| Library / Tipiṭaka / తిపిటక • Tipiṭaka / విమతివినోదనీ-టీకా • Vimativinodanī-ṭīkā |
ఆపత్తిసముట్ఠానగాథావణ్ణనా
Āpattisamuṭṭhānagāthāvaṇṇanā
౨౮౩. తతియో పన గాథావారో దుతియవారేన వుత్తమేవత్థం సఙ్గహేత్వా దస్సేతుం వుత్తో. తత్థ కాయోవ కాయికోతి వత్తబ్బే వచనవిపల్లాసేన ‘‘కాయికా’’తి వుత్తం. తేనాహ ‘‘తేన సముట్ఠితా’’తి, కాయో సముట్ఠానం అక్ఖాతోతి అత్థో.
283. Tatiyo pana gāthāvāro dutiyavārena vuttamevatthaṃ saṅgahetvā dassetuṃ vutto. Tattha kāyova kāyikoti vattabbe vacanavipallāsena ‘‘kāyikā’’ti vuttaṃ. Tenāha ‘‘tena samuṭṭhitā’’ti, kāyo samuṭṭhānaṃ akkhātoti attho.
వివేకదస్సినాతి సబ్బసఙ్ఖతవివిత్తత్తా, తతో వివిత్తహేతుత్తా చ నీవరణవివేకఞ్చ నిబ్బానఞ్చ దస్సనసీలేన. విభఙ్గకోవిదాతి ఉభతోవిభఙ్గకుసలాతి ఆలపనం. ఇధ పనేవం అఞ్ఞో పుచ్ఛన్తో నామ నత్థి, ఉపాలిత్థేరో సయమేవ అత్థం పాకటం కాతుం పుచ్ఛావిసజ్జనఞ్చ అకాసీతి ఇమినా నయేన సబ్బత్థ అత్థో వేదితబ్బో.
Vivekadassināti sabbasaṅkhatavivittattā, tato vivittahetuttā ca nīvaraṇavivekañca nibbānañca dassanasīlena. Vibhaṅgakovidāti ubhatovibhaṅgakusalāti ālapanaṃ. Idha panevaṃ añño pucchanto nāma natthi, upālitthero sayameva atthaṃ pākaṭaṃ kātuṃ pucchāvisajjanañca akāsīti iminā nayena sabbattha attho veditabbo.
ఆపత్తిసముట్ఠానగాథావణ్ణనా నిట్ఠితా.
Āpattisamuṭṭhānagāthāvaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / వినయపిటక • Vinayapiṭaka / పరివారపాళి • Parivārapāḷi / ౩. ఆపత్తిసముట్ఠానగాథా • 3. Āpattisamuṭṭhānagāthā
టీకా • Tīkā / వినయపిటక (టీకా) • Vinayapiṭaka (ṭīkā) / వజిరబుద్ధి-టీకా • Vajirabuddhi-ṭīkā / ఛఆపత్తిసముట్ఠానవారాదివణ్ణనా • Chaāpattisamuṭṭhānavārādivaṇṇanā
