| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
аабад̇д̇ибадигаммавид̇хигат̇ааван̣н̣анаа
Āpattipaṭikammavidhikathāvaṇṇanā
169. нану жа ‘‘на, бхигкавз, саабад̇д̇игзна убосат̇о гаад̇аб̣б̣о, яо гарзяяа, аабад̇д̇и д̣̇уггадассаа’’д̇и звам̣ саабад̇д̇игасса убосат̇агаран̣з висум̣ бан̃н̃ад̇д̇аа аабад̇д̇и на д̣̇иссад̇и, д̇асмаа бхаг̇авад̇аа бан̃н̃ад̇д̇ам̣ ‘‘на саабад̇д̇игзна убосат̇о гаад̇аб̣б̣о’’д̇и ид̣̇ам̣ гасмаа вуд̇д̇анд̇и ааха ‘‘яасса сияаа аабад̇д̇и…бз… бан̃н̃ад̇д̇ам̣ ход̇ийд̇и взд̣̇ид̇аб̣б̣а’’нд̇и. гин̃жааби висум̣ бан̃н̃ад̇д̇аа аабад̇д̇и на д̣̇иссад̇и, ат̇а ко ‘‘яасса сияаа аабад̇д̇и, со аавигарзяяаа’’д̇иаад̣̇им̣ вад̣̇анд̇зна ад̇т̇ад̇о бан̃н̃ад̇д̇ааязваад̇и ад̇хиббааяо.
169. Nanu ca ‘‘na, bhikkhave, sāpattikena uposatho kātabbo, yo kareyya, āpatti dukkaṭassā’’ti evaṃ sāpattikassa uposathakaraṇe visuṃ paññattā āpatti na dissati, tasmā bhagavatā paññattaṃ ‘‘na sāpattikena uposatho kātabbo’’ti idaṃ kasmā vuttanti āha ‘‘yassa siyā āpatti…pe… paññattaṃ hotīti veditabba’’nti. Kiñcāpi visuṃ paññattā āpatti na dissati, atha kho ‘‘yassa siyā āpatti, so āvikareyyā’’tiādiṃ vadantena atthato paññattāyevāti adhippāyo.
баарисуд̣̇д̇хид̣̇аанабан̃н̃аабанзна жаад̇и иминаава ‘‘саабад̇д̇игзна баарисуд̣̇д̇хиби на д̣̇аад̇аб̣б̣аа’’д̇и д̣̇ийбид̇ам̣ ход̇и. на хи саабад̇д̇иго самаано ‘‘баарисуд̣̇д̇хим̣ д̣̇амми, баарисуд̣̇д̇хим̣ мз хара, баарисуд̣̇д̇хим̣ мз аарожзхий’’д̇и вад̇д̇умарахад̇и. д̇асмаа баарисуд̣̇д̇хим̣ д̣̇знд̇зна батамам̣ санд̇ий аабад̇д̇и д̣̇зсзд̇аб̣б̣аа ‘‘ахам̣, аавусо, ид̇т̇аннаамааяа аабад̇д̇ияаа взмад̇иго, яад̣̇аа ниб̣б̣змад̇иго бхависсаами, д̇ад̣̇аа д̇ам̣ аабад̇д̇им̣ бадигариссаамий’’д̇и вад̇ваа убосат̇о гаад̇аб̣б̣о. ‘‘баад̇имогкам̣ сод̇аб̣б̣а’’нд̇и важанад̇о яаава ниб̣б̣змад̇иго на ход̇и, д̇аава сабхааг̇аабад̇д̇им̣ бадиг̇г̇ахзд̇ум̣ на лабхад̇и, ан̃н̃зсан̃жа гаммаанам̣ барисуд̣̇д̇хо наама ход̇и. ‘‘буна ниб̣б̣змад̇иго худ̇ваа д̣̇зсзд̇аб̣б̣ам̣ на жаа’’д̇и нзва баал̣ияам̣ на адтагат̇ааяам̣ ад̇т̇и, д̣̇зсид̇з бана д̣̇осо над̇т̇и. ‘‘ид̇о вудтахид̇ваа бадигариссаамийд̇и зд̇т̇ааби зсзва наяо’’д̇и г̇ан̣тибад̣̇зсу вуд̇д̇ам̣. яат̇аа саб̣б̣о сан̇гхо сабхааг̇аабад̇д̇им̣ аабаж̇ж̇ид̇ваа ‘‘сун̣аад̇у мз бханд̇з, сан̇гхо…бз… бадигариссад̇ий’’д̇и н̃ад̇д̇им̣ табзд̇ваа убосат̇ам̣ гаад̇ум̣ лабхад̇и, звам̣ д̇ийхи ‘‘сун̣анд̇у мз ааяасманд̇аа, имз бхигкуу сабхааг̇ам̣ аабад̇д̇им̣ аабаннаа. яад̣̇аа ан̃н̃ам̣ бхигкум̣ суд̣̇д̇хам̣ анаабад̇д̇игам̣ бассиссанд̇и, д̇ад̣̇аа д̇асса санд̇игз д̇ам̣ аабад̇д̇им̣ бадигариссанд̇ий’’д̇и г̇ан̣ан̃ад̇д̇им̣ табзд̇ваа, д̣̇вийхи ан̃н̃аман̃н̃ам̣ аарожзд̇ваа убосат̇ам̣ гаад̇ум̣ ваддад̇и. згзнаби ‘‘барисуд̣̇д̇хам̣ лабхид̇ваа бадигариссаамий’’д̇и аабхог̇ам̣ гад̇ваа гаад̇ум̣ ваддад̇ийд̇и жа вад̣̇анд̇и.
Pārisuddhidānapaññāpanena cāti imināva ‘‘sāpattikena pārisuddhipi na dātabbā’’ti dīpitaṃ hoti. Na hi sāpattiko samāno ‘‘pārisuddhiṃ dammi, pārisuddhiṃ me hara, pārisuddhiṃ me ārocehī’’ti vattumarahati. Tasmā pārisuddhiṃ dentena paṭhamaṃ santī āpatti desetabbā ‘‘ahaṃ, āvuso, itthannāmāya āpattiyā vematiko, yadā nibbematiko bhavissāmi, tadā taṃ āpattiṃ paṭikarissāmī’’ti vatvā uposatho kātabbo. ‘‘Pātimokkhaṃ sotabba’’nti vacanato yāva nibbematiko na hoti, tāva sabhāgāpattiṃ paṭiggahetuṃ na labhati, aññesañca kammānaṃ parisuddho nāma hoti. ‘‘Puna nibbematiko hutvā desetabbaṃ na cā’’ti neva pāḷiyaṃ na aṭṭhakathāyaṃ atthi, desite pana doso natthi. ‘‘Ito vuṭṭhahitvā paṭikarissāmīti etthāpi eseva nayo’’ti gaṇṭhipadesu vuttaṃ. Yathā sabbo saṅgho sabhāgāpattiṃ āpajjitvā ‘‘suṇātu me bhante, saṅgho…pe… paṭikarissatī’’ti ñattiṃ ṭhapetvā uposathaṃ kātuṃ labhati, evaṃ tīhi ‘‘suṇantu me āyasmantā, ime bhikkhū sabhāgaṃ āpattiṃ āpannā. Yadā aññaṃ bhikkhuṃ suddhaṃ anāpattikaṃ passissanti, tadā tassa santike taṃ āpattiṃ paṭikarissantī’’ti gaṇañattiṃ ṭhapetvā, dvīhi aññamaññaṃ ārocetvā uposathaṃ kātuṃ vaṭṭati. Ekenapi ‘‘parisuddhaṃ labhitvā paṭikarissāmī’’ti ābhogaṃ katvā kātuṃ vaṭṭatīti ca vadanti.
аабад̇д̇ибадигаммавид̇хигат̇ааван̣н̣анаа нидтид̇аа.
Āpattipaṭikammavidhikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 92. аабад̇д̇ибадигаммавид̇хи • 92. Āpattipaṭikammavidhi
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / аабад̇д̇ибадигаммавид̇хигат̇аа • Āpattipaṭikammavidhikathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / аабад̇д̇ибадигаммавид̇хигат̇аад̣̇иван̣н̣анаа • Āpattipaṭikammavidhikathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чанд̣̇ад̣̇аанагат̇аад̣̇иван̣н̣анаа • Chandadānakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 92. аабад̇д̇ибадигаммавид̇хигат̇аа • 92. Āpattipaṭikammavidhikathā
