| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
อาปตฺติปฎิกมฺมวิธิกถาทิวณฺณนา
Āpattipaṭikammavidhikathādivaṇṇanā
๑๖๙-๑๗๐. ปฎิเทเสมีติ ยาย กายจิ ภาสาย วุเตฺต เทสนา จ ปฎิคฺคโห จ โหติเยว ทิฎฺฐาวิกเมฺมน วิสุทฺธิยา วุตฺตตฺตาติ เกจิฯ เวมติเกน ‘‘อหํ, ภเนฺต, เอกิสฺสา ถุลฺลจฺจยาปตฺติยา เวมติโก, ยทา นิเพฺพมติโก ภวิสฺสามิ, ตทา ตํ อาปตฺติํ ปฎิกริสฺสามี’’ติ วตฺตพฺพํฯ เอวํ กเต ยาว นิเพฺพมติโก น โหติ, ตาว สภาคาปตฺติํ ปฎิคฺคเหตุํ น ลภติ, อเญฺญสญฺจ กมฺมานํ ปริสุโทฺธ นาม โหติฯ ปุน นิเพฺพมติโก หุตฺวา เทเสตพฺพํฯ น จาติ เนว ปาฬิยํ น อฎฺฐกถายํ อตฺถิ, เทสิเต ปน โทโส นตฺถีติฯ ตถา อิโต วุฎฺฐหิตฺวา ตํ อาปตฺติํ ปฎิกริสฺสามีติ เอตฺถ จ สกลสเงฺฆ สภาคาปตฺติํ อาปเนฺน, เวมติเก จฯ ตถา จ ‘‘สโพฺพ สโงฺฆ สภาคาปตฺติํ อาปชฺชิตฺวา ยทา สุทฺธํ ปสฺสิสฺสตี’’ติ, ‘‘ตทา ตสฺส สนฺติเก ตํ อาปตฺติํ ปฎิกริสฺสตี’ติ วตฺวา ‘อุโปสถํ กาตุํ ลภตี’’ติ จ ลิขิตํฯ
169-170.Paṭidesemīti yāya kāyaci bhāsāya vutte desanā ca paṭiggaho ca hotiyeva diṭṭhāvikammena visuddhiyā vuttattāti keci. Vematikena ‘‘ahaṃ, bhante, ekissā thullaccayāpattiyā vematiko, yadā nibbematiko bhavissāmi, tadā taṃ āpattiṃ paṭikarissāmī’’ti vattabbaṃ. Evaṃ kate yāva nibbematiko na hoti, tāva sabhāgāpattiṃ paṭiggahetuṃ na labhati, aññesañca kammānaṃ parisuddho nāma hoti. Puna nibbematiko hutvā desetabbaṃ. Na cāti neva pāḷiyaṃ na aṭṭhakathāyaṃ atthi, desite pana doso natthīti. Tathā itovuṭṭhahitvā taṃ āpattiṃ paṭikarissāmīti ettha ca sakalasaṅghe sabhāgāpattiṃ āpanne, vematike ca. Tathā ca ‘‘sabbo saṅgho sabhāgāpattiṃ āpajjitvā yadā suddhaṃ passissatī’’ti, ‘‘tadā tassa santike taṃ āpattiṃ paṭikarissatī’ti vatvā ‘uposathaṃ kātuṃ labhatī’’ti ca likhitaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / มหาวคฺคปาฬิ • Mahāvaggapāḷi
๙๒. อาปตฺติปฎิกมฺมวิธิ • 92. Āpattipaṭikammavidhi
๙๓. อาปตฺติอาวิกรณวิธิ • 93. Āpattiāvikaraṇavidhi
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / มหาวคฺค-อฎฺฐกถา • Mahāvagga-aṭṭhakathā / อาปตฺติปฎิกมฺมวิธิกถา • Āpattipaṭikammavidhikathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / อาปตฺติปฎิกมฺมวิธิกถาวณฺณนา • Āpattipaṭikammavidhikathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ฉนฺททานกถาทิวณฺณนา • Chandadānakathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๙๒. อาปตฺติปฎิกมฺมวิธิกถา • 92. Āpattipaṭikammavidhikathā
