| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
аабад̇д̇ибадигаммавид̇хигат̇аа
Āpattipaṭikammavidhikathā
169. бхаг̇авад̇аа бан̃н̃ад̇д̇ам̣ ‘‘на саабад̇д̇игзна убосат̇о гаад̇аб̣б̣о’’д̇и ид̣̇ам̣ ‘‘яасса сияаа аабад̇д̇ий’’д̇иаад̣̇иважанзнзва баарисуд̣̇д̇хид̣̇аанабан̃н̃аабанзна жа баарисуд̣̇д̇хиубосат̇абан̃н̃аабанзна жа бан̃н̃ад̇д̇ам̣ ход̇ийд̇и взд̣̇ид̇аб̣б̣ам̣. ид̇т̇аннаамам̣ аабад̇д̇инд̇и т̇уллажжаяаад̣̇ийсу згиссаа наамам̣ г̇ахзд̇ваа ‘‘т̇уллажжаяам̣ аабад̇д̇им̣ баажид̇д̇ияам̣ аабад̇д̇и’’нд̇и звам̣ вад̇д̇аб̣б̣ам̣. д̇ам̣ бадид̣̇зсзмийд̇и ид̣̇ам̣ ‘‘д̇ам̣ д̇умхамуулз, д̇ам̣ д̇уяхамуулз бадид̣̇зсзмий’’д̇и вуд̇д̇зби сувуд̇д̇амзва ход̇и. бассасийд̇и ид̣̇ан̃жа ‘‘бассаси аавусо д̇ам̣ аабад̇д̇им̣, бассат̇а бханд̇з д̇ам̣ аабад̇д̇и’’нд̇и звам̣ вад̇д̇аб̣б̣ам̣. аама бассаамийд̇и ид̣̇ам̣ бана ‘‘аама бханд̇з бассаами, аама аавусо бассаамий’’д̇и звам̣ вуд̇д̇амби сувуд̇д̇амзва ход̇и. ааяад̇им̣ сам̣варзяяаасийд̇и зд̇т̇а бана сажз вуд̣дхад̇аро ‘‘ааяад̇им̣ сам̣варзяяаат̇аа’’д̇и вад̇д̇аб̣б̣о. звам̣ вуд̇д̇зна бана ‘‘саад̇ху судту сам̣вариссаамий’’д̇и вад̇д̇аб̣б̣амзва.
169.Bhagavatā paññattaṃ ‘‘na sāpattikena uposatho kātabbo’’ti idaṃ ‘‘yassa siyā āpattī’’tiādivacaneneva pārisuddhidānapaññāpanena ca pārisuddhiuposathapaññāpanena ca paññattaṃ hotīti veditabbaṃ. Itthannāmaṃ āpattinti thullaccayādīsu ekissā nāmaṃ gahetvā ‘‘thullaccayaṃ āpattiṃ pācittiyaṃ āpatti’’nti evaṃ vattabbaṃ. Taṃ paṭidesemīti idaṃ ‘‘taṃ tumhamūle, taṃ tuyhamūle paṭidesemī’’ti vuttepi suvuttameva hoti. Passasīti idañca ‘‘passasi āvuso taṃ āpattiṃ, passatha bhante taṃ āpatti’’nti evaṃ vattabbaṃ. Āma passāmīti idaṃ pana ‘‘āma bhante passāmi, āma āvuso passāmī’’ti evaṃ vuttampi suvuttameva hoti. Āyatiṃ saṃvareyyāsīti ettha pana sace vuḍḍhataro ‘‘āyatiṃ saṃvareyyāthā’’ti vattabbo. Evaṃ vuttena pana ‘‘sādhu suṭṭhu saṃvarissāmī’’ti vattabbameva.
яад̣̇аа ниб̣б̣змад̇игод̇и зд̇т̇а сажз банзса ниб̣б̣змад̇иго на ход̇и, вад̇т̇ум̣ гид̇д̇зд̇ваава д̣̇зсзд̇ум̣ ваддад̇ийд̇и анд̇хагадтагат̇ааяам̣ вуд̇д̇ам̣. д̇ад̇рааяам̣ д̣̇зсанаавид̇хи – сажз мзгхажчаннз суурияз ‘‘гаало ну ко но’’д̇и взмад̇иго бхун̃ж̇ад̇и, д̇зна бхигкунаа ‘‘ахам̣ бханд̇з взмад̇иго бхун̃ж̇им̣’’, сажз гаало ад̇т̇и, ‘‘самб̣ахулаа д̣̇уггадаа аабад̇д̇ияо аабанномхи, но жз ад̇т̇и, ‘‘самб̣ахулаа баажид̇д̇ияаа аабанномхий’’д̇и звам̣ вад̇т̇ум̣ гид̇д̇зд̇ваа ‘‘ахам̣ бханд̇з яаа д̇асмим̣ вад̇т̇усмим̣ самб̣ахулаа д̣̇уггадаа ваа баажид̇д̇ияаа ваа аабад̇д̇ияо аабанно, д̇аа д̇умхамуулз бадид̣̇зсзмий’’д̇и вад̇д̇аб̣б̣ам̣. зса наяо саб̣б̣аабад̇д̇ийсу.
Yadā nibbematikoti ettha sace panesa nibbematiko na hoti, vatthuṃ kittetvāva desetuṃ vaṭṭatīti andhakaṭṭhakathāyaṃ vuttaṃ. Tatrāyaṃ desanāvidhi – sace meghacchanne sūriye ‘‘kālo nu kho no’’ti vematiko bhuñjati, tena bhikkhunā ‘‘ahaṃ bhante vematiko bhuñjiṃ’’, sace kālo atthi, ‘‘sambahulā dukkaṭā āpattiyo āpannomhi, no ce atthi, ‘‘sambahulā pācittiyā āpannomhī’’ti evaṃ vatthuṃ kittetvā ‘‘ahaṃ bhante yā tasmiṃ vatthusmiṃ sambahulā dukkaṭā vā pācittiyā vā āpattiyo āpanno, tā tumhamūle paṭidesemī’’ti vattabbaṃ. Esa nayo sabbāpattīsu.
на бхигкавз сабхааг̇аа аабад̇д̇ийд̇и зд̇т̇а яам̣ д̣̇взби ж̇анаа вигаалабхож̇анаад̣̇инаа сабхааг̇авад̇т̇унаа аабад̇д̇им̣ аабаж̇ж̇анд̇и, зваруубаа вад̇т̇усабхааг̇аа ‘‘сабхааг̇аа’’д̇и вужжад̇и. вигаалабхож̇анаббажжаяаа аабаннам̣ бана анад̇ирид̇д̇абхож̇анабажжаяаа аабаннасса санд̇игз д̣̇зсзд̇ум̣ ваддад̇и. яааби жааяам̣ вад̇т̇усабхааг̇аа, сааби д̣̇зсид̇аа суд̣̇зсид̇аава. ан̃н̃ам̣ бана д̣̇зсанабажжаяаа д̣̇зсаго, бадиг̇г̇ахан̣аббажжаяаа бадиг̇г̇ахаго жаад̇и убхоби д̣̇уггадам̣ аабаж̇ж̇анд̇и, д̇ам̣ наанаавад̇т̇угам̣ ход̇и, д̇асмаа ан̃н̃аман̃н̃ам̣ д̣̇зсзд̇ум̣ ваддад̇и.
Na bhikkhave sabhāgā āpattīti ettha yaṃ dvepi janā vikālabhojanādinā sabhāgavatthunā āpattiṃ āpajjanti, evarūpā vatthusabhāgā ‘‘sabhāgā’’ti vuccati. Vikālabhojanappaccayā āpannaṃ pana anatirittabhojanapaccayā āpannassa santike desetuṃ vaṭṭati. Yāpi cāyaṃ vatthusabhāgā, sāpi desitā sudesitāva. Aññaṃ pana desanapaccayā desako, paṭiggahaṇappaccayā paṭiggahako cāti ubhopi dukkaṭaṃ āpajjanti, taṃ nānāvatthukaṃ hoti, tasmā aññamaññaṃ desetuṃ vaṭṭati.
170. сааманд̇о бхигку звамасса важанийяод̇и зд̇т̇а сабхааг̇оязва вад̇д̇аб̣б̣о. висабхааг̇асса хи вужжамаанз бхан̣д̣анагалахасан̇гхабхзд̣̇аад̣̇ийниби хонд̇и, д̇асмаа д̇асса авад̇ваа ‘‘ид̇о вудтахид̇ваа бадигариссаамий’’д̇и аабхог̇ам̣ гад̇ваа убосат̇о гаад̇аб̣б̣од̇и анд̇хагадтагат̇ааяам̣ вуд̇д̇ам̣.
170.Sāmanto bhikkhu evamassa vacanīyoti ettha sabhāgoyeva vattabbo. Visabhāgassa hi vuccamāne bhaṇḍanakalahasaṅghabhedādīnipi honti, tasmā tassa avatvā ‘‘ito vuṭṭhahitvā paṭikarissāmī’’ti ābhogaṃ katvā uposatho kātabboti andhakaṭṭhakathāyaṃ vuttaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
92. аабад̇д̇ибадигаммавид̇хи • 92. Āpattipaṭikammavidhi
93. аабад̇д̇иаавигаран̣авид̇хи • 93. Āpattiāvikaraṇavidhi
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аабад̇д̇ибадигаммавид̇хигат̇ааван̣н̣анаа • Āpattipaṭikammavidhikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аабад̇д̇ибадигаммавид̇хигат̇аад̣̇иван̣н̣анаа • Āpattipaṭikammavidhikathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чанд̣̇ад̣̇аанагат̇аад̣̇иван̣н̣анаа • Chandadānakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 92. аабад̇д̇ибадигаммавид̇хигат̇аа • 92. Āpattipaṭikammavidhikathā
