| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
аабад̇д̇ибхзд̣̇аван̣н̣анаа
Āpattibhedavaṇṇanā
122. д̇ад̇т̇а д̇ад̇т̇аад̇и бхуумадтат̇аладтаад̣̇ийсу. ан̇г̇ан̃жа д̣̇ассзнд̇од̇и яож̇зд̇аб̣б̣ам̣. вад̇т̇убхзд̣̇знаад̇и авахарид̇аб̣б̣асса вад̇т̇усса г̇аругалахугабхзд̣̇зна. аабад̇д̇ибхзд̣̇анд̇и баарааж̇игат̇уллажжаяад̣̇уггадаанам̣ васзна аабад̇д̇ибхзд̣̇ам̣. мануссабхууд̇зна барзна бариг̇г̇ахид̇ам̣ барабариг̇г̇ахид̇ам̣.
122.Tattha tatthāti bhūmaṭṭhathalaṭṭhādīsu. Aṅgañca dassentoti yojetabbaṃ. Vatthubhedenāti avaharitabbassa vatthussa garukalahukabhedena. Āpattibhedanti pārājikathullaccayadukkaṭānaṃ vasena āpattibhedaṃ. Manussabhūtena parena pariggahitaṃ parapariggahitaṃ.
125. на жа сагасан̃н̃ийд̇и иминаа бана барабариг̇г̇ахид̇ам̣ вад̇т̇у гат̇ид̇ам̣. на жа виссаасаг̇г̇аахий, на жа д̇аавагаалиганд̇и иминаа бана барабариг̇г̇ахид̇асан̃н̃аа гат̇ид̇аа. на виссаасаг̇г̇аахид̇аад̇и виссаасаг̇г̇аахзна аг̇г̇ахид̇абхааво. на д̇аавагаалигад̇аад̇и бажчаа д̣̇аад̇аб̣б̣ад̇ам̣ гад̇ваа аг̇г̇ахид̇абхааво. анаж̇жхаавуд̇т̇аганд̇и ‘‘мамзд̣̇а’’нд̇и бариг̇г̇ахавасзна анаж̇жхаавуд̇т̇агам̣ аран̃н̃з д̣̇ааруд̇ин̣абан̣н̣аад̣̇и. чад̣д̣ид̇анд̇и гадтахаараад̣̇ийхи ад̇ибхаараад̣̇ид̇ааяа анад̇т̇игабхаавзна аран̃н̃аад̣̇ийсу чад̣д̣ид̇ам̣. чиннамуулаганд̇и надтам̣ бариязсид̇ваа аалаяасан̇каад̇асса мууласса чиннад̇д̇аа чиннамуулам̣. асаамиганд̇и анаж̇жхаавуд̇т̇агаад̣̇ийхи д̇ийхи аагаарзхи д̣̇ассид̇ам̣ асаамигавад̇т̇у. убхаяамбийд̇и яат̇аавуд̇д̇алагкан̣ам̣ асаамигам̣ ад̇д̇ано санд̇аган̃жа.
125.Naca sakasaññīti iminā pana parapariggahitaṃ vatthu kathitaṃ. Na ca vissāsaggāhī, na ca tāvakālikanti iminā pana parapariggahitasaññā kathitā. Na vissāsaggāhitāti vissāsaggāhena aggahitabhāvo. Na tāvakālikatāti pacchā dātabbataṃ katvā aggahitabhāvo. Anajjhāvutthakanti ‘‘mameda’’nti pariggahavasena anajjhāvutthakaṃ araññe dārutiṇapaṇṇādi. Chaḍḍitanti kaṭṭhahārādīhi atibhārāditāya anatthikabhāvena araññādīsu chaḍḍitaṃ. Chinnamūlakanti naṭṭhaṃ pariyesitvā ālayasaṅkhātassa mūlassa chinnattā chinnamūlaṃ. Asāmikanti anajjhāvutthakādīhi tīhi ākārehi dassitaṃ asāmikavatthu. Ubhayampīti yathāvuttalakkhaṇaṃ asāmikaṃ attano santakañca.
аабад̇д̇ибхзд̣̇аван̣н̣анаа нидтид̇аа.
Āpattibhedavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аабад̇д̇ибхзд̣̇аван̣н̣анаа • Āpattibhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аабад̇д̇ибхзд̣̇аван̣н̣анаа • Āpattibhedavaṇṇanā
