| Library / Tipiṭaka / ติปิฎก • Tipiṭaka / วิมติวิโนทนี-ฎีกา • Vimativinodanī-ṭīkā |
อาปตฺติสมุฎฺฐานคาถาวณฺณนา
Āpattisamuṭṭhānagāthāvaṇṇanā
๒๘๓. ตติโย ปน คาถาวาโร ทุติยวาเรน วุตฺตเมวตฺถํ สงฺคเหตฺวา ทเสฺสตุํ วุโตฺตฯ ตตฺถ กาโยว กายิโกติ วตฺตเพฺพ วจนวิปลฺลาเสน ‘‘กายิกา’’ติ วุตฺตํฯ เตนาห ‘‘เตน สมุฎฺฐิตา’’ติ, กาโย สมุฎฺฐานํ อกฺขาโตติ อโตฺถฯ
283. Tatiyo pana gāthāvāro dutiyavārena vuttamevatthaṃ saṅgahetvā dassetuṃ vutto. Tattha kāyova kāyikoti vattabbe vacanavipallāsena ‘‘kāyikā’’ti vuttaṃ. Tenāha ‘‘tena samuṭṭhitā’’ti, kāyo samuṭṭhānaṃ akkhātoti attho.
วิเวกทสฺสินาติ สพฺพสงฺขตวิวิตฺตตฺตา, ตโต วิวิตฺตเหตุตฺตา จ นีวรณวิเวกญฺจ นิพฺพานญฺจ ทสฺสนสีเลนฯ วิภงฺคโกวิทาติ อุภโตวิภงฺคกุสลาติ อาลปนํฯ อิธ ปเนวํ อโญฺญ ปุจฺฉโนฺต นาม นตฺถิ, อุปาลิเตฺถโร สยเมว อตฺถํ ปากฎํ กาตุํ ปุจฺฉาวิสชฺชนญฺจ อกาสีติ อิมินา นเยน สพฺพตฺถ อโตฺถ เวทิตโพฺพฯ
Vivekadassināti sabbasaṅkhatavivittattā, tato vivittahetuttā ca nīvaraṇavivekañca nibbānañca dassanasīlena. Vibhaṅgakovidāti ubhatovibhaṅgakusalāti ālapanaṃ. Idha panevaṃ añño pucchanto nāma natthi, upālitthero sayameva atthaṃ pākaṭaṃ kātuṃ pucchāvisajjanañca akāsīti iminā nayena sabbattha attho veditabbo.
อาปตฺติสมุฎฺฐานคาถาวณฺณนา นิฎฺฐิตาฯ
Āpattisamuṭṭhānagāthāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ปริวารปาฬิ • Parivārapāḷi / ๓. อาปตฺติสมุฎฺฐานคาถา • 3. Āpattisamuṭṭhānagāthā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ฉอาปตฺติสมุฎฺฐานวาราทิวณฺณนา • Chaāpattisamuṭṭhānavārādivaṇṇanā
