| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੯੨. ਆਪਤ੍ਤਿਪਟਿਕਮ੍ਮવਿਧਿਕਥਾ
92. Āpattipaṭikammavidhikathā
੧੬੯. ਭਗવਤਾ…ਪੇ॰… ਕਾਤਬ੍ਬੋਤਿ ਇਦਂ વੇਦਿਤਬ੍ਬਨ੍ਤਿ ਸਮ੍ਬਨ੍ਧੋ। ‘‘ਯਸ੍ਸ ਸਿਯਾ ਆਪਤ੍ਤੀਤਿਆਦਿવਚਨੇਨੇવ ਚਾ’’ਤਿਆਦਿਹੇਤੁਤ੍ਤਯੇਨ ‘‘ਨ ਸਾਪਤ੍ਤਿਕੇਨ ਉਪੋਸਥੋ ਕਾਤਬ੍ਬੋ’’ਤਿ ਯਥਾਰੁਤਂ ਅਪਞ੍ਞਤ੍ਤਮ੍ਪਿ ਅਤ੍ਥਤੋ ਸਿਦ੍ਧਮੇવਾਤਿ ਦਸ੍ਸੇਤਿ। ਹੇਤੁਤ੍ਤਯਂ ‘‘વੇਦਿਤਬ੍ਬ’’ਨ੍ਤਿ ਪਦੇਨ ਯੋਜੇਤਬ੍ਬਂ। ਥੁਲ੍ਲਚ੍ਚਯਾਦੀਸੂਤਿ ਆਦਿਸਦ੍ਦੇਨ ਪਾਚਿਤ੍ਤਿਯਪਾਟਿਦੇਸਨੀਯਦੁਕ੍ਕਟਦੁਬ੍ਭਾਸਿਤਾਪਤ੍ਤਿਯੋ ਸਙ੍ਗਣ੍ਹਾਤਿ। ‘‘ਤਂ ਪਟਿਦੇਸੇਮੀ’’ਤਿ ਇਦਂ ਸੁવੁਤ੍ਤਮੇવ ਹੋਤੀਤਿ ਸਮ੍ਬਨ੍ਧੋ। ਤਨ੍ਤਿ ਆਪਤ੍ਤਿਂ। ਤੁਮ੍ਹਮੂਲੇਤਿ ਤੁਮ੍ਹਂ ਸਨ੍ਤਿਕੇ। ਨਿਗ੍ਗਹਿਤਲੋਪਞ੍ਹਿ વਾਕ੍ਯਮੇવ, ਨ ਸਮਾਸੋ। ‘‘ਤੁਮ੍ਹ’’ ਇਤਿ ਚ ‘‘ਤੁਯ੍ਹ’’ ਇਤਿ ਚ ਨવਕਤ੍ਥੇਰਾਨਂ વਤ੍ਤਬ੍ਬਾਕਾਰਦਸ੍ਸਨਮਤ੍ਤਮੇવ, ਨ ਇਚ੍ਛਿਤਤ੍ਥવਿਪਤ੍ਤਿਦਸ੍ਸਨਂ। વੁਤ੍ਤਮ੍ਪੀਤਿ ਪਿਸਦ੍ਦੇਨ ਨ ਕੇવਲਂ ਪਾਲ਼ਿਨਯੇਨੇવ ਸੁવੁਤ੍ਤਂ, ਇਮਿਨਾ ਨਯੇਨਪਿ ਸੁવੁਤ੍ਤਨ੍ਤਿ ਦਸ੍ਸੇਤਿ। ‘‘ਪਸ੍ਸਸੀ’’ਤਿ ਇਦਞ੍ਚ વਤ੍ਤਬ੍ਬਨ੍ਤਿ ਸਮ੍ਬਨ੍ਧੋ। વਤ੍ਤਬ੍ਬਾਕਾਰਂ ਪਨ ਸੁવਿਞ੍ਞੇਯ੍ਯਂ। ‘‘ਆਮ ਪਸ੍ਸਾਮੀ’’ਤਿ ਇਦਂ ਪਨ ਸੁવੁਤ੍ਤਮੇવ ਹੋਤੀਤਿ ਸਮ੍ਬਨ੍ਧੋ। વੁਤ੍ਤਮ੍ਪੀਤਿ ਪਿਸਦ੍ਦੋ ਪਾਲ਼ਿਨਯਂ ਸਮ੍ਪਿਣ੍ਡੇਤਿ। ਆਯਤਿਂ ਸਂવਰੇਯ੍ਯਾਸੀਤਿ ਏਤ੍ਥ ਪਨ વਤ੍ਤਬ੍ਬੋਤਿ ਸਮ੍ਬਨ੍ਧੋ। ਗਰੂਸੁ ਬਹੁવਚਨਸ੍ਸ ਕਤ੍ਤਬ੍ਬਤ੍ਤਾ વੁਤ੍ਤਂ ‘‘ਸਂવਰੇਯ੍ਯਾਥਾ’’ਤਿ। ਏવਂ વੁਤ੍ਤੇਨ ਆਪਤ੍ਤਿਦੇਸਕੇਨਾਤਿ ਸਮ੍ਬਨ੍ਧੋ।
169. Bhagavatā…pe… kātabboti idaṃ veditabbanti sambandho. ‘‘Yassa siyā āpattītiādivacaneneva cā’’tiādihetuttayena ‘‘na sāpattikena uposatho kātabbo’’ti yathārutaṃ apaññattampi atthato siddhamevāti dasseti. Hetuttayaṃ ‘‘veditabba’’nti padena yojetabbaṃ. Thullaccayādīsūti ādisaddena pācittiyapāṭidesanīyadukkaṭadubbhāsitāpattiyo saṅgaṇhāti. ‘‘Taṃ paṭidesemī’’ti idaṃ suvuttameva hotīti sambandho. Tanti āpattiṃ. Tumhamūleti tumhaṃ santike. Niggahitalopañhi vākyameva, na samāso. ‘‘Tumha’’ iti ca ‘‘tuyha’’ iti ca navakattherānaṃ vattabbākāradassanamattameva, na icchitatthavipattidassanaṃ. Vuttampīti pisaddena na kevalaṃ pāḷinayeneva suvuttaṃ, iminā nayenapi suvuttanti dasseti. ‘‘Passasī’’ti idañca vattabbanti sambandho. Vattabbākāraṃ pana suviññeyyaṃ. ‘‘Āma passāmī’’ti idaṃ pana suvuttameva hotīti sambandho. Vuttampīti pisaddo pāḷinayaṃ sampiṇḍeti. Āyatiṃ saṃvareyyāsīti ettha pana vattabboti sambandho. Garūsu bahuvacanassa kattabbattā vuttaṃ ‘‘saṃvareyyāthā’’ti. Evaṃ vuttena āpattidesakenāti sambandho.
ਤਤ੍ਰਾਤਿ ‘‘ਯਦਾ ਨਿਬ੍ਬੇਮਤਿਕੋ’’ਤਿ ਪਾਠੇ। ਸੂਰਿਯੇ ਮੇਘਚ੍ਛਨ੍ਨੇ ਸਤੀਤਿ ਯੋਜਨਾ। ਤੇਨ ਭਿਕ੍ਖੁਨਾ વਤ੍ਤਬ੍ਬਨ੍ਤਿ ਸਮ੍ਬਨ੍ਧੋ, વਤ੍ਥੁਂ ਕਿਤ੍ਤੇਤ੍વਾਤਿ ਭੋਜਨਸਙ੍ਖਾਤਂ વਤ੍ਥੁਂ ਕਿਤ੍ਤੇਤ੍વਾ। ਤਾਤਿ ਆਪਤ੍ਤਿਯੋ।
Tatrāti ‘‘yadā nibbematiko’’ti pāṭhe. Sūriye meghacchanne satīti yojanā. Tena bhikkhunā vattabbanti sambandho, vatthuṃ kittetvāti bhojanasaṅkhātaṃ vatthuṃ kittetvā. Tāti āpattiyo.
ਸਭਾਗਾ ਆਪਤ੍ਤੀਤਿ ਏਤ੍ਥ ਦ੍વੀਸੁ વਤ੍ਥੁਸਭਾਗਆਪਤ੍ਤਿਸਭਾਗਾਸੁ વਤ੍ਥੁਸਭਾਗਾવ ਅਧਿਪ੍ਪੇਤਾਤਿ ਦਸ੍ਸੇਨ੍ਤੋ ਆਹ ‘‘ਯਂ ਦ੍વੇਪਿ ਜਨਾ’’ਤਿਆਦਿ। ਯਂ ਆਪਤ੍ਤਿਨ੍ਤਿ ਸਮ੍ਬਨ੍ਧੋ। ਸਮਾਨੋ ਭਾਗੋ ਏਤਾਸਨ੍ਤਿ ਸਭਾਗਾ। ਦੇਸੇਤੁਂ વਟ੍ਟਤੀਤਿ ਆਪਤ੍ਤਿਸਭਾਗਾਪਿ વਤ੍ਥੁવਿਸਭਾਗਤ੍ਤਾ ਦੇਸੇਤੁਂ વਟ੍ਟਤਿ। ਸੁਦੇਸਿਤਾવਾਤਿ ਆਪਤ੍ਤਿਤੋ ਭਿਕ੍ਖੁ વੁਟ੍ਠਾਤਿਯੇવਾਤਿ ਅਧਿਪ੍ਪਾਯੋ। ਅਞ੍ਞਂ ਦੁਕ੍ਕਟਨ੍ਤਿ ਸਮ੍ਬਨ੍ਧੋ। ਪਨਸਦ੍ਦੋ ਗਰਹਤ੍ਥਜੋਤਕੋ ਸੁਦੇਸਿਤਾਯ ਗਰਹਾਕਾਰੇਨ ਪવਤ੍ਤਤ੍ਤਾ। ਕਿਞ੍ਚਾਪਿ ਸੁਦੇਸਿਤਾવ, ਪਨ ਤਥਾਪੀਤਿ ਯੋਜਨਾ। ਤਨ੍ਤਿ ਦੁਕ੍ਕਟਂ। ਨਾਨਾવਤ੍ਥੁਕਨ੍ਤਿ ਦੇਸਨਾਪਟਿਗ੍ਗਹਣવਸੇਨ ਨਾਨਾવਤ੍ਥੁਕਂ।
Sabhāgā āpattīti ettha dvīsu vatthusabhāgaāpattisabhāgāsu vatthusabhāgāva adhippetāti dassento āha ‘‘yaṃ dvepi janā’’tiādi. Yaṃ āpattinti sambandho. Samāno bhāgo etāsanti sabhāgā. Desetuṃ vaṭṭatīti āpattisabhāgāpi vatthuvisabhāgattā desetuṃ vaṭṭati. Sudesitāvāti āpattito bhikkhu vuṭṭhātiyevāti adhippāyo. Aññaṃ dukkaṭanti sambandho. Panasaddo garahatthajotako sudesitāya garahākārena pavattattā. Kiñcāpi sudesitāva, pana tathāpīti yojanā. Tanti dukkaṭaṃ. Nānāvatthukanti desanāpaṭiggahaṇavasena nānāvatthukaṃ.
੧੭੦. ਸਭਾਗੋਯੇવ વਤ੍ਤਬ੍ਬੋ, ਨ વਿਸਭਾਗੋ। ਹੀਤਿ ਸਚ੍ਚਂ, ਯਸ੍ਮਾ વਾ। ਤਸ੍ਸਾਤਿ વਿਸਭਾਗਸ੍ਸ। ਇਤੋਤਿ ਸਙ੍ਘਸਨ੍ਨਿਪਾਤਤੋ।
170. Sabhāgoyeva vattabbo, na visabhāgo. Hīti saccaṃ, yasmā vā. Tassāti visabhāgassa. Itoti saṅghasannipātato.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi
੯੨. ਆਪਤ੍ਤਿਪਟਿਕਮ੍ਮવਿਧਿ • 92. Āpattipaṭikammavidhi
੯੩. ਆਪਤ੍ਤਿਆવਿਕਰਣવਿਧਿ • 93. Āpattiāvikaraṇavidhi
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਆਪਤ੍ਤਿਪਟਿਕਮ੍ਮવਿਧਿਕਥਾ • Āpattipaṭikammavidhikathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਆਪਤ੍ਤਿਪਟਿਕਮ੍ਮવਿਧਿਕਥਾવਣ੍ਣਨਾ • Āpattipaṭikammavidhikathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਆਪਤ੍ਤਿਪਟਿਕਮ੍ਮવਿਧਿਕਥਾਦਿવਣ੍ਣਨਾ • Āpattipaṭikammavidhikathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਛਨ੍ਦਦਾਨਕਥਾਦਿવਣ੍ਣਨਾ • Chandadānakathādivaṇṇanā
