| Library / Tipiṭaka / திபிடக • Tipiṭaka / சூளவக்³க³-அட்ட²கதா² • Cūḷavagga-aṭṭhakathā |
ஆபத்தியா அத³ஸ்ஸனே உக்கே²பனீயகம்மகதா²
Āpattiyā adassane ukkhepanīyakammakathā
46. ச²ன்னவத்து²ஸ்மிங் – ஆவாஸபரம்பரஞ்ச பி⁴க்க²வே ஸங்ஸதா²தி ஸப்³பா³வாஸேஸு ஆரோசேத².
46. Channavatthusmiṃ – āvāsaparamparañca bhikkhave saṃsathāti sabbāvāsesu ārocetha.
50. ப⁴ண்ட³னகாரகோதிஆதீ³ஸு ப⁴ண்ட³னாதி³பச்சயா ஆபன்னங் ஆபத்திங் ரோபெத்வா தஸ்ஸா அத³ஸ்ஸனேயேவ கம்மங் காதப்³ப³ங். திகா வுத்தப்பகாரா ஏவ.
50.Bhaṇḍanakārakotiādīsu bhaṇḍanādipaccayā āpannaṃ āpattiṃ ropetvā tassā adassaneyeva kammaṃ kātabbaṃ. Tikā vuttappakārā eva.
51. ஸம்மாவத்தனாயங் பனெத்த² தேசத்தாலீஸ வத்தானி. தத்த² ந அனுத்³த⁴ங்ஸேதப்³போ³தி ந சோதே³தப்³போ³. ந பி⁴க்கு² பி⁴க்கூ²ஹீதி அஞ்ஞோ பி⁴க்கு² அஞ்ஞேஹி பி⁴க்கூ²ஹி ந பி⁴ந்தி³தப்³போ³. ந கி³ஹித்³த⁴ஜோதி ஓதா³தவத்தா²னி அச்சி²ன்னத³ஸபுப்ப²த³ஸானி ச ந தா⁴ரேதப்³பா³னி. ந தித்தி²யத்³த⁴ஜோதி குஸசீராதீ³னி ந தா⁴ரேதப்³பா³னி. ந ஆஸாதே³தப்³போ³தி ந அபஸாதே³தப்³போ³. அந்தோ வா ப³ஹி வாதி விஹாரஸ்ஸ அந்தோ வா ப³ஹி வா. ந தித்தி²யாதி³பத³த்தயங் உத்தானமேவ . ஸேஸங் ஸப்³ப³ங் பாரிவாஸிகக்க²ந்த⁴கே வண்ணயிஸ்ஸாம. ஸேஸங் தஜ்ஜனீயே வுத்தனயமேவ. ஆபத்தியா அப்படிகம்மே உக்கே²பனீயகம்மங் இமினா ஸதி³ஸமேவ.
51. Sammāvattanāyaṃ panettha tecattālīsa vattāni. Tattha na anuddhaṃsetabboti na codetabbo. Na bhikkhu bhikkhūhīti añño bhikkhu aññehi bhikkhūhi na bhinditabbo. Na gihiddhajoti odātavatthāni acchinnadasapupphadasāni ca na dhāretabbāni. Na titthiyaddhajoti kusacīrādīni na dhāretabbāni. Na āsādetabboti na apasādetabbo. Anto vā bahi vāti vihārassa anto vā bahi vā. Na titthiyādipadattayaṃ uttānameva . Sesaṃ sabbaṃ pārivāsikakkhandhake vaṇṇayissāma. Sesaṃ tajjanīye vuttanayameva. Āpattiyā appaṭikamme ukkhepanīyakammaṃ iminā sadisameva.
65. அரிட்ட²வத்து² கு²த்³த³கவண்ணனாயங் வுத்தங். ‘‘ப⁴ண்ட³னகாரகோ’’திஆதீ³ஸு யங் தி³ட்டி²ங் நிஸ்ஸாய ப⁴ண்ட³னாதீ³னி கரோதி, தஸ்ஸா அப்படினிஸ்ஸக்³கே³யேவ கம்மங் காதப்³ப³ங். ஸேஸங் தஜ்ஜனீயே வுத்தனயமேவ. ஸம்மாவத்தனாயம்பி ஹி இத⁴ தேசத்தாலீஸங்யேவ வத்தானீதி.
65. Ariṭṭhavatthu khuddakavaṇṇanāyaṃ vuttaṃ. ‘‘Bhaṇḍanakārako’’tiādīsu yaṃ diṭṭhiṃ nissāya bhaṇḍanādīni karoti, tassā appaṭinissaggeyeva kammaṃ kātabbaṃ. Sesaṃ tajjanīye vuttanayameva. Sammāvattanāyampi hi idha tecattālīsaṃyeva vattānīti.
ஆபத்தியா அத³ஸ்ஸனே உக்கே²பனீயகம்மகதா² நிட்டி²தா.
Āpattiyā adassane ukkhepanīyakammakathā niṭṭhitā.
கம்மக்க²ந்த⁴கவண்ணனா நிட்டி²தா.
Kammakkhandhakavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi
5. ஆபத்தியா அத³ஸ்ஸனே உக்கே²பனீயகம்மங் • 5. Āpattiyā adassane ukkhepanīyakammaṃ
ஆகங்க²மானச²க்கங் • Ākaṅkhamānachakkaṃ
தேசத்தாலீஸவத்தங் • Tecattālīsavattaṃ
7. பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மங் • 7. Pāpikāya diṭṭhiyā appaṭinissagge ukkhepanīyakammaṃ
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஆபத்தியா அத³ஸ்ஸனே உக்கே²பனீயகம்மகதா²வண்ணனா • Āpattiyā adassane ukkhepanīyakammakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / அத⁴ம்மகம்மத்³வாத³ஸககதா²வண்ணனா • Adhammakammadvādasakakathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / நியஸ்ஸகம்மகதா²தி³வண்ணனா • Niyassakammakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 5. ஆபத்தியா அத³ஸ்ஸனே உக்கே²பனீயகம்மகதா² • 5. Āpattiyā adassane ukkhepanīyakammakathā
