| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. ਆਪਤ੍ਤਿਭਯਸੁਤ੍ਤવਣ੍ਣਨਾ
2. Āpattibhayasuttavaṇṇanā
੨੪੪. ਦੁਤਿਯੇ ਖੁਰਮੁਣ੍ਡਂ ਕਰਿਤ੍વਾਤਿ ਪਞ੍ਚ ਸਿਖਣ੍ਡਕੇ ਠਪੇਤ੍વਾ ਖੁਰੇਨ ਮੁਣ੍ਡਂ ਕਰਿਤ੍વਾ। ਖਰਸ੍ਸਰੇਨਾਤਿ ਕਕ੍ਖਲ਼ਸਦ੍ਦੇਨ। ਪਣવੇਨਾਤਿ વਜ੍ਝਭੇਰਿਯਾ। ਥਲਟ੍ਠਸ੍ਸਾਤਿ ਏਕਮਨ੍ਤੇ ਠਿਤਸ੍ਸ। ਸੀਸਚ੍ਛੇਜ੍ਜਨ੍ਤਿ ਸੀਸਚ੍ਛੇਦਾਰਹਂ। ਯਤ੍ਰ ਹਿ ਨਾਮਾਤਿ ਯਂ ਨਾਮ। ਸੋ વਤਸ੍ਸਾਹਨ੍ਤਿ ਸੋ વਤ ਅਹਂ ਅਸ੍ਸਂ, ਯਂ ਏવਰੂਪਂ ਪਾਪਂ ਨ ਕਰੇਯ੍ਯਨ੍ਤਿ ਅਤ੍ਥੋ। ਯਥਾਧਮ੍ਮਂ ਪਟਿਕਰਿਸ੍ਸਤੀਤਿ ਧਮ੍ਮਾਨੁਰੂਪਂ ਪਟਿਕਰਿਸ੍ਸਤਿ, ਸਾਮਣੇਰਭੂਮਿਯਂ ਠਸ੍ਸਤੀਤਿ ਅਤ੍ਥੋ। ਕਾਲ਼વਤ੍ਥਂ ਪਰਿਧਾਯਾਤਿ ਕਾਲ਼ਪਿਲੋਤਿਕਂ ਨਿવਾਸੇਤ੍વਾ। ਮੋਸਲ੍ਲਨ੍ਤਿ ਮੁਸਲਾਭਿਪਾਤਾਰਹਂ। ਯਥਾਧਮ੍ਮਨ੍ਤਿ ਇਧ ਆਪਤ੍ਤਿਤੋ વੁਟ੍ਠਾਯ ਸੁਦ੍ਧਨ੍ਤੇ ਪਤਿਟ੍ਠਹਨ੍ਤੋ ਯਥਾਧਮ੍ਮਂ ਕਰੋਤਿ ਨਾਮ। ਭਸ੍ਮਪੁਟਨ੍ਤਿ ਛਾਰਿਕਾਭਣ੍ਡਿਕਂ। ਗਾਰਯ੍ਹਂ ਭਸ੍ਮਪੁਟਨ੍ਤਿ ਗਰਹਿਤਬ੍ਬਛਾਰਿਕਾਪੁਟੇਨ ਮਤ੍ਥਕੇ ਅਭਿਘਾਤਾਰਹਂ। ਯਥਾਧਮ੍ਮਨ੍ਤਿ ਇਧ ਆਪਤ੍ਤਿਂ ਦੇਸੇਨ੍ਤੋ ਯਥਾਧਮ੍ਮਂ ਪਟਿਕਰੋਤਿ ਨਾਮ। ਉਪવਜ੍ਜਨ੍ਤਿ ਉਪવਾਦਾਰਹਂ। ਪਾਟਿਦੇਸਨੀਯੇਸੂਤਿ ਪਟਿਦੇਸੇਤਬ੍ਬੇਸੁ। ਇਮਿਨਾ ਸਬ੍ਬਾਪਿ ਸੇਸਾਪਤ੍ਤਿਯੋ ਸਙ੍ਗਹਿਤਾ। ਇਮਾਨਿ ਖੋ, ਭਿਕ੍ਖવੇ, ਚਤ੍ਤਾਰਿ ਆਪਤ੍ਤਿਭਯਾਨੀਤਿ, ਭਿਕ੍ਖવੇ, ਇਮਾਨਿ ਚਤ੍ਤਾਰਿ ਆਪਤ੍ਤਿਂ ਨਿਸ੍ਸਾਯ ਉਪ੍ਪਜ੍ਜਨਕਭਯਾਨਿ ਨਾਮਾਤਿ।
244. Dutiye khuramuṇḍaṃ karitvāti pañca sikhaṇḍake ṭhapetvā khurena muṇḍaṃ karitvā. Kharassarenāti kakkhaḷasaddena. Paṇavenāti vajjhabheriyā. Thalaṭṭhassāti ekamante ṭhitassa. Sīsacchejjanti sīsacchedārahaṃ. Yatra hi nāmāti yaṃ nāma. So vatassāhanti so vata ahaṃ assaṃ, yaṃ evarūpaṃ pāpaṃ na kareyyanti attho. Yathādhammaṃ paṭikarissatīti dhammānurūpaṃ paṭikarissati, sāmaṇerabhūmiyaṃ ṭhassatīti attho. Kāḷavatthaṃ paridhāyāti kāḷapilotikaṃ nivāsetvā. Mosallanti musalābhipātārahaṃ. Yathādhammanti idha āpattito vuṭṭhāya suddhante patiṭṭhahanto yathādhammaṃ karoti nāma. Bhasmapuṭanti chārikābhaṇḍikaṃ. Gārayhaṃ bhasmapuṭanti garahitabbachārikāpuṭena matthake abhighātārahaṃ. Yathādhammanti idha āpattiṃ desento yathādhammaṃ paṭikaroti nāma. Upavajjanti upavādārahaṃ. Pāṭidesanīyesūti paṭidesetabbesu. Iminā sabbāpi sesāpattiyo saṅgahitā. Imāni kho, bhikkhave, cattāri āpattibhayānīti, bhikkhave, imāni cattāri āpattiṃ nissāya uppajjanakabhayāni nāmāti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਆਪਤ੍ਤਿਭਯਸੁਤ੍ਤਂ • 2. Āpattibhayasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨-੩. ਆਪਤ੍ਤਿਭਯਸੁਤ੍ਤਾਦਿવਣ੍ਣਨਾ • 2-3. Āpattibhayasuttādivaṇṇanā
