| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
5. ஆபத்தியா அத³ஸ்ஸனே உக்கே²பனீயகம்மகதா²
5. Āpattiyā adassane ukkhepanīyakammakathā
46. ஸங்ஸதா²தி எத்த² ஸங்ஸதா⁴துயா கத²னத்த²ங் த³ஸ்ஸெந்தோ ஆஹ ‘‘ஆரோசேதா²’’தி. தும்ஹே ஸங்ஸத², கதே²தா²தி அத்தோ².
46.Saṃsathāti ettha saṃsadhātuyā kathanatthaṃ dassento āha ‘‘ārocethā’’ti. Tumhe saṃsatha, kathethāti attho.
50. ப⁴ண்ட³னகாரகோ ஹோதீதிஆதி³ காரணூபசாரவஸேன வுத்தோதி ஆஹ ‘‘ப⁴ண்ட³னாதி³பச்சயா’’திஆதி³. ப⁴ண்ட³னகாரகாதி³ காரணங், தேன ஆபன்னா ஆபத்தி ப²லங், தஸ்ஸா அத³ஸ்ஸனே உக்கே²பனீயகம்மங் காதப்³ப³ந்தி அதி⁴ப்பாயோ. தஸ்ஸாதி ஆபத்தியா.
50.Bhaṇḍanakārako hotītiādi kāraṇūpacāravasena vuttoti āha ‘‘bhaṇḍanādipaccayā’’tiādi. Bhaṇḍanakārakādi kāraṇaṃ, tena āpannā āpatti phalaṃ, tassā adassane ukkhepanīyakammaṃ kātabbanti adhippāyo. Tassāti āpattiyā.
51. எத்தா²தி உக்கே²பனீயகம்மே. தத்தா²தி தேசத்தாலீஸவத்தேஸு. அனுத்³த⁴ங்ஸேதப்³போ³தி எத்த² த⁴ங்ஸதா⁴துயா க³த்யத்த²ங் படிக்கி²பந்தோ ஆஹ ‘‘ந சோதே³தப்³போ³’’தி. ‘‘ரஜோனுத்³த⁴ங்ஸதீ’’திஆதீ³ஸு (பு³॰ வங்॰ 2.101) ஹி த⁴ங்ஸதா⁴து க³த்யத்தே² வத்ததி. ‘‘ந பி⁴க்கு² பி⁴க்கூ²ஹீ’’தி எத்த² ஸோயேவ பி⁴க்கு² தேஹேவ பி⁴க்கூ²ஹீதி அத்த²ங் நிவாரெந்தோ ஆஹ ‘‘அஞ்ஞோ பி⁴க்கு² அஞ்ஞேஹி பி⁴க்கூ²ஹீ’’தி. ந கி³ஹித்³த⁴ஜோதி எத்த² கி³ஹீனங் த⁴ஜோ கி³ஹித்³த⁴ஜோதி வுத்தே ஓதா³தவத்தா²தீ³னீதி ஆஹ ‘‘ஓதா³தவத்தா²னீ’’திஆதி³. ந தித்தி²யாதி³பத³த்தயந்தி ‘‘ந தித்தி²யா ஸேவிதப்³பா³, பி⁴க்கூ² ஸேவிதப்³பா³, பி⁴க்கு²ஸிக்கா²ய ஸிக்கி²தப்³ப³’’ந்தி பதா³னங் தயங். ‘‘ந அபஸாதே³தப்³போ³’’தி இமினா ந ஆஸாதே³தப்³போ³தி எத்த² ஆபுப்³ப³ஸத³தா⁴துயா அபபுப்³ப³ஸத³தா⁴துயா ஸமானபா⁴வங் த³ஸ்ஸேதி. ‘‘அந்தோ வா ப³ஹி வாதி’’ எத்த² கஸ்ஸ அந்தோ வா ப³ஹி வாதி ஆஹ ‘‘விஹாரஸ்ஸா’’தி. ஸேஸங் ஸப்³ப³ங்வத்தந்தி யோஜனா. இமினாதி ஆபத்தியா அத³ஸ்ஸனே உக்கே²பனீயகம்மேன.
51.Etthāti ukkhepanīyakamme. Tatthāti tecattālīsavattesu. Anuddhaṃsetabboti ettha dhaṃsadhātuyā gatyatthaṃ paṭikkhipanto āha ‘‘na codetabbo’’ti. ‘‘Rajonuddhaṃsatī’’tiādīsu (bu. vaṃ. 2.101) hi dhaṃsadhātu gatyatthe vattati. ‘‘Na bhikkhu bhikkhūhī’’ti ettha soyeva bhikkhu teheva bhikkhūhīti atthaṃ nivārento āha ‘‘añño bhikkhu aññehi bhikkhūhī’’ti. Na gihiddhajoti ettha gihīnaṃ dhajo gihiddhajoti vutte odātavatthādīnīti āha ‘‘odātavatthānī’’tiādi. Na titthiyādipadattayanti ‘‘na titthiyā sevitabbā, bhikkhū sevitabbā, bhikkhusikkhāya sikkhitabba’’nti padānaṃ tayaṃ. ‘‘Na apasādetabbo’’ti iminā na āsādetabboti ettha āpubbasadadhātuyā apapubbasadadhātuyā samānabhāvaṃ dasseti. ‘‘Anto vā bahi vāti’’ ettha kassa anto vā bahi vāti āha ‘‘vihārassā’’ti. Sesaṃ sabbaṃvattanti yojanā. Imināti āpattiyā adassane ukkhepanīyakammena.
65. தஸ்ஸாதி ஆபத்தியா. இதா⁴தி பாபிகாய தி³ட்டி²யா அப்படினிஸ்ஸக்³கே³ கதே உக்கே²பனீயகம்மே. ஆபத்திஅத³ஸ்ஸனாதீ³ஸு உத்³த⁴ரித்வா கி²பீயதி அபனீயதி அனேன வினயகம்மேனாதி உக்கே²பனீயங், தமேவ கம்மங் உக்கே²பனீயகம்மங்.
65.Tassāti āpattiyā. Idhāti pāpikāya diṭṭhiyā appaṭinissagge kate ukkhepanīyakamme. Āpattiadassanādīsu uddharitvā khipīyati apanīyati anena vinayakammenāti ukkhepanīyaṃ, tameva kammaṃ ukkhepanīyakammaṃ.
இதி கம்மக்க²ந்த⁴கவண்ணனாய யோஜனா ஸமத்தா.
Iti kammakkhandhakavaṇṇanāya yojanā samattā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi
5. ஆபத்தியா அத³ஸ்ஸனே உக்கே²பனீயகம்மங் • 5. Āpattiyā adassane ukkhepanīyakammaṃ
ஆகங்க²மானச²க்கங் • Ākaṅkhamānachakkaṃ
தேசத்தாலீஸவத்தங் • Tecattālīsavattaṃ
7. பாபிகாய தி³ட்டி²யா அப்படினிஸ்ஸக்³கே³ உக்கே²பனீயகம்மங் • 7. Pāpikāya diṭṭhiyā appaṭinissagge ukkhepanīyakammaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / ஆபத்தியா அத³ஸ்ஸனே உக்கே²பனீயகம்மகதா² • Āpattiyā adassane ukkhepanīyakammakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஆபத்தியா அத³ஸ்ஸனே உக்கே²பனீயகம்மகதா²வண்ணனா • Āpattiyā adassane ukkhepanīyakammakathāvaṇṇanā
