| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
аабад̇д̇ияаа ад̣̇ассанз угкзбанийяагаммагат̇аа
Āpattiyā adassane ukkhepanīyakammakathā
46. чаннавад̇т̇усмим̣ – ааваасабарамбаран̃жа бхигкавз сам̣сат̇аад̇и саб̣б̣ааваасзсу аарожзт̇а.
46. Channavatthusmiṃ – āvāsaparamparañca bhikkhave saṃsathāti sabbāvāsesu ārocetha.
50. бхан̣д̣анагаарагод̇иаад̣̇ийсу бхан̣д̣анаад̣̇ибажжаяаа аабаннам̣ аабад̇д̇им̣ робзд̇ваа д̇ассаа ад̣̇ассанзязва гаммам̣ гаад̇аб̣б̣ам̣. д̇игаа вуд̇д̇аббагаараа зва.
50.Bhaṇḍanakārakotiādīsu bhaṇḍanādipaccayā āpannaṃ āpattiṃ ropetvā tassā adassaneyeva kammaṃ kātabbaṃ. Tikā vuttappakārā eva.
51. саммаавад̇д̇анааяам̣ банзд̇т̇а д̇зжад̇д̇аалийса вад̇д̇аани. д̇ад̇т̇а на ануд̣̇д̇хам̣сзд̇аб̣б̣од̇и на жод̣̇зд̇аб̣б̣о. на бхигку бхигкуухийд̇и ан̃н̃о бхигку ан̃н̃зхи бхигкуухи на бхинд̣̇ид̇аб̣б̣о. на г̇ихид̣̇д̇хаж̇од̇и од̣̇аад̇авад̇т̇аани ажчиннад̣̇асабубпад̣̇асаани жа на д̇хаарзд̇аб̣б̣аани. на д̇ид̇т̇ияад̣̇д̇хаж̇од̇и гусажийраад̣̇ийни на д̇хаарзд̇аб̣б̣аани. на аасаад̣̇зд̇аб̣б̣од̇и на абасаад̣̇зд̇аб̣б̣о. анд̇о ваа б̣ахи ваад̇и вихаарасса анд̇о ваа б̣ахи ваа. на д̇ид̇т̇ияаад̣̇ибад̣̇ад̇д̇аяам̣ уд̇д̇аанамзва . сзсам̣ саб̣б̣ам̣ баариваасигагканд̇хагз ван̣н̣аяиссаама. сзсам̣ д̇аж̇ж̇анийяз вуд̇д̇анаяамзва. аабад̇д̇ияаа аббадигаммз угкзбанийяагаммам̣ иминаа сад̣̇исамзва.
51. Sammāvattanāyaṃ panettha tecattālīsa vattāni. Tattha na anuddhaṃsetabboti na codetabbo. Na bhikkhu bhikkhūhīti añño bhikkhu aññehi bhikkhūhi na bhinditabbo. Na gihiddhajoti odātavatthāni acchinnadasapupphadasāni ca na dhāretabbāni. Na titthiyaddhajoti kusacīrādīni na dhāretabbāni. Na āsādetabboti na apasādetabbo. Anto vā bahi vāti vihārassa anto vā bahi vā. Na titthiyādipadattayaṃ uttānameva . Sesaṃ sabbaṃ pārivāsikakkhandhake vaṇṇayissāma. Sesaṃ tajjanīye vuttanayameva. Āpattiyā appaṭikamme ukkhepanīyakammaṃ iminā sadisameva.
65. аридтавад̇т̇у куд̣̇д̣̇агаван̣н̣анааяам̣ вуд̇д̇ам̣. ‘‘бхан̣д̣анагаараго’’д̇иаад̣̇ийсу яам̣ д̣̇идтим̣ ниссааяа бхан̣д̣анаад̣̇ийни гарод̇и, д̇ассаа аббадиниссаг̇г̇зязва гаммам̣ гаад̇аб̣б̣ам̣. сзсам̣ д̇аж̇ж̇анийяз вуд̇д̇анаяамзва. саммаавад̇д̇анааяамби хи ид̇ха д̇зжад̇д̇аалийсам̣язва вад̇д̇аанийд̇и.
65. Ariṭṭhavatthu khuddakavaṇṇanāyaṃ vuttaṃ. ‘‘Bhaṇḍanakārako’’tiādīsu yaṃ diṭṭhiṃ nissāya bhaṇḍanādīni karoti, tassā appaṭinissaggeyeva kammaṃ kātabbaṃ. Sesaṃ tajjanīye vuttanayameva. Sammāvattanāyampi hi idha tecattālīsaṃyeva vattānīti.
аабад̇д̇ияаа ад̣̇ассанз угкзбанийяагаммагат̇аа нидтид̇аа.
Āpattiyā adassane ukkhepanīyakammakathā niṭṭhitā.
гаммагканд̇хагаван̣н̣анаа нидтид̇аа.
Kammakkhandhakavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
5. аабад̇д̇ияаа ад̣̇ассанз угкзбанийяагаммам̣ • 5. Āpattiyā adassane ukkhepanīyakammaṃ
ааган̇камааначаггам̣ • Ākaṅkhamānachakkaṃ
д̇зжад̇д̇аалийсавад̇д̇ам̣ • Tecattālīsavattaṃ
7. баабигааяа д̣̇идтияаа аббадиниссаг̇г̇з угкзбанийяагаммам̣ • 7. Pāpikāya diṭṭhiyā appaṭinissagge ukkhepanīyakammaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аабад̇д̇ияаа ад̣̇ассанз угкзбанийяагаммагат̇ааван̣н̣анаа • Āpattiyā adassane ukkhepanīyakammakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ад̇хаммагаммад̣̇ваад̣̇асагагат̇ааван̣н̣анаа • Adhammakammadvādasakakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / нияассагаммагат̇аад̣̇иван̣н̣анаа • Niyassakammakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. аабад̇д̇ияаа ад̣̇ассанз угкзбанийяагаммагат̇аа • 5. Āpattiyā adassane ukkhepanīyakammakathā
