| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
5. аабад̇д̇ияаа ад̣̇ассанз угкзбанийяагаммагат̇аа
5. Āpattiyā adassane ukkhepanīyakammakathā
46. сам̣сат̇аад̇и зд̇т̇а сам̣сад̇хаад̇уяаа гат̇анад̇т̇ам̣ д̣̇ассзнд̇о ааха ‘‘аарожзт̇аа’’д̇и. д̇умхз сам̣сат̇а, гат̇зт̇аад̇и ад̇т̇о.
46.Saṃsathāti ettha saṃsadhātuyā kathanatthaṃ dassento āha ‘‘ārocethā’’ti. Tumhe saṃsatha, kathethāti attho.
50. бхан̣д̣анагаараго ход̇ийд̇иаад̣̇и гааран̣уубажааравасзна вуд̇д̇од̇и ааха ‘‘бхан̣д̣анаад̣̇ибажжаяаа’’д̇иаад̣̇и. бхан̣д̣анагаарагаад̣̇и гааран̣ам̣, д̇зна аабаннаа аабад̇д̇и палам̣, д̇ассаа ад̣̇ассанз угкзбанийяагаммам̣ гаад̇аб̣б̣анд̇и ад̇хиббааяо. д̇ассаад̇и аабад̇д̇ияаа.
50.Bhaṇḍanakārako hotītiādi kāraṇūpacāravasena vuttoti āha ‘‘bhaṇḍanādipaccayā’’tiādi. Bhaṇḍanakārakādi kāraṇaṃ, tena āpannā āpatti phalaṃ, tassā adassane ukkhepanīyakammaṃ kātabbanti adhippāyo. Tassāti āpattiyā.
51. зд̇т̇аад̇и угкзбанийяагаммз. д̇ад̇т̇аад̇и д̇зжад̇д̇аалийсавад̇д̇зсу. ануд̣̇д̇хам̣сзд̇аб̣б̣од̇и зд̇т̇а д̇хам̣сад̇хаад̇уяаа г̇ад̇яад̇т̇ам̣ бадигкибанд̇о ааха ‘‘на жод̣̇зд̇аб̣б̣о’’д̇и. ‘‘раж̇онуд̣̇д̇хам̣сад̇ий’’д̇иаад̣̇ийсу (б̣у. вам̣. 2.101) хи д̇хам̣сад̇хаад̇у г̇ад̇яад̇т̇з вад̇д̇ад̇и. ‘‘на бхигку бхигкуухий’’д̇и зд̇т̇а соязва бхигку д̇зхзва бхигкуухийд̇и ад̇т̇ам̣ ниваарзнд̇о ааха ‘‘ан̃н̃о бхигку ан̃н̃зхи бхигкуухий’’д̇и. на г̇ихид̣̇д̇хаж̇од̇и зд̇т̇а г̇ихийнам̣ д̇хаж̇о г̇ихид̣̇д̇хаж̇од̇и вуд̇д̇з од̣̇аад̇авад̇т̇аад̣̇ийнийд̇и ааха ‘‘од̣̇аад̇авад̇т̇ааний’’д̇иаад̣̇и. на д̇ид̇т̇ияаад̣̇ибад̣̇ад̇д̇аяанд̇и ‘‘на д̇ид̇т̇ияаа сзвид̇аб̣б̣аа, бхигкуу сзвид̇аб̣б̣аа, бхигкусигкааяа сигкид̇аб̣б̣а’’нд̇и бад̣̇аанам̣ д̇аяам̣. ‘‘на абасаад̣̇зд̇аб̣б̣о’’д̇и иминаа на аасаад̣̇зд̇аб̣б̣од̇и зд̇т̇а аабуб̣б̣асад̣̇ад̇хаад̇уяаа абабуб̣б̣асад̣̇ад̇хаад̇уяаа самаанабхаавам̣ д̣̇ассзд̇и. ‘‘анд̇о ваа б̣ахи ваад̇и’’ зд̇т̇а гасса анд̇о ваа б̣ахи ваад̇и ааха ‘‘вихаарассаа’’д̇и. сзсам̣ саб̣б̣ам̣вад̇д̇анд̇и яож̇анаа. иминаад̇и аабад̇д̇ияаа ад̣̇ассанз угкзбанийяагаммзна.
51.Etthāti ukkhepanīyakamme. Tatthāti tecattālīsavattesu. Anuddhaṃsetabboti ettha dhaṃsadhātuyā gatyatthaṃ paṭikkhipanto āha ‘‘na codetabbo’’ti. ‘‘Rajonuddhaṃsatī’’tiādīsu (bu. vaṃ. 2.101) hi dhaṃsadhātu gatyatthe vattati. ‘‘Na bhikkhu bhikkhūhī’’ti ettha soyeva bhikkhu teheva bhikkhūhīti atthaṃ nivārento āha ‘‘añño bhikkhu aññehi bhikkhūhī’’ti. Na gihiddhajoti ettha gihīnaṃ dhajo gihiddhajoti vutte odātavatthādīnīti āha ‘‘odātavatthānī’’tiādi. Na titthiyādipadattayanti ‘‘na titthiyā sevitabbā, bhikkhū sevitabbā, bhikkhusikkhāya sikkhitabba’’nti padānaṃ tayaṃ. ‘‘Na apasādetabbo’’ti iminā na āsādetabboti ettha āpubbasadadhātuyā apapubbasadadhātuyā samānabhāvaṃ dasseti. ‘‘Anto vā bahi vāti’’ ettha kassa anto vā bahi vāti āha ‘‘vihārassā’’ti. Sesaṃ sabbaṃvattanti yojanā. Imināti āpattiyā adassane ukkhepanīyakammena.
65. д̇ассаад̇и аабад̇д̇ияаа. ид̇хаад̇и баабигааяа д̣̇идтияаа аббадиниссаг̇г̇з гад̇з угкзбанийяагаммз. аабад̇д̇иад̣̇ассанаад̣̇ийсу уд̣̇д̇харид̇ваа кибийяад̇и абанийяад̇и анзна винаяагаммзнаад̇и угкзбанийяам̣, д̇амзва гаммам̣ угкзбанийяагаммам̣.
65.Tassāti āpattiyā. Idhāti pāpikāya diṭṭhiyā appaṭinissagge kate ukkhepanīyakamme. Āpattiadassanādīsu uddharitvā khipīyati apanīyati anena vinayakammenāti ukkhepanīyaṃ, tameva kammaṃ ukkhepanīyakammaṃ.
ид̇и гаммагканд̇хагаван̣н̣анааяа яож̇анаа самад̇д̇аа.
Iti kammakkhandhakavaṇṇanāya yojanā samattā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
5. аабад̇д̇ияаа ад̣̇ассанз угкзбанийяагаммам̣ • 5. Āpattiyā adassane ukkhepanīyakammaṃ
ааган̇камааначаггам̣ • Ākaṅkhamānachakkaṃ
д̇зжад̇д̇аалийсавад̇д̇ам̣ • Tecattālīsavattaṃ
7. баабигааяа д̣̇идтияаа аббадиниссаг̇г̇з угкзбанийяагаммам̣ • 7. Pāpikāya diṭṭhiyā appaṭinissagge ukkhepanīyakammaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / аабад̇д̇ияаа ад̣̇ассанз угкзбанийяагаммагат̇аа • Āpattiyā adassane ukkhepanīyakammakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / аабад̇д̇ияаа ад̣̇ассанз угкзбанийяагаммагат̇ааван̣н̣анаа • Āpattiyā adassane ukkhepanīyakammakathāvaṇṇanā
