| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
ஆபத்திபடிகம்மவிதி⁴கதா²தி³வண்ணனா
Āpattipaṭikammavidhikathādivaṇṇanā
169-170. படிதே³ஸேமீதி யாய காயசி பா⁴ஸாய வுத்தே தே³ஸனா ச படிக்³க³ஹோ ச ஹோதியேவ தி³ட்டா²விகம்மேன விஸுத்³தி⁴யா வுத்தத்தாதி கேசி. வேமதிகேன ‘‘அஹங், ப⁴ந்தே, ஏகிஸ்ஸா து²ல்லச்சயாபத்தியா வேமதிகோ, யதா³ நிப்³பே³மதிகோ ப⁴விஸ்ஸாமி, ததா³ தங் ஆபத்திங் படிகரிஸ்ஸாமீ’’தி வத்தப்³ப³ங். ஏவங் கதே யாவ நிப்³பே³மதிகோ ந ஹோதி, தாவ ஸபா⁴கா³பத்திங் படிக்³க³ஹேதுங் ந லப⁴தி, அஞ்ஞேஸஞ்ச கம்மானங் பரிஸுத்³தோ⁴ நாம ஹோதி. புன நிப்³பே³மதிகோ ஹுத்வா தே³ஸேதப்³ப³ங். ந சாதி நேவ பாளியங் ந அட்ட²கதா²யங் அத்தி², தே³ஸிதே பன தோ³ஸோ நத்தீ²தி. ததா² இதோ வுட்ட²ஹித்வா தங் ஆபத்திங் படிகரிஸ்ஸாமீதி எத்த² ச ஸகலஸங்கே⁴ ஸபா⁴கா³பத்திங் ஆபன்னே, வேமதிகே ச. ததா² ச ‘‘ஸப்³போ³ ஸங்கோ⁴ ஸபா⁴கா³பத்திங் ஆபஜ்ஜித்வா யதா³ ஸுத்³த⁴ங் பஸ்ஸிஸ்ஸதீ’’தி, ‘‘ததா³ தஸ்ஸ ஸந்திகே தங் ஆபத்திங் படிகரிஸ்ஸதீ’தி வத்வா ‘உபோஸத²ங் காதுங் லப⁴தீ’’தி ச லிகி²தங்.
169-170.Paṭidesemīti yāya kāyaci bhāsāya vutte desanā ca paṭiggaho ca hotiyeva diṭṭhāvikammena visuddhiyā vuttattāti keci. Vematikena ‘‘ahaṃ, bhante, ekissā thullaccayāpattiyā vematiko, yadā nibbematiko bhavissāmi, tadā taṃ āpattiṃ paṭikarissāmī’’ti vattabbaṃ. Evaṃ kate yāva nibbematiko na hoti, tāva sabhāgāpattiṃ paṭiggahetuṃ na labhati, aññesañca kammānaṃ parisuddho nāma hoti. Puna nibbematiko hutvā desetabbaṃ. Na cāti neva pāḷiyaṃ na aṭṭhakathāyaṃ atthi, desite pana doso natthīti. Tathā itovuṭṭhahitvā taṃ āpattiṃ paṭikarissāmīti ettha ca sakalasaṅghe sabhāgāpattiṃ āpanne, vematike ca. Tathā ca ‘‘sabbo saṅgho sabhāgāpattiṃ āpajjitvā yadā suddhaṃ passissatī’’ti, ‘‘tadā tassa santike taṃ āpattiṃ paṭikarissatī’ti vatvā ‘uposathaṃ kātuṃ labhatī’’ti ca likhitaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
92. ஆபத்திபடிகம்மவிதி⁴ • 92. Āpattipaṭikammavidhi
93. ஆபத்திஆவிகரணவிதி⁴ • 93. Āpattiāvikaraṇavidhi
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ஆபத்திபடிகம்மவிதி⁴கதா² • Āpattipaṭikammavidhikathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஆபத்திபடிகம்மவிதி⁴கதா²வண்ணனா • Āpattipaṭikammavidhikathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ச²ந்த³தா³னகதா²தி³வண்ணனா • Chandadānakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 92. ஆபத்திபடிகம்மவிதி⁴கதா² • 92. Āpattipaṭikammavidhikathā
