| Library / Tipiṭaka / තිපිටක • Tipiṭaka / පරිවාර-අට්‌ඨකථා • Parivāra-aṭṭhakathā |
ආපත්‌තිසමුට්‌ඨානවණ්‌ණනා
Āpattisamuṭṭhānavaṇṇanā
470. අචිත්‌තකො ආපජ්‌ජතීතිආදීසු සහසෙය්‍යාදිපණ්‌ණත්‌තිවජ්‌ජං අසඤ්‌චිච්‌ච ආපජ්‌ජන්‌තො අචිත්‌තකො ආපජ්‌ජති, දෙසෙන්‌තො සචිත්‌තකො වුට්‌ඨාති. යංකිඤ්‌චි සඤ්‌චිච්‌ච ආපජ්‌ජන්‌තො සචිත්‌තකො ආපජ්‌ජති, තිණවත්‌ථාරකෙන වුට්‌ඨහන්‌තො අචිත්‌තකො වුට්‌ඨාති. පුබ්‌බෙ වුත්‌තමෙව තිණවත්‌ථාරකෙන වුට්‌ඨහන්‌තො අචිත්‌තකො ආපජ්‌ජති, අචිත්‌තකො වුට්‌ඨාති. ඉතරං දෙසෙන්‌තො සචිත්‌තකො ආපජ්‌ජති, සචිත්‌තකො වුට්‌ඨාති. ‘‘ධම්‌මදානං කරොමී’’ති පදසොධම්‌මාදීනි කරොන්‌තො කුසලචිත්‌තො ආපජ්‌ජති, ‘‘බුද්‌ධානං අනුසාසනිං කරොමී’’ති උදග්‌ගචිත්‌තො දෙසෙන්‌තො කුසලචිත්‌තො වුට්‌ඨාති. දොමනස්‌සිකො හුත්‌වා දෙසෙන්‌තො අකුසලචිත්‌තො වුට්‌ඨාති, තිණවත්‌ථාරකෙන නිද්‌දාගතොව වුට්‌ඨහන්‌තො අබ්‍යාකතචිත්‌තො වුට්‌ඨාති. භිංසාපනාදීනි කත්‌වා ‘‘බුද්‌ධානං සාසනං කරොමී’’ති සොමනස්‌සිකො දෙසෙන්‌තො අකුසලචිත්‌තො ආපජ්‌ජති, කුසලචිත්‌තො වුට්‌ඨාති. දොමනස්‌සිකොව දෙසෙන්‌තො අකුසලචිත්‌තො වුට්‌ඨාති, වුත්‌තනයෙනෙව තිණවත්‌ථාරකෙන වුට්‌ඨහන්‌තො අබ්‍යාකතචිත්‌තො වුට්‌ඨාති. නිද්‌දොක්‌කන්‌තසමයෙ සහගාරසෙය්‍යං ආපජ්‌ජන්‌තො අබ්‍යාකතචිත්‌තො ආපජ්‌ජති, වුත්‌තනයෙනෙව පනෙත්‌ථ ‘‘කුසලචිත්‌තො වුට්‌ඨාතී’’තිආදි වෙදිතබ්‌බං.
470.Acittakoāpajjatītiādīsu sahaseyyādipaṇṇattivajjaṃ asañcicca āpajjanto acittako āpajjati, desento sacittako vuṭṭhāti. Yaṃkiñci sañcicca āpajjanto sacittako āpajjati, tiṇavatthārakena vuṭṭhahanto acittako vuṭṭhāti. Pubbe vuttameva tiṇavatthārakena vuṭṭhahanto acittako āpajjati, acittako vuṭṭhāti. Itaraṃ desento sacittako āpajjati, sacittako vuṭṭhāti. ‘‘Dhammadānaṃ karomī’’ti padasodhammādīni karonto kusalacitto āpajjati, ‘‘buddhānaṃ anusāsaniṃ karomī’’ti udaggacitto desento kusalacitto vuṭṭhāti. Domanassiko hutvā desento akusalacitto vuṭṭhāti, tiṇavatthārakena niddāgatova vuṭṭhahanto abyākatacitto vuṭṭhāti. Bhiṃsāpanādīni katvā ‘‘buddhānaṃ sāsanaṃ karomī’’ti somanassiko desento akusalacitto āpajjati, kusalacitto vuṭṭhāti. Domanassikova desento akusalacitto vuṭṭhāti, vuttanayeneva tiṇavatthārakena vuṭṭhahanto abyākatacitto vuṭṭhāti. Niddokkantasamaye sahagāraseyyaṃ āpajjanto abyākatacitto āpajjati, vuttanayeneva panettha ‘‘kusalacitto vuṭṭhātī’’tiādi veditabbaṃ.
පඨමං පාරාජිකං කතිහි සමුට්‌ඨානෙහීතිආදි පුබ්‌බෙ වුත්‌තනයත්‌තා උත්‌තානමෙව.
Paṭhamaṃ pārājikaṃ katihi samuṭṭhānehītiādi pubbe vuttanayattā uttānameva.
473. චත්‌තාරො පාරාජිකා කතිහි සමුට්‌ඨානෙහීතිආදීසු උක්‌කට්‌ඨපරිච්‌ඡෙදතො යං යං සමුට්‌ඨානං යස්‌ස යස්‌ස ලබ්‌භති, තං සබ්‌බං වුත්‌තමෙව හොති.
473.Cattāro pārājikā katihi samuṭṭhānehītiādīsu ukkaṭṭhaparicchedato yaṃ yaṃ samuṭṭhānaṃ yassa yassa labbhati, taṃ sabbaṃ vuttameva hoti.
ආපත්‌තිසමුට්‌ඨානවණ්‌ණනා නිට්‌ඨිතා.
Āpattisamuṭṭhānavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / පරිවාරපාළි • Parivārapāḷi
1. පාරාජිකං • 1. Pārājikaṃ
3. පාරාජිකාදි • 3. Pārājikādi
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / සමුට්‌ඨානවණ්‌ණනා • Samuṭṭhānavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / ආපත්‌තිසමුට්‌ඨානවණ්‌ණනා • Āpattisamuṭṭhānavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / වොහාරවග්‌ගාදිවණ්‌ණනා • Vohāravaggādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / ආපත්‌තිසමුට්‌ඨානවණ්‌ණනා • Āpattisamuṭṭhānavaṇṇanā
