| Library / Tipiṭaka / တိပိဋက • Tipiṭaka / ပရိဝာရ-အဋ္ဌကထာ • Parivāra-aṭṭhakathā |
အာပတ္တိသမုဋ္ဌာနဝဏ္ဏနာ
Āpattisamuṭṭhānavaṇṇanā
၄၇၀. အစိတ္တကော အာပဇ္ဇတီတိအာဒီသု သဟသေယ္ယာဒိပဏ္ဏတ္တိဝဇ္ဇံ အသဉ္စိစ္စ အာပဇ္ဇန္တော အစိတ္တကော အာပဇ္ဇတိ, ဒေသေန္တော သစိတ္တကော ဝုဋ္ဌာတိ။ ယံကိဉ္စိ သဉ္စိစ္စ အာပဇ္ဇန္တော သစိတ္တကော အာပဇ္ဇတိ, တိဏဝတ္ထာရကေန ဝုဋ္ဌဟန္တော အစိတ္တကော ဝုဋ္ဌာတိ။ ပုဗ္ဗေ ဝုတ္တမေဝ တိဏဝတ္ထာရကေန ဝုဋ္ဌဟန္တော အစိတ္တကော အာပဇ္ဇတိ, အစိတ္တကော ဝုဋ္ဌာတိ။ ဣတရံ ဒေသေန္တော သစိတ္တကော အာပဇ္ဇတိ, သစိတ္တကော ဝုဋ္ဌာတိ။ ‘‘ဓမ္မဒာနံ ကရောမီ’’တိ ပဒသောဓမ္မာဒီနိ ကရောန္တော ကုသလစိတ္တော အာပဇ္ဇတိ, ‘‘ဗုဒ္ဓာနံ အနုသာသနိံ ကရောမီ’’တိ ဥဒဂ္ဂစိတ္တော ဒေသေန္တော ကုသလစိတ္တော ဝုဋ္ဌာတိ။ ဒောမနသ္သိကော ဟုတ္ဝာ ဒေသေန္တော အကုသလစိတ္တော ဝုဋ္ဌာတိ, တိဏဝတ္ထာရကေန နိဒ္ဒာဂတောဝ ဝုဋ္ဌဟန္တော အဗ္ယာကတစိတ္တော ဝုဋ္ဌာတိ။ ဘိံသာပနာဒီနိ ကတ္ဝာ ‘‘ဗုဒ္ဓာနံ သာသနံ ကရောမီ’’တိ သောမနသ္သိကော ဒေသေန္တော အကုသလစိတ္တော အာပဇ္ဇတိ, ကုသလစိတ္တော ဝုဋ္ဌာတိ။ ဒောမနသ္သိကောဝ ဒေသေန္တော အကုသလစိတ္တော ဝုဋ္ဌာတိ, ဝုတ္တနယေနေဝ တိဏဝတ္ထာရကေန ဝုဋ္ဌဟန္တော အဗ္ယာကတစိတ္တော ဝုဋ္ဌာတိ။ နိဒ္ဒောက္ကန္တသမယေ သဟဂာရသေယ္ယံ အာပဇ္ဇန္တော အဗ္ယာကတစိတ္တော အာပဇ္ဇတိ, ဝုတ္တနယေနေဝ ပနေတ္ထ ‘‘ကုသလစိတ္တော ဝုဋ္ဌာတီ’’တိအာဒိ ဝေဒိတဗ္ဗံ။
470.Acittakoāpajjatītiādīsu sahaseyyādipaṇṇattivajjaṃ asañcicca āpajjanto acittako āpajjati, desento sacittako vuṭṭhāti. Yaṃkiñci sañcicca āpajjanto sacittako āpajjati, tiṇavatthārakena vuṭṭhahanto acittako vuṭṭhāti. Pubbe vuttameva tiṇavatthārakena vuṭṭhahanto acittako āpajjati, acittako vuṭṭhāti. Itaraṃ desento sacittako āpajjati, sacittako vuṭṭhāti. ‘‘Dhammadānaṃ karomī’’ti padasodhammādīni karonto kusalacitto āpajjati, ‘‘buddhānaṃ anusāsaniṃ karomī’’ti udaggacitto desento kusalacitto vuṭṭhāti. Domanassiko hutvā desento akusalacitto vuṭṭhāti, tiṇavatthārakena niddāgatova vuṭṭhahanto abyākatacitto vuṭṭhāti. Bhiṃsāpanādīni katvā ‘‘buddhānaṃ sāsanaṃ karomī’’ti somanassiko desento akusalacitto āpajjati, kusalacitto vuṭṭhāti. Domanassikova desento akusalacitto vuṭṭhāti, vuttanayeneva tiṇavatthārakena vuṭṭhahanto abyākatacitto vuṭṭhāti. Niddokkantasamaye sahagāraseyyaṃ āpajjanto abyākatacitto āpajjati, vuttanayeneva panettha ‘‘kusalacitto vuṭṭhātī’’tiādi veditabbaṃ.
ပဌမံ ပာရာဇိကံ ကတိဟိ သမုဋ္ဌာနေဟီတိအာဒိ ပုဗ္ဗေ ဝုတ္တနယတ္တာ ဥတ္တာနမေဝ။
Paṭhamaṃ pārājikaṃ katihi samuṭṭhānehītiādi pubbe vuttanayattā uttānameva.
၄၇၃. စတ္တာရော ပာရာဇိကာ ကတိဟိ သမုဋ္ဌာနေဟီတိအာဒီသု ဥက္ကဋ္ဌပရိစ္ဆေဒတော ယံ ယံ သမုဋ္ဌာနံ ယသ္သ ယသ္သ လဗ္ဘတိ, တံ သဗ္ဗံ ဝုတ္တမေဝ ဟောတိ။
473.Cattāro pārājikā katihi samuṭṭhānehītiādīsu ukkaṭṭhaparicchedato yaṃ yaṃ samuṭṭhānaṃ yassa yassa labbhati, taṃ sabbaṃ vuttameva hoti.
အာပတ္တိသမုဋ္ဌာနဝဏ္ဏနာ နိဋ္ဌိတာ။
Āpattisamuṭṭhānavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi
၁. ပာရာဇိကံ • 1. Pārājikaṃ
၃. ပာရာဇိကာဒိ • 3. Pārājikādi
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / သမုဋ္ဌာနဝဏ္ဏနာ • Samuṭṭhānavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အာပတ္တိသမုဋ္ဌာနဝဏ္ဏနာ • Āpattisamuṭṭhānavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဝောဟာရဝဂ္ဂာဒိဝဏ္ဏနာ • Vohāravaggādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / အာပတ္တိသမုဋ္ဌာနဝဏ္ဏနာ • Āpattisamuṭṭhānavaṇṇanā
