| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
92. аабад̇д̇ибадигаммавид̇хи
92. Āpattipaṭikammavidhi
169. д̇зна ко бана самаязна ан̃н̃ад̇аро бхигку д̇ад̣̇ахубосат̇з аабад̇д̇им̣ аабанно ход̇и. ат̇а ко д̇асса бхигкуно зд̇ад̣̇ахоси – ‘‘бхаг̇авад̇аа бан̃н̃ад̇д̇ам̣ ‘на саабад̇д̇игзна убосат̇о гаад̇аб̣б̣о’д̇и. ахан̃жамхи аабад̇д̇им̣ аабанно. гат̇ам̣ ну ко маяаа бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ид̇ха бана, бхигкавз, бхигку д̇ад̣̇ахубосат̇з аабад̇д̇им̣ аабанно ход̇и. д̇зна, бхигкавз, бхигкунаа згам̣ бхигкум̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ахам̣, аавусо, ид̇т̇аннаамам̣ аабад̇д̇им̣ аабанно, д̇ам̣ бадид̣̇зсзмий’’д̇и. д̇зна вад̇д̇аб̣б̣о – ‘‘бассасий’’д̇и. ‘‘аама бассаамий’’д̇и. ‘‘ааяад̇им̣ сам̣варзяяаасий’’д̇и.
169. Tena kho pana samayena aññataro bhikkhu tadahuposathe āpattiṃ āpanno hoti. Atha kho tassa bhikkhuno etadahosi – ‘‘bhagavatā paññattaṃ ‘na sāpattikena uposatho kātabbo’ti. Ahañcamhi āpattiṃ āpanno. Kathaṃ nu kho mayā paṭipajjitabba’’nti? Bhagavato etamatthaṃ ārocesuṃ. Idha pana, bhikkhave, bhikkhu tadahuposathe āpattiṃ āpanno hoti. Tena, bhikkhave, bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘‘ahaṃ, āvuso, itthannāmaṃ āpattiṃ āpanno, taṃ paṭidesemī’’ti. Tena vattabbo – ‘‘passasī’’ti. ‘‘Āma passāmī’’ti. ‘‘Āyatiṃ saṃvareyyāsī’’ti.
ид̇ха бана, бхигкавз, бхигку д̇ад̣̇ахубосат̇з аабад̇д̇ияаа взмад̇иго ход̇и. д̇зна, бхигкавз, бхигкунаа згам̣ бхигкум̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ахам̣, аавусо, ид̇т̇аннаамааяа аабад̇д̇ияаа взмад̇иго; яад̣̇аа ниб̣б̣змад̇иго бхависсаами, д̇ад̣̇аа д̇ам̣ аабад̇д̇им̣ бадигариссаамий’’д̇и вад̇ваа убосат̇о гаад̇аб̣б̣о, баад̇имогкам̣ сод̇аб̣б̣ам̣, на д̇взва д̇аббажжаяаа убосат̇асса анд̇арааяо гаад̇аб̣б̣од̇и.
Idha pana, bhikkhave, bhikkhu tadahuposathe āpattiyā vematiko hoti. Tena, bhikkhave, bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘‘ahaṃ, āvuso, itthannāmāya āpattiyā vematiko; yadā nibbematiko bhavissāmi, tadā taṃ āpattiṃ paṭikarissāmī’’ti vatvā uposatho kātabbo, pātimokkhaṃ sotabbaṃ, na tveva tappaccayā uposathassa antarāyo kātabboti.
д̇зна ко бана самаязна чаб̣б̣аг̇г̇ияаа бхигкуу сабхааг̇ам̣ аабад̇д̇им̣ д̣̇зсзнд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, сабхааг̇аа аабад̇д̇и д̣̇зсзд̇аб̣б̣аа. яо д̣̇зсзяяа, аабад̇д̇и д̣̇уггадассаад̇и.
Tena kho pana samayena chabbaggiyā bhikkhū sabhāgaṃ āpattiṃ desenti. Bhagavato etamatthaṃ ārocesuṃ. Na, bhikkhave, sabhāgā āpatti desetabbā. Yo deseyya, āpatti dukkaṭassāti.
д̇зна ко бана самаязна чаб̣б̣аг̇г̇ияаа бхигкуу сабхааг̇ам̣ аабад̇д̇им̣ бадиг̇г̇ан̣ханд̇и. бхаг̇авад̇о зд̇амад̇т̇ам̣ аарожзсум̣. на, бхигкавз, сабхааг̇аа аабад̇д̇и бадиг̇г̇ахзд̇аб̣б̣аа. яо бадиг̇г̇ан̣хзяяа, аабад̇д̇и д̣̇уггадассаад̇и.
Tena kho pana samayena chabbaggiyā bhikkhū sabhāgaṃ āpattiṃ paṭiggaṇhanti. Bhagavato etamatthaṃ ārocesuṃ. Na, bhikkhave, sabhāgā āpatti paṭiggahetabbā. Yo paṭiggaṇheyya, āpatti dukkaṭassāti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / аабад̇д̇ибадигаммавид̇хигат̇аа • Āpattipaṭikammavidhikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аабад̇д̇ибадигаммавид̇хигат̇ааван̣н̣анаа • Āpattipaṭikammavidhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аабад̇д̇ибадигаммавид̇хигат̇аад̣̇иван̣н̣анаа • Āpattipaṭikammavidhikathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чанд̣̇ад̣̇аанагат̇аад̣̇иван̣н̣анаа • Chandadānakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 92. аабад̇д̇ибадигаммавид̇хигат̇аа • 92. Āpattipaṭikammavidhikathā
