| Library / Tipiṭaka / តិបិដក • Tipiṭaka / បរិវារ-អដ្ឋកថា • Parivāra-aṭṭhakathā |
អាបត្តិសមុដ្ឋានវណ្ណនា
Āpattisamuṭṭhānavaṇṇanā
៤៧០. អចិត្តកោ អាបជ្ជតីតិអាទីសុ សហសេយ្យាទិបណ្ណត្តិវជ្ជំ អសញ្ចិច្ច អាបជ្ជន្តោ អចិត្តកោ អាបជ្ជតិ, ទេសេន្តោ សចិត្តកោ វុដ្ឋាតិ។ យំកិញ្ចិ សញ្ចិច្ច អាបជ្ជន្តោ សចិត្តកោ អាបជ្ជតិ, តិណវត្ថារកេន វុដ្ឋហន្តោ អចិត្តកោ វុដ្ឋាតិ។ បុព្ពេ វុត្តមេវ តិណវត្ថារកេន វុដ្ឋហន្តោ អចិត្តកោ អាបជ្ជតិ, អចិត្តកោ វុដ្ឋាតិ។ ឥតរំ ទេសេន្តោ សចិត្តកោ អាបជ្ជតិ, សចិត្តកោ វុដ្ឋាតិ។ ‘‘ធម្មទានំ ករោមី’’តិ បទសោធម្មាទីនិ ករោន្តោ កុសលចិត្តោ អាបជ្ជតិ, ‘‘ពុទ្ធានំ អនុសាសនិំ ករោមី’’តិ ឧទគ្គចិត្តោ ទេសេន្តោ កុសលចិត្តោ វុដ្ឋាតិ។ ទោមនស្សិកោ ហុត្វា ទេសេន្តោ អកុសលចិត្តោ វុដ្ឋាតិ, តិណវត្ថារកេន និទ្ទាគតោវ វុដ្ឋហន្តោ អព្យាកតចិត្តោ វុដ្ឋាតិ។ ភិំសាបនាទីនិ កត្វា ‘‘ពុទ្ធានំ សាសនំ ករោមី’’តិ សោមនស្សិកោ ទេសេន្តោ អកុសលចិត្តោ អាបជ្ជតិ, កុសលចិត្តោ វុដ្ឋាតិ។ ទោមនស្សិកោវ ទេសេន្តោ អកុសលចិត្តោ វុដ្ឋាតិ, វុត្តនយេនេវ តិណវត្ថារកេន វុដ្ឋហន្តោ អព្យាកតចិត្តោ វុដ្ឋាតិ។ និទ្ទោក្កន្តសមយេ សហគារសេយ្យំ អាបជ្ជន្តោ អព្យាកតចិត្តោ អាបជ្ជតិ, វុត្តនយេនេវ បនេត្ថ ‘‘កុសលចិត្តោ វុដ្ឋាតី’’តិអាទិ វេទិតព្ពំ។
470.Acittakoāpajjatītiādīsu sahaseyyādipaṇṇattivajjaṃ asañcicca āpajjanto acittako āpajjati, desento sacittako vuṭṭhāti. Yaṃkiñci sañcicca āpajjanto sacittako āpajjati, tiṇavatthārakena vuṭṭhahanto acittako vuṭṭhāti. Pubbe vuttameva tiṇavatthārakena vuṭṭhahanto acittako āpajjati, acittako vuṭṭhāti. Itaraṃ desento sacittako āpajjati, sacittako vuṭṭhāti. ‘‘Dhammadānaṃ karomī’’ti padasodhammādīni karonto kusalacitto āpajjati, ‘‘buddhānaṃ anusāsaniṃ karomī’’ti udaggacitto desento kusalacitto vuṭṭhāti. Domanassiko hutvā desento akusalacitto vuṭṭhāti, tiṇavatthārakena niddāgatova vuṭṭhahanto abyākatacitto vuṭṭhāti. Bhiṃsāpanādīni katvā ‘‘buddhānaṃ sāsanaṃ karomī’’ti somanassiko desento akusalacitto āpajjati, kusalacitto vuṭṭhāti. Domanassikova desento akusalacitto vuṭṭhāti, vuttanayeneva tiṇavatthārakena vuṭṭhahanto abyākatacitto vuṭṭhāti. Niddokkantasamaye sahagāraseyyaṃ āpajjanto abyākatacitto āpajjati, vuttanayeneva panettha ‘‘kusalacitto vuṭṭhātī’’tiādi veditabbaṃ.
បឋមំ បារាជិកំ កតិហិ សមុដ្ឋានេហីតិអាទិ បុព្ពេ វុត្តនយត្តា ឧត្តានមេវ។
Paṭhamaṃ pārājikaṃ katihi samuṭṭhānehītiādi pubbe vuttanayattā uttānameva.
៤៧៣. ចត្តារោ បារាជិកា កតិហិ សមុដ្ឋានេហីតិអាទីសុ ឧក្កដ្ឋបរិច្ឆេទតោ យំ យំ សមុដ្ឋានំ យស្ស យស្ស លព្ភតិ, តំ សព្ពំ វុត្តមេវ ហោតិ។
473.Cattāro pārājikā katihi samuṭṭhānehītiādīsu ukkaṭṭhaparicchedato yaṃ yaṃ samuṭṭhānaṃ yassa yassa labbhati, taṃ sabbaṃ vuttameva hoti.
អាបត្តិសមុដ្ឋានវណ្ណនា និដ្ឋិតា។
Āpattisamuṭṭhānavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
១. បារាជិកំ • 1. Pārājikaṃ
៣. បារាជិកាទិ • 3. Pārājikādi
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / សមុដ្ឋានវណ្ណនា • Samuṭṭhānavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អាបត្តិសមុដ្ឋានវណ្ណនា • Āpattisamuṭṭhānavaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / វោហារវគ្គាទិវណ្ណនា • Vohāravaggādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / អាបត្តិសមុដ្ឋានវណ្ណនា • Āpattisamuṭṭhānavaṇṇanā
