| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
аабад̇д̇ибхзд̣̇аван̣н̣анаа
Āpattibhedavaṇṇanā
122. д̇ад̇т̇а д̇ад̇т̇аад̇и бхуумадтат̇аладтаад̣̇ийсу. баал̣ияам̣ мануссабариг̇г̇ахид̇ам̣ санд̇хааяа ‘‘барабариг̇г̇ахид̇а’’нд̇и вуд̇д̇ам̣. аамасад̇и панд̣̇аабзд̇и таанаа жаавзд̇ийд̇и имзхи д̇ийхи бад̣̇зхи буб̣б̣абаяог̇асахид̇ам̣ бан̃жамам̣ авахааран̇г̇ам̣ вуд̇д̇ам̣, таанаа жаавзд̇ийд̇и жа ид̣̇ам̣ убалагкан̣амад̇д̇ам̣. аан̣ад̇д̇игаад̣̇аяо саб̣б̣зби баяог̇аа д̇хуранигкзбо жа ид̇ха сан̇г̇ахзд̇аб̣б̣ааваад̇и д̣̇адтаб̣б̣ам̣.
122.Tattha tatthāti bhūmaṭṭhathalaṭṭhādīsu. Pāḷiyaṃ manussapariggahitaṃ sandhāya ‘‘parapariggahita’’nti vuttaṃ. Āmasati phandāpeti ṭhānā cāvetīti imehi tīhi padehi pubbapayogasahitaṃ pañcamaṃ avahāraṅgaṃ vuttaṃ, ṭhānā cāvetīti ca idaṃ upalakkhaṇamattaṃ. Āṇattikādayo sabbepi payogā dhuranikkhepo ca idha saṅgahetabbāvāti daṭṭhabbaṃ.
125. таанаажаавананд̇и ид̣̇ам̣ баал̣ианусаарад̇о вуд̇д̇ам̣ д̇хуранигкзбассааби сан̇г̇ахзд̇аб̣б̣ад̇о. зса наяо убариби саб̣б̣ад̇т̇а. д̇ад̇т̇а хи на жа сагасан̃н̃ийд̇и иминаа барабариг̇г̇ахид̇ад̇аа вуд̇д̇аа, на жа виссаасаг̇г̇аахий на жа д̇аавагаалиганд̇и имзхи барабариг̇г̇ахид̇асан̃н̃ид̇аа, д̇ийхи ваа зд̇зхи барабариг̇г̇ахид̇ад̇аа барабариг̇г̇ахид̇асан̃н̃ид̇аа жа вуд̇д̇аад̇и взд̣̇ид̇аб̣б̣аа. анаж̇жхаавуд̇т̇аганд̇и ‘‘мамзд̣̇а’’нд̇и бариг̇г̇ахавасзна анаж̇жхаавуд̇т̇агам̣ аран̃н̃з д̣̇ааруд̇ин̣абан̣н̣аад̣̇и. чад̣д̣ид̇анд̇и батамам̣ бариг̇г̇ахзд̇ваа бажчаа анад̇т̇игад̇ааяа чад̣д̣ид̇ам̣ яам̣ гин̃жи. чиннамуулаганд̇и надтам̣ бариязсид̇ваа аалаяасан̇каад̇асса мууласса чиннад̇д̇аа чиннамуулагам̣. ассаамиганд̇и анаж̇жхаавуд̇т̇агаад̣̇ийхи д̇ийхи аагаарзхи д̣̇ассид̇ам̣ ассаамигавад̇т̇у. убхаяамбийд̇и ассаамигам̣ ад̇д̇ано санд̇аган̃жа.
125.Ṭhānācāvananti idaṃ pāḷianusārato vuttaṃ dhuranikkhepassāpi saṅgahetabbato. Esa nayo uparipi sabbattha. Tattha hi na ca sakasaññīti iminā parapariggahitatā vuttā, na ca vissāsaggāhī na ca tāvakālikanti imehi parapariggahitasaññitā, tīhi vā etehi parapariggahitatā parapariggahitasaññitā ca vuttāti veditabbā. Anajjhāvutthakanti ‘‘mameda’’nti pariggahavasena anajjhāvutthakaṃ araññe dārutiṇapaṇṇādi. Chaḍḍitanti paṭhamaṃ pariggahetvā pacchā anatthikatāya chaḍḍitaṃ yaṃ kiñci. Chinnamūlakanti naṭṭhaṃ pariyesitvā ālayasaṅkhātassa mūlassa chinnattā chinnamūlakaṃ. Assāmikanti anajjhāvutthakādīhi tīhi ākārehi dassitaṃ assāmikavatthu. Ubhayampīti assāmikaṃ attano santakañca.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. д̣̇уд̇ияабаарааж̇игам̣ • 2. Dutiyapārājikaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аабад̇д̇ибхзд̣̇аван̣н̣анаа • Āpattibhedavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аабад̇д̇ибхзд̣̇аван̣н̣анаа • Āpattibhedavaṇṇanā
