| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
аабад̇д̇ибхзд̣̇аван̣н̣анаа
Āpattibhedavaṇṇanā
122. ‘‘вибхан̇г̇анаяад̣̇ассанад̇о’’д̇и вуд̇д̇ад̇д̇аа д̇ам̣ самбаад̣̇зд̇ум̣ ‘‘ид̣̇аани д̇ад̇т̇а д̇ад̇т̇аа’’д̇иаад̣̇и аарад̣̇д̇хам̣. д̇ад̇т̇а ан̇г̇авад̇т̇убхзд̣̇зна жаад̇и авахааран̇г̇аж̇аананабхзд̣̇зна вад̇т̇усса харид̇аб̣б̣абхан̣д̣асса г̇аругалахугабхаавабхзд̣̇знаад̇и ад̇т̇о. ат̇а ваа ан̇г̇ан̃жа вад̇т̇убхзд̣̇зна аабад̇д̇ибхзд̣̇ан̃жа д̣̇ассзнд̇од̇и ад̇т̇о. ад̇ирзгамаасаго уунабан̃жамаасагод̇и зд̇т̇а ваа-сад̣̇д̣̇о на вуд̇д̇о, д̇ийхиби зго зва барижчзд̣̇о вуд̇д̇од̇и. анаж̇жхаавудтагам̣ наама аран̃н̃абаалагаад̣̇инаа на гзнажи мамааяид̇ам̣. чад̣д̣ид̇ам̣ наама анад̇т̇игабхаавзна ад̇ирзгамад̇д̇аад̣̇инаа саамигзна чад̣д̣ид̇ам̣. надтам̣ бариязсид̇ваа чиннаалаяад̇д̇аа чиннамуулагам̣. ассаамигавад̇т̇ууд̇и ажчиннамуулагамби яасса саамиго гожи но ход̇и, нирабзгкаа ваа барижжаж̇анд̇и, яам̣ ваа барижжад̇д̇ам̣ д̣̇звад̇аад̣̇ийнам̣, ид̣̇ам̣ саб̣б̣ам̣ ассаамигавад̇т̇у наама. д̣̇звад̇аад̣̇ийнам̣ ваа б̣уд̣̇д̇хад̇хаммаанам̣ ваа барижжад̇д̇ам̣ барзхи жз аарагкагзхи бариг̇г̇ахид̇ам̣, барабариг̇г̇ахид̇амзва. д̇ат̇ааруубз хи ад̣̇иннаад̣̇аанз рааж̇аано жорам̣ г̇ахзд̇ваа хананаад̣̇игам̣ гарзяяум̣, анаарагкагз бана ааваасз, абхигкугз анаараамигаад̣̇игз жа яам̣ б̣уд̣̇д̇хад̇хаммасса санд̇агам̣, д̇ам̣ ‘‘ааг̇ад̇ааг̇ад̇зхи бхигкуухи рагкид̇аб̣б̣ам̣ г̇обзд̇аб̣б̣ам̣ мамааяид̇аб̣б̣а’’нд̇и важанад̇о абхигкугааваасасан̇гхасанд̇агам̣ вияа барабариг̇г̇ахид̇асан̇кяамзва г̇ажчад̇ийд̇и чааяаа д̣̇иссад̇и. иссаро хи яо гожи бхигку д̇аад̣̇исз баригкаарз жорзхиби г̇аяхамаанз ваарзд̇ум̣ бадиб̣ало жз, б̣алаггаарзна ажчинд̣̇ид̇ваа яат̇аатаанз табзд̇унд̇и. абариг̇г̇ахид̇з барасанд̇агасан̃н̃исса часу аагаарзсу виж̇ж̇амаанзсуби анаабад̇д̇и вияа д̣̇иссад̇и , ‘‘яам̣ барабариг̇г̇ахид̇ан̃жа ход̇ий’’д̇и ан̇г̇абхааво гин̃жааби д̣̇иссад̇и, барасанд̇агз д̇ат̇аа бадибаннагз санд̇хааяа вуд̇д̇анд̇и г̇ахзд̇аб̣б̣ам̣. ад̇д̇ано санд̇агам̣ жорзхи хадам̣, жорабариг̇г̇ахид̇ад̇д̇аа барабариг̇г̇ахид̇ам̣ ход̇и, д̇асмаа баро жзд̇ам̣ т̇зяяажид̇д̇о г̇ан̣хад̇и, баарааж̇игам̣. саамиго зва жз г̇ан̣хад̇и, на баарааж̇игам̣, яасмаа жод̣̇зд̇ваа, ажчинд̣̇ид̇ваа жа со ‘‘мама санд̇агам̣ г̇ан̣хаамий’’д̇и г̇ахзд̇ум̣ лабхад̇и. батамам̣ д̇хурам̣ нигкибид̇ваа жз бажчаа т̇зяяажид̇д̇о г̇ан̣хад̇и, зса наяо. саамигзна д̇хурам̣ нигкид̇д̇агаалз со жз жоро гаалам̣ гарод̇и, ан̃н̃о т̇зяяажид̇д̇зна г̇ан̣хад̇и, на баарааж̇иго. анигкид̇д̇агаалз зва жз гаалам̣ гарод̇и, д̇ам̣ т̇зяяажид̇д̇зна г̇ан̣ханд̇асса бхигкуно баарааж̇игам̣ муулабхигкусса санд̇агабхаавз тид̇ад̇д̇аа. жорабхигкумхи мад̇з ‘‘мад̇агабаригкаара’’нд̇и сан̇гхо вибхаж̇ид̇ваа жз д̇ам̣ г̇ан̣хад̇и, мууласаамиго ‘‘мама санд̇агамид̣̇а’’нд̇и г̇ахзд̇ум̣ лабхад̇и.
122. ‘‘Vibhaṅganayadassanato’’ti vuttattā taṃ sampādetuṃ ‘‘idāni tattha tatthā’’tiādi āraddhaṃ. Tattha aṅgavatthubhedena cāti avahāraṅgajānanabhedena vatthussa haritabbabhaṇḍassa garukalahukabhāvabhedenāti attho. Atha vā aṅgañca vatthubhedena āpattibhedañca dassentoti attho. Atirekamāsako ūnapañcamāsakoti ettha vā-saddo na vutto, tīhipi eko eva paricchedo vuttoti. Anajjhāvuṭṭhakaṃ nāma araññapālakādinā na kenaci mamāyitaṃ. Chaḍḍitaṃ nāma anatthikabhāvena atirekamattādinā sāmikena chaḍḍitaṃ. Naṭṭhaṃ pariyesitvā chinnālayattā chinnamūlakaṃ. Assāmikavatthūti acchinnamūlakampi yassa sāmiko koci no hoti, nirapekkhā vā pariccajanti, yaṃ vā pariccattaṃ devatādīnaṃ, idaṃ sabbaṃ assāmikavatthu nāma. Devatādīnaṃ vā buddhadhammānaṃ vā pariccattaṃ parehi ce ārakkhakehi pariggahitaṃ, parapariggahitameva. Tathārūpe hi adinnādāne rājāno coraṃ gahetvā hananādikaṃ kareyyuṃ, anārakkhake pana āvāse, abhikkhuke anārāmikādike ca yaṃ buddhadhammassa santakaṃ, taṃ ‘‘āgatāgatehi bhikkhūhi rakkhitabbaṃ gopetabbaṃ mamāyitabba’’nti vacanato abhikkhukāvāsasaṅghasantakaṃ viya parapariggahitasaṅkhyameva gacchatīti chāyā dissati. Issaro hi yo koci bhikkhu tādise parikkhāre corehipi gayhamāne vāretuṃ paṭibalo ce, balakkārena acchinditvā yathāṭhāne ṭhapetunti. Apariggahite parasantakasaññissa chasu ākāresu vijjamānesupi anāpatti viya dissati , ‘‘yaṃ parapariggahitañca hotī’’ti aṅgabhāvo kiñcāpi dissati, parasantake tathā paṭipannake sandhāya vuttanti gahetabbaṃ. Attano santakaṃ corehi haṭaṃ, corapariggahitattā parapariggahitaṃ hoti, tasmā paro cetaṃ theyyacitto gaṇhati, pārājikaṃ. Sāmiko eva ce gaṇhati, na pārājikaṃ, yasmā codetvā, acchinditvā ca so ‘‘mama santakaṃ gaṇhāmī’’ti gahetuṃ labhati. Paṭhamaṃ dhuraṃ nikkhipitvā ce pacchā theyyacitto gaṇhati, esa nayo. Sāmikena dhuraṃ nikkhittakāle so ce coro kālaṃ karoti, añño theyyacittena gaṇhati, na pārājiko. Anikkhittakāle eva ce kālaṃ karoti, taṃ theyyacittena gaṇhantassa bhikkhuno pārājikaṃ mūlabhikkhussa santakabhāve ṭhitattā. Corabhikkhumhi mate ‘‘matakaparikkhāra’’nti saṅgho vibhajitvā ce taṃ gaṇhati, mūlasāmiko ‘‘mama santakamida’’nti gahetuṃ labhati.
зд̇т̇ааха – бхуумадтаад̣̇инимид̇д̇агаммабарияосаанаа зва авахаарабхзд̣̇аа, уд̣̇ааху ан̃н̃зби санд̇ийд̇и. гин̃жзд̇т̇а яад̣̇и ан̃н̃зби санд̇и, д̇зби вад̇д̇аб̣б̣аа. на хи бхаг̇аваа саавасзсам̣ баарааж̇игам̣ бан̃н̃абзд̇и. но жз санд̇и, яз имз д̇улаагуудагам̣сагуудамаанагуудауггоданаван̃жананигад̇исаажияог̇авибараамосааалобасаахасаагаараа жа суд̇д̇ан̇г̇зсу санд̣̇иссамаанаа, д̇з ид̇ха ааг̇ад̇зсу зд̇т̇а самод̇хаанам̣ г̇ажчанд̇ийд̇и жа лагкан̣ад̇о ваа д̇зсам̣ самод̇хаанаг̇ад̇абхааво вад̇д̇аб̣б̣од̇и? вужжад̇з – лагкан̣ад̇о сид̣̇д̇хова. гат̇ам̣? ‘‘бан̃жахи аагаарзхий’’д̇иаад̣̇инаа наязна ан̇г̇авад̇т̇убхзд̣̇зна. аабад̇д̇ибхзд̣̇о хи баал̣ияам̣ (баараа. 128-130) вуд̇д̇о зва, адтагат̇ааяан̃жа ‘‘гуудамаанагуудагахаабан̣аад̣̇ийхи ваа ван̃жзд̇ваа г̇ан̣хад̇и, д̇ассзвам̣ г̇ан̣хад̇о авахааро т̇зяяаавахааро’’д̇и (баараа. адта. 1.138; ган̇каа. адта. д̣̇уд̇ияабаарааж̇игаван̣н̣анаа) ааг̇ад̇ад̇д̇аа д̇улаагуудаг̇ахан̣аад̣̇аяо т̇зяяаавахаарз самод̇хаанам̣ г̇ад̇аад̇и сид̣̇д̇хам̣. вибараамосааалобасаахасаагаараа жа адтагат̇ааяааг̇ад̇з басаяхаавахаарз самод̇хаанам̣ г̇ажчанд̇и. имам̣язва ваа басаяхаавахаарам̣ д̣̇ассзд̇ум̣ ‘‘г̇аамадтам̣ аран̃н̃адта’’нд̇и маад̇игам̣ нигкибид̇ваа ‘‘г̇аамадтам̣ наама бхан̣д̣ам̣ жад̇уухи таанзхи нигкид̇д̇ам̣ ход̇ий’’д̇иаад̣̇инаа наязна вибхааг̇о вуд̇д̇о. д̇знзд̣̇ам̣ вуд̇д̇ам̣ ход̇и – г̇ахан̣аагаарабхзд̣̇асанд̣̇ассанад̇т̇ам̣ висум̣ гад̇ам̣. на хи бхуумид̇алаад̣̇ийхи г̇аамааран̃н̃адтам̣ яам̣ гин̃жийд̇и. д̇ад̇т̇а яам̣ д̇улаагуудам̣, д̇ам̣ руубагуудан̇г̇аг̇ахан̣абадижчаннагуудавасзна жад̇уб̣б̣ид̇хамби взхаасадтз самод̇хаанам̣ г̇ажчад̇и. хад̣̇аяабхзд̣̇асикаабхзд̣̇араж̇ж̇убхзд̣̇авасзна д̇ивид̇хз маанагуудз ‘‘свааяам̣ хад̣̇аяабхзд̣̇о марияаад̣̇ам̣ чинд̣̇ад̇ий’’д̇и зд̇т̇а самод̇хаанам̣ г̇ажчад̇и. хад̣̇аяабхзд̣̇о хи саббид̇злаад̣̇иминанагаалз лаб̣бхад̇и. ‘‘панд̣̇аабзд̇и ад̇д̇ано бхааж̇анаг̇ад̇ам̣ гарод̇ий’’д̇и зд̇т̇а сикаабхзд̣̇оби лаб̣бхад̇и. со ‘‘д̇илад̇ан̣д̣улаад̣̇иминанагаалз лаб̣бхад̇ий’’д̇и вуд̇д̇ам̣. кзд̇д̇аминанагаалз раж̇ж̇убхзд̣̇о самод̇хаанам̣ г̇ажчад̇и. ‘‘д̇хаммам̣ жаранд̇о саамигам̣ барааж̇зд̇ий’’д̇и зд̇т̇а уггоданам̣ самод̇хаанам̣ г̇ажчад̇ийд̇и д̇з жа д̇ат̇аа ван̃жананигад̇ияоби.
Etthāha – bhūmaṭṭhādinimittakammapariyosānā eva avahārabhedā, udāhu aññepi santīti. Kiñcettha yadi aññepi santi, tepi vattabbā. Na hi bhagavā sāvasesaṃ pārājikaṃ paññapeti. No ce santi, ye ime tulākūṭakaṃsakūṭamānakūṭaukkoṭanavañcananikatisāciyogaviparāmosaālopasāhasākārā ca suttaṅgesu sandissamānā, te idha āgatesu ettha samodhānaṃ gacchantīti ca lakkhaṇato vā tesaṃ samodhānagatabhāvo vattabboti? Vuccate – lakkhaṇato siddhova. Kathaṃ? ‘‘Pañcahi ākārehī’’tiādinā nayena aṅgavatthubhedena. Āpattibhedo hi pāḷiyaṃ (pārā. 128-130) vutto eva, aṭṭhakathāyañca ‘‘kūṭamānakūṭakahāpaṇādīhi vā vañcetvā gaṇhati, tassevaṃ gaṇhato avahāro theyyāvahāro’’ti (pārā. aṭṭha. 1.138; kaṅkhā. aṭṭha. dutiyapārājikavaṇṇanā) āgatattā tulākūṭagahaṇādayo theyyāvahāre samodhānaṃ gatāti siddhaṃ. Viparāmosaālopasāhasākārā ca aṭṭhakathāyāgate pasayhāvahāre samodhānaṃ gacchanti. Imaṃyeva vā pasayhāvahāraṃ dassetuṃ ‘‘gāmaṭṭhaṃ araññaṭṭha’’nti mātikaṃ nikkhipitvā ‘‘gāmaṭṭhaṃ nāma bhaṇḍaṃ catūhi ṭhānehi nikkhittaṃ hotī’’tiādinā nayena vibhāgo vutto. Tenedaṃ vuttaṃ hoti – gahaṇākārabhedasandassanatthaṃ visuṃ kataṃ. Na hi bhūmitalādīhi gāmāraññaṭṭhaṃ yaṃ kiñcīti. Tattha yaṃ tulākūṭaṃ, taṃ rūpakūṭaṅgagahaṇapaṭicchannakūṭavasena catubbidhampi vehāsaṭṭhe samodhānaṃ gacchati. Hadayabhedasikhābhedarajjubhedavasena tividhe mānakūṭe ‘‘svāyaṃ hadayabhedo mariyādaṃ chindatī’’ti ettha samodhānaṃ gacchati. Hadayabhedo hi sappitelādiminanakāle labbhati. ‘‘Phandāpeti attano bhājanagataṃ karotī’’ti ettha sikhābhedopi labbhati. So ‘‘tilataṇḍulādiminanakāle labbhatī’’ti vuttaṃ. Khettaminanakāle rajjubhedo samodhānaṃ gacchati. ‘‘Dhammaṃ caranto sāmikaṃ parājetī’’ti ettha ukkoṭanaṃ samodhānaṃ gacchatīti te ca tathā vañcananikatiyopi.
аабад̇д̇ибхзд̣̇аван̣н̣анаа нидтид̇аа.
Āpattibhedavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аабад̇д̇ибхзд̣̇аван̣н̣анаа • Āpattibhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / аабад̇д̇ибхзд̣̇аван̣н̣анаа • Āpattibhedavaṇṇanā
