| Library / Tipiṭaka / ཏིཔིཊཀ • Tipiṭaka / སཱརཏྠདཱིཔནཱི-ཊཱིཀཱ • Sāratthadīpanī-ṭīkā |
ཨཱཔཏྟིབྷེདཝཎྞནཱ
Āpattibhedavaṇṇanā
༡༢༢. ཏཏྠ ཏཏྠཱཏི བྷཱུམཊྛཐལཊྛཱདཱིསུ། ཨངྒཉྩ དསྶེནྟོཏི ཡོཛེཏབྦཾ། ཝཏྠུབྷེདེནཱཏི ཨཝཧརིཏབྦསྶ ཝཏྠུསྶ གརུཀལཧུཀབྷེདེན། ཨཱཔཏྟིབྷེདནྟི པཱརཱཛིཀཐུལླཙྩཡདུཀྐཊཱནཾ ཝསེན ཨཱཔཏྟིབྷེདཾ། མནུསྶབྷཱུཏེན པརེན པརིགྒཧིཏཾ པརཔརིགྒཧིཏཾ།
122.Tattha tatthāti bhūmaṭṭhathalaṭṭhādīsu. Aṅgañca dassentoti yojetabbaṃ. Vatthubhedenāti avaharitabbassa vatthussa garukalahukabhedena. Āpattibhedanti pārājikathullaccayadukkaṭānaṃ vasena āpattibhedaṃ. Manussabhūtena parena pariggahitaṃ parapariggahitaṃ.
༡༢༥. ན ཙ སཀསཉྙཱིཏི ཨིམིནཱ པན པརཔརིགྒཧིཏཾ ཝཏྠུ ཀཐིཏཾ། ན ཙ ཝིསྶཱསགྒཱཧཱི, ན ཙ ཏཱཝཀཱལིཀནྟི ཨིམིནཱ པན པརཔརིགྒཧིཏསཉྙཱ ཀཐིཏཱ། ན ཝིསྶཱསགྒཱཧིཏཱཏི ཝིསྶཱསགྒཱཧེན ཨགྒཧིཏབྷཱཝོ། ན ཏཱཝཀཱལིཀཏཱཏི པཙྪཱ དཱཏབྦཏཾ ཀཏྭཱ ཨགྒཧིཏབྷཱཝོ། ཨནཛ྄ཛྷཱཝུཏྠཀནྟི ‘‘མམེད’’ནྟི པརིགྒཧཝསེན ཨནཛ྄ཛྷཱཝུཏྠཀཾ ཨརཉྙེ དཱརུཏིཎཔཎྞཱདི། ཚཌྜིཏནྟི ཀཊྛཧཱརཱདཱིཧི ཨཏིབྷཱརཱདིཏཱཡ ཨནཏྠིཀབྷཱཝེན ཨརཉྙཱདཱིསུ ཚཌྜིཏཾ། ཚིནྣམཱུལཀནྟི ནཊྛཾ པརིཡེསིཏྭཱ ཨཱལཡསངྑཱཏསྶ མཱུལསྶ ཚིནྣཏྟཱ ཚིནྣམཱུལཾ། ཨསཱམིཀནྟི ཨནཛ྄ཛྷཱཝུཏྠཀཱདཱིཧི ཏཱིཧི ཨཱཀཱརེཧི དསྶིཏཾ ཨསཱམིཀཝཏྠུ། ཨུབྷཡམྤཱིཏི ཡཐཱཝུཏྟལཀྑཎཾ ཨསཱམིཀཾ ཨཏྟནོ སནྟཀཉྩ།
125.Naca sakasaññīti iminā pana parapariggahitaṃ vatthu kathitaṃ. Na ca vissāsaggāhī, na ca tāvakālikanti iminā pana parapariggahitasaññā kathitā. Na vissāsaggāhitāti vissāsaggāhena aggahitabhāvo. Na tāvakālikatāti pacchā dātabbataṃ katvā aggahitabhāvo. Anajjhāvutthakanti ‘‘mameda’’nti pariggahavasena anajjhāvutthakaṃ araññe dārutiṇapaṇṇādi. Chaḍḍitanti kaṭṭhahārādīhi atibhārāditāya anatthikabhāvena araññādīsu chaḍḍitaṃ. Chinnamūlakanti naṭṭhaṃ pariyesitvā ālayasaṅkhātassa mūlassa chinnattā chinnamūlaṃ. Asāmikanti anajjhāvutthakādīhi tīhi ākārehi dassitaṃ asāmikavatthu. Ubhayampīti yathāvuttalakkhaṇaṃ asāmikaṃ attano santakañca.
ཨཱཔཏྟིབྷེདཝཎྞནཱ ནིཊྛིཏཱ།
Āpattibhedavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / མཧཱཝིབྷངྒ • Mahāvibhaṅga / ༢. དུཏིཡཔཱརཱཛིཀཾ • 2. Dutiyapārājikaṃ
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝིབྷངྒ-ཨཊྛཀཐཱ • Mahāvibhaṅga-aṭṭhakathā / ༢. དུཏིཡཔཱརཱཛིཀཾ • 2. Dutiyapārājikaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨཱཔཏྟིབྷེདཝཎྞནཱ • Āpattibhedavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ཨཱཔཏྟིབྷེདཝཎྞནཱ • Āpattibhedavaṇṇanā
