| Library / Tipiṭaka / তিপিটক • Tipiṭaka / চূল়ৰগ্গ-অট্ঠকথা • Cūḷavagga-aṭṭhakathā |
আপত্তিযা অদস্সনে উক্খেপনীযকম্মকথা
Āpattiyā adassane ukkhepanīyakammakathā
৪৬. ছন্নৰত্থুস্মিং – আৰাসপরম্পরঞ্চ ভিক্খৰে সংসথাতি সব্বাৰাসেসু আরোচেথ।
46. Channavatthusmiṃ – āvāsaparamparañca bhikkhave saṃsathāti sabbāvāsesu ārocetha.
৫০. ভণ্ডনকারকোতিআদীসু ভণ্ডনাদিপচ্চযা আপন্নং আপত্তিং রোপেত্ৰা তস্সা অদস্সনেযেৰ কম্মং কাতব্বং। তিকা ৰুত্তপ্পকারা এৰ।
50.Bhaṇḍanakārakotiādīsu bhaṇḍanādipaccayā āpannaṃ āpattiṃ ropetvā tassā adassaneyeva kammaṃ kātabbaṃ. Tikā vuttappakārā eva.
৫১. সম্মাৰত্তনাযং পনেত্থ তেচত্তালীস ৰত্তানি। তত্থ ন অনুদ্ধংসেতব্বোতি ন চোদেতব্বো। ন ভিক্খু ভিক্খূহীতি অঞ্ঞো ভিক্খু অঞ্ঞেহি ভিক্খূহি ন ভিন্দিতব্বো। ন গিহিদ্ধজোতি ওদাতৰত্থানি অচ্ছিন্নদসপুপ্ফদসানি চ ন ধারেতব্বানি। ন তিত্থিযদ্ধজোতি কুসচীরাদীনি ন ধারেতব্বানি। ন আসাদেতব্বোতি ন অপসাদেতব্বো। অন্তো ৰা বহি ৰাতি ৰিহারস্স অন্তো ৰা বহি ৰা। ন তিত্থিযাদিপদত্তযং উত্তানমেৰ । সেসং সব্বং পারিৰাসিকক্খন্ধকে ৰণ্ণযিস্সাম। সেসং তজ্জনীযে ৰুত্তনযমেৰ। আপত্তিযা অপ্পটিকম্মে উক্খেপনীযকম্মং ইমিনা সদিসমেৰ।
51. Sammāvattanāyaṃ panettha tecattālīsa vattāni. Tattha na anuddhaṃsetabboti na codetabbo. Na bhikkhu bhikkhūhīti añño bhikkhu aññehi bhikkhūhi na bhinditabbo. Na gihiddhajoti odātavatthāni acchinnadasapupphadasāni ca na dhāretabbāni. Na titthiyaddhajoti kusacīrādīni na dhāretabbāni. Na āsādetabboti na apasādetabbo. Anto vā bahi vāti vihārassa anto vā bahi vā. Na titthiyādipadattayaṃ uttānameva . Sesaṃ sabbaṃ pārivāsikakkhandhake vaṇṇayissāma. Sesaṃ tajjanīye vuttanayameva. Āpattiyā appaṭikamme ukkhepanīyakammaṃ iminā sadisameva.
৬৫. অরিট্ঠৰত্থু খুদ্দকৰণ্ণনাযং ৰুত্তং। ‘‘ভণ্ডনকারকো’’তিআদীসু যং দিট্ঠিং নিস্সায ভণ্ডনাদীনি করোতি, তস্সা অপ্পটিনিস্সগ্গেযেৰ কম্মং কাতব্বং। সেসং তজ্জনীযে ৰুত্তনযমেৰ। সম্মাৰত্তনাযম্পি হি ইধ তেচত্তালীসংযেৰ ৰত্তানীতি।
65. Ariṭṭhavatthu khuddakavaṇṇanāyaṃ vuttaṃ. ‘‘Bhaṇḍanakārako’’tiādīsu yaṃ diṭṭhiṃ nissāya bhaṇḍanādīni karoti, tassā appaṭinissaggeyeva kammaṃ kātabbaṃ. Sesaṃ tajjanīye vuttanayameva. Sammāvattanāyampi hi idha tecattālīsaṃyeva vattānīti.
আপত্তিযা অদস্সনে উক্খেপনীযকম্মকথা নিট্ঠিতা।
Āpattiyā adassane ukkhepanīyakammakathā niṭṭhitā.
কম্মক্খন্ধকৰণ্ণনা নিট্ঠিতা।
Kammakkhandhakavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi
৫. আপত্তিযা অদস্সনে উক্খেপনীযকম্মং • 5. Āpattiyā adassane ukkhepanīyakammaṃ
আকঙ্খমানছক্কং • Ākaṅkhamānachakkaṃ
তেচত্তালীসৰত্তং • Tecattālīsavattaṃ
৭. পাপিকায দিট্ঠিযা অপ্পটিনিস্সগ্গে উক্খেপনীযকম্মং • 7. Pāpikāya diṭṭhiyā appaṭinissagge ukkhepanīyakammaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / আপত্তিযা অদস্সনে উক্খেপনীযকম্মকথাৰণ্ণনা • Āpattiyā adassane ukkhepanīyakammakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অধম্মকম্মদ্ৰাদসককথাৰণ্ণনা • Adhammakammadvādasakakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / নিযস্সকম্মকথাদিৰণ্ণনা • Niyassakammakathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ৫. আপত্তিযা অদস্সনে উক্খেপনীযকম্মকথা • 5. Āpattiyā adassane ukkhepanīyakammakathā
