| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
អាបត្តិសមុដ្ឋានគាថាវណ្ណនា
Āpattisamuṭṭhānagāthāvaṇṇanā
២៨៣. តតិយោ បន គាថាវារោ ទុតិយវារេន វុត្តមេវត្ថំ សង្គហេត្វា ទស្សេតុំ វុត្តោ។ តត្ថ កាយោវ កាយិកោតិ វត្តព្ពេ វចនវិបល្លាសេន ‘‘កាយិកា’’តិ វុត្តំ។ តេនាហ ‘‘តេន សមុដ្ឋិតា’’តិ, កាយោ សមុដ្ឋានំ អក្ខាតោតិ អត្ថោ។
283. Tatiyo pana gāthāvāro dutiyavārena vuttamevatthaṃ saṅgahetvā dassetuṃ vutto. Tattha kāyova kāyikoti vattabbe vacanavipallāsena ‘‘kāyikā’’ti vuttaṃ. Tenāha ‘‘tena samuṭṭhitā’’ti, kāyo samuṭṭhānaṃ akkhātoti attho.
វិវេកទស្សិនាតិ សព្ពសង្ខតវិវិត្តត្តា, តតោ វិវិត្តហេតុត្តា ច នីវរណវិវេកញ្ច និព្ពានញ្ច ទស្សនសីលេន។ វិភង្គកោវិទាតិ ឧភតោវិភង្គកុសលាតិ អាលបនំ។ ឥធ បនេវំ អញ្ញោ បុច្ឆន្តោ នាម នត្ថិ, ឧបាលិត្ថេរោ សយមេវ អត្ថំ បាកដំ កាតុំ បុច្ឆាវិសជ្ជនញ្ច អកាសីតិ ឥមិនា នយេន សព្ពត្ថ អត្ថោ វេទិតព្ពោ។
Vivekadassināti sabbasaṅkhatavivittattā, tato vivittahetuttā ca nīvaraṇavivekañca nibbānañca dassanasīlena. Vibhaṅgakovidāti ubhatovibhaṅgakusalāti ālapanaṃ. Idha panevaṃ añño pucchanto nāma natthi, upālitthero sayameva atthaṃ pākaṭaṃ kātuṃ pucchāvisajjanañca akāsīti iminā nayena sabbattha attho veditabbo.
អាបត្តិសមុដ្ឋានគាថាវណ្ណនា និដ្ឋិតា។
Āpattisamuṭṭhānagāthāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi / ៣. អាបត្តិសមុដ្ឋានគាថា • 3. Āpattisamuṭṭhānagāthā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / ឆអាបត្តិសមុដ្ឋានវារាទិវណ្ណនា • Chaāpattisamuṭṭhānavārādivaṇṇanā
