Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਆਪਤ੍ਤਿਭੇਦવਣ੍ਣਨਾ
Āpattibhedavaṇṇanā
੧੨੨. ਤਤ੍ਥ ਤਤ੍ਥਾਤਿ ਭੂਮਟ੍ਠਥਲਟ੍ਠਾਦੀਸੁ। ਪਾਲ਼ਿਯਂ ਮਨੁਸ੍ਸਪਰਿਗ੍ਗਹਿਤਂ ਸਨ੍ਧਾਯ ‘‘ਪਰਪਰਿਗ੍ਗਹਿਤ’’ਨ੍ਤਿ વੁਤ੍ਤਂ। ਆਮਸਤਿ ਫਨ੍ਦਾਪੇਤਿ ਠਾਨਾ ਚਾવੇਤੀਤਿ ਇਮੇਹਿ ਤੀਹਿ ਪਦੇਹਿ ਪੁਬ੍ਬਪਯੋਗਸਹਿਤਂ ਪਞ੍ਚਮਂ ਅવਹਾਰਙ੍ਗਂ વੁਤ੍ਤਂ, ਠਾਨਾ ਚਾવੇਤੀਤਿ ਚ ਇਦਂ ਉਪਲਕ੍ਖਣਮਤ੍ਤਂ। ਆਣਤ੍ਤਿਕਾਦਯੋ ਸਬ੍ਬੇਪਿ ਪਯੋਗਾ ਧੁਰਨਿਕ੍ਖੇਪੋ ਚ ਇਧ ਸਙ੍ਗਹੇਤਬ੍ਬਾવਾਤਿ ਦਟ੍ਠਬ੍ਬਂ।
122.Tattha tatthāti bhūmaṭṭhathalaṭṭhādīsu. Pāḷiyaṃ manussapariggahitaṃ sandhāya ‘‘parapariggahita’’nti vuttaṃ. Āmasati phandāpeti ṭhānā cāvetīti imehi tīhi padehi pubbapayogasahitaṃ pañcamaṃ avahāraṅgaṃ vuttaṃ, ṭhānā cāvetīti ca idaṃ upalakkhaṇamattaṃ. Āṇattikādayo sabbepi payogā dhuranikkhepo ca idha saṅgahetabbāvāti daṭṭhabbaṃ.
੧੨੫. ਠਾਨਾਚਾવਨਨ੍ਤਿ ਇਦਂ ਪਾਲ਼ਿਅਨੁਸਾਰਤੋ વੁਤ੍ਤਂ ਧੁਰਨਿਕ੍ਖੇਪਸ੍ਸਾਪਿ ਸਙ੍ਗਹੇਤਬ੍ਬਤੋ। ਏਸ ਨਯੋ ਉਪਰਿਪਿ ਸਬ੍ਬਤ੍ਥ। ਤਤ੍ਥ ਹਿ ਨ ਚ ਸਕਸਞ੍ਞੀਤਿ ਇਮਿਨਾ ਪਰਪਰਿਗ੍ਗਹਿਤਤਾ વੁਤ੍ਤਾ, ਨ ਚ વਿਸ੍ਸਾਸਗ੍ਗਾਹੀ ਨ ਚ ਤਾવਕਾਲਿਕਨ੍ਤਿ ਇਮੇਹਿ ਪਰਪਰਿਗ੍ਗਹਿਤਸਞ੍ਞਿਤਾ, ਤੀਹਿ વਾ ਏਤੇਹਿ ਪਰਪਰਿਗ੍ਗਹਿਤਤਾ ਪਰਪਰਿਗ੍ਗਹਿਤਸਞ੍ਞਿਤਾ ਚ વੁਤ੍ਤਾਤਿ વੇਦਿਤਬ੍ਬਾ। ਅਨਜ੍ਝਾવੁਤ੍ਥਕਨ੍ਤਿ ‘‘ਮਮੇਦ’’ਨ੍ਤਿ ਪਰਿਗ੍ਗਹવਸੇਨ ਅਨਜ੍ਝਾવੁਤ੍ਥਕਂ ਅਰਞ੍ਞੇ ਦਾਰੁਤਿਣਪਣ੍ਣਾਦਿ। ਛਡ੍ਡਿਤਨ੍ਤਿ ਪਠਮਂ ਪਰਿਗ੍ਗਹੇਤ੍વਾ ਪਚ੍ਛਾ ਅਨਤ੍ਥਿਕਤਾਯ ਛਡ੍ਡਿਤਂ ਯਂ ਕਿਞ੍ਚਿ। ਛਿਨ੍ਨਮੂਲਕਨ੍ਤਿ ਨਟ੍ਠਂ ਪਰਿਯੇਸਿਤ੍વਾ ਆਲਯਸਙ੍ਖਾਤਸ੍ਸ ਮੂਲਸ੍ਸ ਛਿਨ੍ਨਤ੍ਤਾ ਛਿਨ੍ਨਮੂਲਕਂ। ਅਸ੍ਸਾਮਿਕਨ੍ਤਿ ਅਨਜ੍ਝਾવੁਤ੍ਥਕਾਦੀਹਿ ਤੀਹਿ ਆਕਾਰੇਹਿ ਦਸ੍ਸਿਤਂ ਅਸ੍ਸਾਮਿਕવਤ੍ਥੁ। ਉਭਯਮ੍ਪੀਤਿ ਅਸ੍ਸਾਮਿਕਂ ਅਤ੍ਤਨੋ ਸਨ੍ਤਕਞ੍ਚ।
125.Ṭhānācāvananti idaṃ pāḷianusārato vuttaṃ dhuranikkhepassāpi saṅgahetabbato. Esa nayo uparipi sabbattha. Tattha hi na ca sakasaññīti iminā parapariggahitatā vuttā, na ca vissāsaggāhī na ca tāvakālikanti imehi parapariggahitasaññitā, tīhi vā etehi parapariggahitatā parapariggahitasaññitā ca vuttāti veditabbā. Anajjhāvutthakanti ‘‘mameda’’nti pariggahavasena anajjhāvutthakaṃ araññe dārutiṇapaṇṇādi. Chaḍḍitanti paṭhamaṃ pariggahetvā pacchā anatthikatāya chaḍḍitaṃ yaṃ kiñci. Chinnamūlakanti naṭṭhaṃ pariyesitvā ālayasaṅkhātassa mūlassa chinnattā chinnamūlakaṃ. Assāmikanti anajjhāvutthakādīhi tīhi ākārehi dassitaṃ assāmikavatthu. Ubhayampīti assāmikaṃ attano santakañca.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਦੁਤਿਯਪਾਰਾਜਿਕਂ • 2. Dutiyapārājikaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਆਪਤ੍ਤਿਭੇਦવਣ੍ਣਨਾ • Āpattibhedavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਆਪਤ੍ਤਿਭੇਦવਣ੍ਣਨਾ • Āpattibhedavaṇṇanā