabbachārikāpuṭena matthake abhighātārahaṃ. Yathādhammanti idha āpattiṃ desento yathādhammaṃ paṭikaroti nāma. Upavajjanti upavādārahaṃ. Pāṭidesanīyesūti paṭidesetabbesu. Iminā sabbāpi sesāpattiyo saṅgahitā. Imāni kho, bhikkhave, cattāri āpattibhayānīti, bhikkhave, imāni cattāri āpattiṃ nissāya uppajjanakabhayāni nāmāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. аабад̇д̇ибхаяасуд̇д̇ам̣ • 2. Āpattibhayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2-3. аабад̇д̇ибхаяасуд̇д̇аад̣̇иван̣н̣анаа • 2-3. Āpattibhayasuttādivaṇṇanā
