| Library / Tipiṭaka / д̇ибидага • Tipiṭaka / винаяавинижчаяа-дийгаа • Vinayavinicchaya-ṭīkā |
аабад̇д̇исамудтаанагат̇ааван̣н̣анаа
Āpattisamuṭṭhānakathāvaṇṇanā
405. аад̣̇инаад̇и батамзна гааяасан̇каад̇зна самудтаанзна.
405.Ādināti paṭhamena kāyasaṅkhātena samuṭṭhānena.
406-7. д̣̇уггадаад̣̇аяод̇и аад̣̇и-сад̣̇д̣̇зна т̇уллажжаяасан̇гхаад̣̇исзсаа г̇ахид̇аа. яат̇ааха – ‘‘баяог̇з д̣̇уггадам̣ . згам̣ бин̣д̣ам̣ анааг̇ад̇з аабад̇д̇и т̇уллажжаяасса. д̇асмим̣ бин̣д̣з ааг̇ад̇з аабад̇д̇и сан̇гхаад̣̇исзсассаа’’д̇и (бари. 277). вигаалз бана баажид̇д̇ийд̇и вигаалабхож̇анабаажид̇д̇и. ан̃н̃аад̇ихад̇т̇ад̇од̇и ан̃н̃аад̇игааяа бхигкунияаа анд̇арагхарам̣ бавидтааяа хад̇т̇ад̇о. г̇ахзд̇ваад̇и каад̣̇анийяам̣ ваа бхож̇анийяам̣ ваа сахад̇т̇аа бадиг̇г̇ахзд̇ваа. ‘‘бан̃жа имаа аабад̇д̇ияо’’д̇и бад̣̇ажчзд̣̇о.
406-7.Dukkaṭādayoti ādi-saddena thullaccayasaṅghādisesā gahitā. Yathāha – ‘‘payoge dukkaṭaṃ . Ekaṃ piṇḍaṃ anāgate āpatti thullaccayassa. Tasmiṃ piṇḍe āgate āpatti saṅghādisesassā’’ti (pari. 277). Vikāle pana pācittīti vikālabhojanapācitti. Aññātihatthatoti aññātikāya bhikkhuniyā antaragharaṃ paviṭṭhāya hatthato. Gahetvāti khādanīyaṃ vā bhojanīyaṃ vā sahatthā paṭiggahetvā. ‘‘Pañca imā āpattiyo’’ti padacchedo.
408. д̣̇уд̇иязнаад̇и ваажаасан̇каад̇зна самудтаанзна.
408.Dutiyenāti vācāsaṅkhātena samuṭṭhānena.
409-10. самаад̣̇исад̇и гат̇зд̇и жз. саб̣б̣ат̇аа вибаннанд̇и ад̣̇зсид̇авад̇т̇угад̇аад̣̇инаа саб̣б̣аббагаарзна вибаннаббад̣̇зсам̣. гудинд̇и сан̃н̃аажигааяа гудим̣. яат̇ааха бариваарз ‘‘д̇асса гудим̣ гаронд̇и ад̣̇зсид̇авад̇т̇угам̣ бамаан̣аад̇игганд̇ам̣ саарамбхам̣ абариггамана’’нд̇и (бари. 278). бад̣̇асод̇хаммам̣ муулам̣ самудтаанам̣ яасса баажид̇д̇ияассаад̇и д̇ат̇аа вуд̇д̇ам̣, д̇зна бад̣̇асод̇хаммамуулзна, сахад̇т̇з жзд̇ам̣ гаран̣аважанам̣.
409-10.Samādisati katheti ce. Sabbathā vipannanti adesitavatthukatādinā sabbappakārena vipannappadesaṃ. Kuṭinti saññācikāya kuṭiṃ. Yathāha parivāre ‘‘tassa kuṭiṃ karonti adesitavatthukaṃ pamāṇātikkantaṃ sārambhaṃ aparikkamana’’nti (pari. 278). Padasodhammaṃ mūlaṃ samuṭṭhānaṃ yassa pācittiyassāti tathā vuttaṃ, tena padasodhammamūlena, sahatthe cetaṃ karaṇavacanaṃ.
411. д̇ад̇иязна самудтаанзнаад̇и гааяаваажаасан̇каад̇зна самудтаанзна.
411.Tatiyena samuṭṭhānenāti kāyavācāsaṅkhātena samuṭṭhānena.
412. сам̣вид̣̇ахид̇ваанаад̇и сад̣̇д̇хим̣ вид̣̇ахид̇ваа, ‘‘гудим̣ гаромаа’’д̇и ан̃н̃зхи сад̣̇д̇хим̣ манд̇зд̇ваад̇и ад̇т̇о.
412.Saṃvidahitvānāti saddhiṃ vidahitvā, ‘‘kuṭiṃ karomā’’ti aññehi saddhiṃ mantetvāti attho.
413. вад̇ваад̇и ад̇д̇ано ад̇т̇ааяа вин̃н̃аабзд̇ваа. бхигкунинд̇и бхигкуунам̣ бхун̃ж̇анадтаанз тад̇ваа ‘‘ид̇ха суубам̣ д̣̇зт̇а, ид̇ха од̣̇анам̣ д̣̇зт̇аа’’д̇и восаасамаанам̣ убаасагаанам̣ вад̇ваа д̣̇аабзнд̇им̣ бхигкуним̣. на ниваарзд̇ваад̇и ‘‘абасагга д̇аава, бхаг̇ини, яаава бхигкуу бхун̃ж̇анд̇ий’’д̇и анабасаад̣̇зд̇ваа бхун̃ж̇ад̇од̇и яож̇анаа.
413.Vatvāti attano atthāya viññāpetvā. Bhikkhuninti bhikkhūnaṃ bhuñjanaṭṭhāne ṭhatvā ‘‘idha sūpaṃ detha, idha odanaṃ dethā’’ti vosāsamānaṃ upāsakānaṃ vatvā dāpentiṃ bhikkhuniṃ. Na nivāretvāti ‘‘apasakka tāva, bhagini, yāva bhikkhū bhuñjantī’’ti anapasādetvā bhuñjatoti yojanā.
414. жад̇уд̇т̇зна гааяажид̇д̇асамудтаанзна гад̇и аабад̇д̇ияо сияунд̇и яож̇анаа.
414. Catutthena kāyacittasamuṭṭhānena kati āpattiyo siyunti yojanā.
417. бан̃жамзнаад̇и ваажаажид̇д̇асамудтаанзна. вад̣̇анд̇и вад̣̇анд̇о самуд̣̇аажаранд̇о.
417.Pañcamenāti vācācittasamuṭṭhānena. Vadanti vadanto samudācaranto.
418. гудинд̇и нид̣̇ассанамад̇д̇ам̣, ад̣̇зсид̇авад̇т̇угам̣ бамаан̣аад̇игганд̇ам̣ саарамбхам̣ абариггаманам̣ сзнаасанамби г̇ахан̣ам̣ взд̣̇ид̇аб̣б̣ам̣.
418.Kuṭinti nidassanamattaṃ, adesitavatthukaṃ pamāṇātikkantaṃ sārambhaṃ aparikkamanaṃ senāsanampi gahaṇaṃ veditabbaṃ.
419. ваажзд̇и бад̣̇асо д̇хамманд̇и зд̇т̇а ‘‘анубасамбанна’’нд̇и сзсо. яат̇ааха – ‘‘бхигку агаббияасан̃н̃ий анубасамбаннам̣ бад̣̇асо д̇хаммам̣ ваажзд̇ий’’д̇и (бари. 281). д̣̇авагамяад̇аа вад̣̇анд̇ассаад̇и ж̇аад̇иаад̣̇ийхи аггосавад̇т̇уухи гийл̣аад̇хиббааязна вад̣̇анд̇асса. д̣̇авагамяад̇аад̇и жа ‘‘бадисан̇каа яонисо’’д̇иаад̣̇ийсу (ма. ни. 1.22, 24, 422; а. ни. 6.58; 8.9; махаани. 199, 206; д̇ха. са. 1355; вибха. 518) вияа яа-гааралобзна нид̣̇д̣̇зсо.
419.Vāceti padaso dhammanti ettha ‘‘anupasampanna’’nti seso. Yathāha – ‘‘bhikkhu akappiyasaññī anupasampannaṃ padaso dhammaṃ vācetī’’ti (pari. 281). Davakamyatā vadantassāti jātiādīhi akkosavatthūhi kīḷādhippāyena vadantassa. Davakamyatāti ca ‘‘paṭisaṅkhā yoniso’’tiādīsu (ma. ni. 1.22, 24, 422; a. ni. 6.58; 8.9; mahāni. 199, 206; dha. sa. 1355; vibha. 518) viya ya-kāralopena niddeso.
420. чадтзна гааяаваажаажид̇д̇асамудтаанзна. сам̣вид̣̇ахид̇ваанаад̇и сам̣вид̇хааяа, ‘‘д̇ван̃жа ахан̃жа згад̇о авахариссаамаа’’д̇и самманд̇анам̣ гад̇ваа. бхан̣д̣ам̣ харад̇ийд̇и ‘‘бхаарияам̣ д̇вам̣ згам̣ бассам̣ г̇ан̣ха, ахам̣ има’’нд̇и вад̇ваа д̇зна саха таанаа жаавзд̇и жз.
420. Chaṭṭhena kāyavācācittasamuṭṭhānena. Saṃvidahitvānāti saṃvidhāya, ‘‘tvañca ahañca ekato avaharissāmā’’ti sammantanaṃ katvā. Bhaṇḍaṃ haratīti ‘‘bhāriyaṃ tvaṃ ekaṃ passaṃ gaṇha, ahaṃ ima’’nti vatvā tena saha ṭhānā cāveti ce.
423. ид̇ха имасмим̣ саасанз. вимад̇уубарамам̣ бараманд̇и зд̇т̇а ‘‘габбияам̣ ну ко, агаббияа’’нд̇и ваа ‘‘аабад̇д̇и ну ко, анаабад̇д̇ий’’д̇и ваа ‘‘д̇хаммо ну ко, ад̇хаммо’’д̇и ваа звамаад̣̇инаа наязна вивид̇хзнаагаарзна бавад̇д̇аа вимад̇и вижигижчаа вимад̇и. вимад̇им̣ убарамзд̇и винаасзд̇ийд̇и вимад̇уубарамам̣. барамам̣ уд̇д̇амам̣. уд̇д̇аранд̇и вибхан̇г̇аканд̇хагааг̇ад̇аанам̣ нид̣̇аанаад̣̇ивинижчаяаанам̣ бан̃хауд̇д̇арабхаавзна тид̇ад̇д̇аа уд̇д̇арам̣. имам̣ уд̇д̇арам̣ наама багаран̣ам̣ яо уд̇д̇арад̇и бан̃н̃ааяа ог̇аахзд̇ваа барияосаабзд̇и. ид̇ха ‘‘уд̇д̇арам̣ уд̇д̇ара’’нд̇и бад̣̇ад̣̇ваяз згам̣ г̇ун̣анид̣̇ассанам̣, згам̣ сад̇т̇анид̣̇ассананд̇и г̇ахзд̇аб̣б̣ам̣. сунаязна яуд̇о со буг̇г̇ало винаяам̣ бидагам̣ уд̇д̇арад̇ийд̇и самб̣анд̇хо. гим̣ висидтанд̇и ааха ‘‘сунаяа’’нд̇иаад̣̇и . судту жаарид̇д̇аваарид̇д̇ад̣̇ал̣хийгаран̣асит̇илагаран̣абхзд̣̇аа бан̃н̃ад̇д̇ианаубан̃н̃ад̇д̇аад̣̇инаяаа зд̇т̇аад̇и сунаяо, д̇ам̣. судту нийяад̇и винижчаяо зд̇знаад̇и сунаяо, уд̇д̇аравинижчаяо, д̇зна. винижчаяааваб̣од̇хзна сам̣яуд̇д̇о саманнааг̇ад̇о. д̣̇угкзна уд̇д̇арийяад̇ийд̇и д̣̇уд̇д̇арам̣. баад̇имогкасам̣варасийлад̣̇ийбагад̇д̇зна самаад̇хибан̃н̃ааниб̣б̣аанасан̇каад̇ауд̇д̇араббад̇д̇ияаа бад̇идтаабхаавад̇о уд̇д̇арам̣ уд̇д̇арад̇и ог̇аахзд̇ваа барияосаанам̣ баабун̣аад̇ийд̇и ад̇т̇о.
423.Idha imasmiṃ sāsane. Vimatūparamaṃ paramanti ettha ‘‘kappiyaṃ nu kho, akappiya’’nti vā ‘‘āpatti nu kho, anāpattī’’ti vā ‘‘dhammo nu kho, adhammo’’ti vā evamādinā nayena vividhenākārena pavattā vimati vicikicchā vimati. Vimatiṃ uparameti vināsetīti vimatūparamaṃ. Paramaṃ uttamaṃ. Uttaranti vibhaṅgakhandhakāgatānaṃ nidānādivinicchayānaṃ pañhauttarabhāvena ṭhitattā uttaraṃ. Imaṃ uttaraṃ nāma pakaraṇaṃ yo uttarati paññāya ogāhetvā pariyosāpeti. Idha ‘‘uttaraṃ uttara’’nti padadvaye ekaṃ guṇanidassanaṃ, ekaṃ satthanidassananti gahetabbaṃ. Sunayena yuto so puggalo vinayaṃ piṭakaṃ uttaratīti sambandho. Kiṃ visiṭṭhanti āha ‘‘sunaya’’ntiādi . Suṭṭhu cārittavārittadaḷhīkaraṇasithilakaraṇabhedā paññattianaupaññattādinayā etthāti sunayo, taṃ. Suṭṭhu nīyati vinicchayo etenāti sunayo, uttaravinicchayo, tena. Vinicchayāvabodhena saṃyutto samannāgato. Dukkhena uttarīyatīti duttaraṃ. Pātimokkhasaṃvarasīladīpakattena samādhipaññānibbānasaṅkhātauttarappattiyā patiṭṭhābhāvato uttaraṃ uttarati ogāhetvā pariyosānaṃ pāpuṇātīti attho.
ид̇ха яо вимад̇уубарамам̣ барамам̣ уд̇д̇арам̣ уд̇д̇арам̣ наама багаран̣ам̣ уд̇д̇арад̇и, сунаязна яуд̇о со буг̇г̇ало сунаяам̣ д̣̇уд̇д̇арам̣ уд̇д̇арам̣ винаяам̣ уд̇д̇арад̇ийд̇и яож̇анаа. жа-сад̣̇д̣̇зна сад̇т̇анд̇арасамужжаяад̇т̇зна имамад̇т̇ам̣ д̣̇ийбзд̇и. сзяяат̇ид̣̇ам̣, ид̇ха яо сунаяам̣ д̣̇уд̇д̇арам̣ уд̇д̇арам̣ винаяам̣ уд̇д̇арад̇и, сунаязна яуд̇о со буг̇г̇ало вимад̇уубарамам̣ барамам̣ уд̇д̇арам̣ уд̇д̇арам̣ наама багаран̣ам̣ уд̇д̇арад̇ийд̇и. иминаа яо уд̇д̇арам̣ ж̇аанаад̇и, со винаяам̣ ж̇аанаад̇и. яо винаяам̣ ж̇аанаад̇и, со уд̇д̇арам̣ ж̇аанаад̇ийд̇и уд̇д̇арабагаран̣асса винаяабидагаж̇аананз ажжанд̇уубагаарид̇аа вибхаавид̇аад̇и д̣̇адтаб̣б̣ам̣.
Idha yo vimatūparamaṃ paramaṃ uttaraṃ uttaraṃ nāma pakaraṇaṃ uttarati, sunayena yuto so puggalo sunayaṃ duttaraṃ uttaraṃ vinayaṃ uttaratīti yojanā. Ca-saddena satthantarasamuccayatthena imamatthaṃ dīpeti. Seyyathidaṃ, idha yo sunayaṃ duttaraṃ uttaraṃ vinayaṃ uttarati, sunayena yuto so puggalo vimatūparamaṃ paramaṃ uttaraṃ uttaraṃ nāma pakaraṇaṃ uttaratīti. Iminā yo uttaraṃ jānāti, so vinayaṃ jānāti. Yo vinayaṃ jānāti, so uttaraṃ jānātīti uttarapakaraṇassa vinayapiṭakajānane accantūpakāritā vibhāvitāti daṭṭhabbaṃ.
ид̇и уд̇д̇арз лийнад̇т̇абагаасанияаа
Iti uttare līnatthapakāsaniyā
аабад̇д̇исамудтаанагат̇ааван̣н̣анаа нидтид̇аа.
Āpattisamuṭṭhānakathāvaṇṇanā niṭṭhitā.
