| Library / Tipiṭaka / ਤਿਪਿਟਕ • Tipiṭaka / ਪਰਿવਾਰ-ਅਟ੍ਠਕਥਾ • Parivāra-aṭṭhakathā |
ਆਪਤ੍ਤਿਸਮੁਟ੍ਠਾਨવਣ੍ਣਨਾ
Āpattisamuṭṭhānavaṇṇanā
੪੭੦. ਅਚਿਤ੍ਤਕੋ ਆਪਜ੍ਜਤੀਤਿਆਦੀਸੁ ਸਹਸੇਯ੍ਯਾਦਿਪਣ੍ਣਤ੍ਤਿવਜ੍ਜਂ ਅਸਞ੍ਚਿਚ੍ਚ ਆਪਜ੍ਜਨ੍ਤੋ ਅਚਿਤ੍ਤਕੋ ਆਪਜ੍ਜਤਿ, ਦੇਸੇਨ੍ਤੋ ਸਚਿਤ੍ਤਕੋ વੁਟ੍ਠਾਤਿ। ਯਂਕਿਞ੍ਚਿ ਸਞ੍ਚਿਚ੍ਚ ਆਪਜ੍ਜਨ੍ਤੋ ਸਚਿਤ੍ਤਕੋ ਆਪਜ੍ਜਤਿ, ਤਿਣવਤ੍ਥਾਰਕੇਨ વੁਟ੍ਠਹਨ੍ਤੋ ਅਚਿਤ੍ਤਕੋ વੁਟ੍ਠਾਤਿ। ਪੁਬ੍ਬੇ વੁਤ੍ਤਮੇવ ਤਿਣવਤ੍ਥਾਰਕੇਨ વੁਟ੍ਠਹਨ੍ਤੋ ਅਚਿਤ੍ਤਕੋ ਆਪਜ੍ਜਤਿ, ਅਚਿਤ੍ਤਕੋ વੁਟ੍ਠਾਤਿ। ਇਤਰਂ ਦੇਸੇਨ੍ਤੋ ਸਚਿਤ੍ਤਕੋ ਆਪਜ੍ਜਤਿ, ਸਚਿਤ੍ਤਕੋ વੁਟ੍ਠਾਤਿ। ‘‘ਧਮ੍ਮਦਾਨਂ ਕਰੋਮੀ’’ਤਿ ਪਦਸੋਧਮ੍ਮਾਦੀਨਿ ਕਰੋਨ੍ਤੋ ਕੁਸਲਚਿਤ੍ਤੋ ਆਪਜ੍ਜਤਿ, ‘‘ਬੁਦ੍ਧਾਨਂ ਅਨੁਸਾਸਨਿਂ ਕਰੋਮੀ’’ਤਿ ਉਦਗ੍ਗਚਿਤ੍ਤੋ ਦੇਸੇਨ੍ਤੋ ਕੁਸਲਚਿਤ੍ਤੋ વੁਟ੍ਠਾਤਿ। ਦੋਮਨਸ੍ਸਿਕੋ ਹੁਤ੍વਾ ਦੇਸੇਨ੍ਤੋ ਅਕੁਸਲਚਿਤ੍ਤੋ વੁਟ੍ਠਾਤਿ, ਤਿਣવਤ੍ਥਾਰਕੇਨ ਨਿਦ੍ਦਾਗਤੋવ વੁਟ੍ਠਹਨ੍ਤੋ ਅਬ੍ਯਾਕਤਚਿਤ੍ਤੋ વੁਟ੍ਠਾਤਿ। ਭਿਂਸਾਪਨਾਦੀਨਿ ਕਤ੍વਾ ‘‘ਬੁਦ੍ਧਾਨਂ ਸਾਸਨਂ ਕਰੋਮੀ’’ਤਿ ਸੋਮਨਸ੍ਸਿਕੋ ਦੇਸੇਨ੍ਤੋ ਅਕੁਸਲਚਿਤ੍ਤੋ ਆਪਜ੍ਜਤਿ, ਕੁਸਲਚਿਤ੍ਤੋ વੁਟ੍ਠਾਤਿ। ਦੋਮਨਸ੍ਸਿਕੋવ ਦੇਸੇਨ੍ਤੋ ਅਕੁਸਲਚਿਤ੍ਤੋ વੁਟ੍ਠਾਤਿ, વੁਤ੍ਤਨਯੇਨੇવ ਤਿਣવਤ੍ਥਾਰਕੇਨ વੁਟ੍ਠਹਨ੍ਤੋ ਅਬ੍ਯਾਕਤਚਿਤ੍ਤੋ વੁਟ੍ਠਾਤਿ। ਨਿਦ੍ਦੋਕ੍ਕਨ੍ਤਸਮਯੇ ਸਹਗਾਰਸੇਯ੍ਯਂ ਆਪਜ੍ਜਨ੍ਤੋ ਅਬ੍ਯਾਕਤਚਿਤ੍ਤੋ ਆਪਜ੍ਜਤਿ, વੁਤ੍ਤਨਯੇਨੇવ ਪਨੇਤ੍ਥ ‘‘ਕੁਸਲਚਿਤ੍ਤੋ વੁਟ੍ਠਾਤੀ’’ਤਿਆਦਿ વੇਦਿਤਬ੍ਬਂ।
470.Acittakoāpajjatītiādīsu sahaseyyādipaṇṇattivajjaṃ asañcicca āpajjanto acittako āpajjati, desento sacittako vuṭṭhāti. Yaṃkiñci sañcicca āpajjanto sacittako āpajjati, tiṇavatthārakena vuṭṭhahanto acittako vuṭṭhāti. Pubbe vuttameva tiṇavatthārakena vuṭṭhahanto acittako āpajjati, acittako vuṭṭhāti. Itaraṃ desento sacittako āpajjati, sacittako vuṭṭhāti. ‘‘Dhammadānaṃ karomī’’ti padasodhammādīni karonto kusalacitto āpajjati, ‘‘buddhānaṃ anusāsaniṃ karomī’’ti udaggacitto desento kusalacitto vuṭṭhāti. Domanassiko hutvā desento akusalacitto vuṭṭhāti, tiṇavatthārakena niddāgatova vuṭṭhahanto abyākatacitto vuṭṭhāti. Bhiṃsāpanādīni katvā ‘‘buddhānaṃ sāsanaṃ karomī’’ti somanassiko desento akusalacitto āpajjati, kusalacitto vuṭṭhāti. Domanassikova desento akusalacitto vuṭṭhāti, vuttanayeneva tiṇavatthārakena vuṭṭhahanto abyākatacitto vuṭṭhāti. Niddokkantasamaye sahagāraseyyaṃ āpajjanto abyākatacitto āpajjati, vuttanayeneva panettha ‘‘kusalacitto vuṭṭhātī’’tiādi veditabbaṃ.
ਪਠਮਂ ਪਾਰਾਜਿਕਂ ਕਤਿਹਿ ਸਮੁਟ੍ਠਾਨੇਹੀਤਿਆਦਿ ਪੁਬ੍ਬੇ વੁਤ੍ਤਨਯਤ੍ਤਾ ਉਤ੍ਤਾਨਮੇવ।
Paṭhamaṃ pārājikaṃ katihi samuṭṭhānehītiādi pubbe vuttanayattā uttānameva.
੪੭੩. ਚਤ੍ਤਾਰੋ ਪਾਰਾਜਿਕਾ ਕਤਿਹਿ ਸਮੁਟ੍ਠਾਨੇਹੀਤਿਆਦੀਸੁ ਉਕ੍ਕਟ੍ਠਪਰਿਚ੍ਛੇਦਤੋ ਯਂ ਯਂ ਸਮੁਟ੍ਠਾਨਂ ਯਸ੍ਸ ਯਸ੍ਸ ਲਬ੍ਭਤਿ, ਤਂ ਸਬ੍ਬਂ વੁਤ੍ਤਮੇવ ਹੋਤਿ।
473.Cattāro pārājikā katihi samuṭṭhānehītiādīsu ukkaṭṭhaparicchedato yaṃ yaṃ samuṭṭhānaṃ yassa yassa labbhati, taṃ sabbaṃ vuttameva hoti.
ਆਪਤ੍ਤਿਸਮੁਟ੍ਠਾਨવਣ੍ਣਨਾ ਨਿਟ੍ਠਿਤਾ।
Āpattisamuṭṭhānavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi
੧. ਪਾਰਾਜਿਕਂ • 1. Pārājikaṃ
੩. ਪਾਰਾਜਿਕਾਦਿ • 3. Pārājikādi
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਸਮੁਟ੍ਠਾਨવਣ੍ਣਨਾ • Samuṭṭhānavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਆਪਤ੍ਤਿਸਮੁਟ੍ਠਾਨવਣ੍ਣਨਾ • Āpattisamuṭṭhānavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / વੋਹਾਰવਗ੍ਗਾਦਿવਣ੍ਣਨਾ • Vohāravaggādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਆਪਤ੍ਤਿਸਮੁਟ੍ਠਾਨવਣ੍ਣਨਾ • Āpattisamuṭṭhānavaṇṇanā
