| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
ආපත්‌තිසමුට්‌ඨානගාථාවණ්‌ණනා
Āpattisamuṭṭhānagāthāvaṇṇanā
283. තතියො පන ගාථාවාරො දුතියවාරෙන වුත්‌තමෙවත්‌ථං සඞ්‌ගහෙත්‌වා දස්‌සෙතුං වුත්‌තො. තත්‌ථ කායොව කායිකොති වත්‌තබ්‌බෙ වචනවිපල්‌ලාසෙන ‘‘කායිකා’’ති වුත්‌තං. තෙනාහ ‘‘තෙන සමුට්‌ඨිතා’’ති, කායො සමුට්‌ඨානං අක්‌ඛාතොති අත්‌ථො.
283. Tatiyo pana gāthāvāro dutiyavārena vuttamevatthaṃ saṅgahetvā dassetuṃ vutto. Tattha kāyova kāyikoti vattabbe vacanavipallāsena ‘‘kāyikā’’ti vuttaṃ. Tenāha ‘‘tena samuṭṭhitā’’ti, kāyo samuṭṭhānaṃ akkhātoti attho.
විවෙකදස්‌සිනාති සබ්‌බසඞ්‌ඛතවිවිත්‌තත්‌තා, තතො විවිත්‌තහෙතුත්‌තා ච නීවරණවිවෙකඤ්‌ච නිබ්‌බානඤ්‌ච දස්‌සනසීලෙන. විභඞ්‌ගකොවිදාති උභතොවිභඞ්‌ගකුසලාති ආලපනං. ඉධ පනෙවං අඤ්‌ඤො පුච්‌ඡන්‌තො නාම නත්‌ථි, උපාලිත්‌ථෙරො සයමෙව අත්‌ථං පාකටං කාතුං පුච්‌ඡාවිසජ්‌ජනඤ්‌ච අකාසීති ඉමිනා නයෙන සබ්‌බත්‌ථ අත්‌ථො වෙදිතබ්‌බො.
Vivekadassināti sabbasaṅkhatavivittattā, tato vivittahetuttā ca nīvaraṇavivekañca nibbānañca dassanasīlena. Vibhaṅgakovidāti ubhatovibhaṅgakusalāti ālapanaṃ. Idha panevaṃ añño pucchanto nāma natthi, upālitthero sayameva atthaṃ pākaṭaṃ kātuṃ pucchāvisajjanañca akāsīti iminā nayena sabbattha attho veditabbo.
ආපත්‌තිසමුට්‌ඨානගාථාවණ්‌ණනා නිට්‌ඨිතා.
Āpattisamuṭṭhānagāthāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi / 3. ආපත්‌තිසමුට්‌ඨානගාථා • 3. Āpattisamuṭṭhānagāthā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / ඡආපත්‌තිසමුට්‌ඨානවාරාදිවණ්‌ණනා • Chaāpattisamuṭṭhānavārādivaṇṇanā
