| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
125. аабад̇д̇ибадигаммавид̇хи
125. Āpattipaṭikammavidhi
219. д̇зна ко бана самаязна ан̃н̃ад̇аро бхигку д̇ад̣̇аху бавааран̣ааяа аабад̇д̇им̣ аабанно ход̇и. ат̇а ко д̇асса бхигкуно зд̇ад̣̇ахоси – ‘‘бхаг̇авад̇аа бан̃н̃ад̇д̇ам̣ ‘на саабад̇д̇игзна баваарзд̇аб̣б̣а’нд̇и. ахан̃жамхи аабад̇д̇им̣ аабанно. гат̇ам̣ ну ко маяаа бадибаж̇ж̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣ 1.
219. Tena kho pana samayena aññataro bhikkhu tadahu pavāraṇāya āpattiṃ āpanno hoti. Atha kho tassa bhikkhuno etadahosi – ‘‘bhagavatā paññattaṃ ‘na sāpattikena pavāretabba’nti. Ahañcamhi āpattiṃ āpanno. Kathaṃ nu kho mayā paṭipajjitabba’’nti? Bhagavato etamatthaṃ ārocesuṃ 2.
ид̇ха бана, бхигкавз, бхигку д̇ад̣̇аху бавааран̣ааяа аабад̇д̇им̣ аабанно ход̇и. д̇зна, бхигкавз, бхигкунаа згам̣ бхигкум̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ахам̣, аавусо, ид̇т̇аннаамам̣ аабад̇д̇им̣ аабанно, д̇ам̣ бадид̣̇зсзмий’’д̇и. д̇зна вад̇д̇аб̣б̣о – ‘‘бассасий’’д̇и. аама бассаамийд̇и. ааяад̇им̣ сам̣варзяяаасийд̇и.
Idha pana, bhikkhave, bhikkhu tadahu pavāraṇāya āpattiṃ āpanno hoti. Tena, bhikkhave, bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘‘ahaṃ, āvuso, itthannāmaṃ āpattiṃ āpanno, taṃ paṭidesemī’’ti. Tena vattabbo – ‘‘passasī’’ti. Āma passāmīti. Āyatiṃ saṃvareyyāsīti.
ид̇ха бана, бхигкавз, бхигку д̇ад̣̇аху бавааран̣ааяа аабад̇д̇ияаа взмад̇иго ход̇и. д̇зна, бхигкавз, бхигкунаа згам̣ бхигкум̣ убасан̇гамид̇ваа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘ахам̣, аавусо, ид̇т̇аннаамааяа аабад̇д̇ияаа взмад̇иго; яад̣̇аа ниб̣б̣змад̇иго бхависсаами д̇ад̣̇аа д̇ам̣ аабад̇д̇им̣ бадигариссаамий’’д̇и вад̇ваа баваарзд̇аб̣б̣ам̣; на д̇взва д̇аббажжаяаа бавааран̣ааяа анд̇арааяо гаад̇аб̣б̣од̇и.
Idha pana, bhikkhave, bhikkhu tadahu pavāraṇāya āpattiyā vematiko hoti. Tena, bhikkhave, bhikkhunā ekaṃ bhikkhuṃ upasaṅkamitvā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘‘ahaṃ, āvuso, itthannāmāya āpattiyā vematiko; yadā nibbematiko bhavissāmi tadā taṃ āpattiṃ paṭikarissāmī’’ti vatvā pavāretabbaṃ; na tveva tappaccayā pavāraṇāya antarāyo kātabboti.
аабад̇д̇ибадигаммавид̇хи нидтид̇аа.
Āpattipaṭikammavidhi niṭṭhitā.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / бавааран̣аад̣̇аанаануж̇аананагат̇аа • Pavāraṇādānānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 121. бавааран̣аабхзд̣̇агат̇аа • 121. Pavāraṇābhedakathā
