| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
အာပတ္တိသမုဋ္ဌာနဂာထာဝဏ္ဏနာ
Āpattisamuṭṭhānagāthāvaṇṇanā
၂၈၃. တတိယော ပန ဂာထာဝာရော ဒုတိယဝာရေန ဝုတ္တမေဝတ္ထံ သင္ဂဟေတ္ဝာ ဒသ္သေတုံ ဝုတ္တော။ တတ္ထ ကာယောဝ ကာယိကောတိ ဝတ္တဗ္ဗေ ဝစနဝိပလ္လာသေန ‘‘ကာယိကာ’’တိ ဝုတ္တံ။ တေနာဟ ‘‘တေန သမုဋ္ဌိတာ’’တိ, ကာယော သမုဋ္ဌာနံ အက္ခာတောတိ အတ္ထော။
283. Tatiyo pana gāthāvāro dutiyavārena vuttamevatthaṃ saṅgahetvā dassetuṃ vutto. Tattha kāyova kāyikoti vattabbe vacanavipallāsena ‘‘kāyikā’’ti vuttaṃ. Tenāha ‘‘tena samuṭṭhitā’’ti, kāyo samuṭṭhānaṃ akkhātoti attho.
ဝိဝေကဒသ္သိနာတိ သဗ္ဗသင္ခတဝိဝိတ္တတ္တာ, တတော ဝိဝိတ္တဟေတုတ္တာ စ နီဝရဏဝိဝေကဉ္စ နိဗ္ဗာနဉ္စ ဒသ္သနသီလေန။ ဝိဘင္ဂကောဝိဒာတိ ဥဘတောဝိဘင္ဂကုသလာတိ အာလပနံ။ ဣဓ ပနေဝံ အညော ပုစ္ဆန္တော နာမ နတ္ထိ, ဥပာလိတ္ထေရော သယမေဝ အတ္ထံ ပာကဋံ ကာတုံ ပုစ္ဆာဝိသဇ္ဇနဉ္စ အကာသီတိ ဣမိနာ နယေန သဗ္ဗတ္ထ အတ္ထော ဝေဒိတဗ္ဗော။
Vivekadassināti sabbasaṅkhatavivittattā, tato vivittahetuttā ca nīvaraṇavivekañca nibbānañca dassanasīlena. Vibhaṅgakovidāti ubhatovibhaṅgakusalāti ālapanaṃ. Idha panevaṃ añño pucchanto nāma natthi, upālitthero sayameva atthaṃ pākaṭaṃ kātuṃ pucchāvisajjanañca akāsīti iminā nayena sabbattha attho veditabbo.
အာပတ္တိသမုဋ္ဌာနဂာထာဝဏ္ဏနာ နိဋ္ဌိတာ။
Āpattisamuṭṭhānagāthāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၃. အာပတ္တိသမုဋ္ဌာနဂာထာ • 3. Āpattisamuṭṭhānagāthā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ဆအာပတ္တိသမုဋ္ဌာနဝာရာဒိဝဏ္ဏနာ • Chaāpattisamuṭṭhānavārādivaṇṇanā
