| Library / Tipiṭaka / ติปิฎก • Tipiṭaka / จูฬวคฺค-อฎฺฐกถา • Cūḷavagga-aṭṭhakathā |
อาปตฺติยา อทสฺสเน อุเกฺขปนียกมฺมกถา
Āpattiyā adassane ukkhepanīyakammakathā
๔๖. ฉนฺนวตฺถุสฺมิํ – อาวาสปรมฺปรญฺจ ภิกฺขเว สํสถาติ สพฺพาวาเสสุ อาโรเจถฯ
46. Channavatthusmiṃ – āvāsaparamparañca bhikkhave saṃsathāti sabbāvāsesu ārocetha.
๕๐. ภณฺฑนการโกติอาทีสุ ภณฺฑนาทิปจฺจยา อาปนฺนํ อาปตฺติํ โรเปตฺวา ตสฺสา อทสฺสเนเยว กมฺมํ กาตพฺพํฯ ติกา วุตฺตปฺปการา เอวฯ
50.Bhaṇḍanakārakotiādīsu bhaṇḍanādipaccayā āpannaṃ āpattiṃ ropetvā tassā adassaneyeva kammaṃ kātabbaṃ. Tikā vuttappakārā eva.
๕๑. สมฺมาวตฺตนายํ ปเนตฺถ เตจตฺตาลีส วตฺตานิฯ ตตฺถ น อนุทฺธํเสตโพฺพติ น โจเทตโพฺพฯ น ภิกฺขุ ภิกฺขูหีติ อโญฺญ ภิกฺขุ อเญฺญหิ ภิกฺขูหิ น ภินฺทิตโพฺพฯ น คิหิทฺธโชติ โอทาตวตฺถานิ อจฺฉินฺนทสปุปฺผทสานิ จ น ธาเรตพฺพานิฯ น ติตฺถิยทฺธโชติ กุสจีราทีนิ น ธาเรตพฺพานิฯ น อาสาเทตโพฺพติ น อปสาเทตโพฺพฯ อโนฺต วา พหิ วาติ วิหารสฺส อโนฺต วา พหิ วาฯ น ติตฺถิยาทิปทตฺตยํ อุตฺตานเมว ฯ เสสํ สพฺพํ ปาริวาสิกกฺขนฺธเก วณฺณยิสฺสามฯ เสสํ ตชฺชนีเย วุตฺตนยเมวฯ อาปตฺติยา อปฺปฎิกเมฺม อุเกฺขปนียกมฺมํ อิมินา สทิสเมวฯ
51. Sammāvattanāyaṃ panettha tecattālīsa vattāni. Tattha na anuddhaṃsetabboti na codetabbo. Na bhikkhu bhikkhūhīti añño bhikkhu aññehi bhikkhūhi na bhinditabbo. Na gihiddhajoti odātavatthāni acchinnadasapupphadasāni ca na dhāretabbāni. Na titthiyaddhajoti kusacīrādīni na dhāretabbāni. Na āsādetabboti na apasādetabbo. Anto vā bahi vāti vihārassa anto vā bahi vā. Na titthiyādipadattayaṃ uttānameva . Sesaṃ sabbaṃ pārivāsikakkhandhake vaṇṇayissāma. Sesaṃ tajjanīye vuttanayameva. Āpattiyā appaṭikamme ukkhepanīyakammaṃ iminā sadisameva.
๖๕. อริฎฺฐวตฺถุ ขุทฺทกวณฺณนายํ วุตฺตํฯ ‘‘ภณฺฑนการโก’’ติอาทีสุ ยํ ทิฎฺฐิํ นิสฺสาย ภณฺฑนาทีนิ กโรติ, ตสฺสา อปฺปฎินิสฺสเคฺคเยว กมฺมํ กาตพฺพํฯ เสสํ ตชฺชนีเย วุตฺตนยเมวฯ สมฺมาวตฺตนายมฺปิ หิ อิธ เตจตฺตาลีสํเยว วตฺตานีติฯ
65. Ariṭṭhavatthu khuddakavaṇṇanāyaṃ vuttaṃ. ‘‘Bhaṇḍanakārako’’tiādīsu yaṃ diṭṭhiṃ nissāya bhaṇḍanādīni karoti, tassā appaṭinissaggeyeva kammaṃ kātabbaṃ. Sesaṃ tajjanīye vuttanayameva. Sammāvattanāyampi hi idha tecattālīsaṃyeva vattānīti.
อาปตฺติยา อทสฺสเน อุเกฺขปนียกมฺมกถา นิฎฺฐิตาฯ
Āpattiyā adassane ukkhepanīyakammakathā niṭṭhitā.
กมฺมกฺขนฺธกวณฺณนา นิฎฺฐิตาฯ
Kammakkhandhakavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi
๕. อาปตฺติยา อทสฺสเน อุเกฺขปนียกมฺมํ • 5. Āpattiyā adassane ukkhepanīyakammaṃ
อากงฺขมานฉกฺกํ • Ākaṅkhamānachakkaṃ
เตจตฺตาลีสวตฺตํ • Tecattālīsavattaṃ
๗. ปาปิกาย ทิฎฺฐิยา อปฺปฎินิสฺสเคฺค อุเกฺขปนียกมฺมํ • 7. Pāpikāya diṭṭhiyā appaṭinissagge ukkhepanīyakammaṃ
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / อาปตฺติยา อทสฺสเน อุเกฺขปนียกมฺมกถาวณฺณนา • Āpattiyā adassane ukkhepanīyakammakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / อธมฺมกมฺมทฺวาทสกกถาวณฺณนา • Adhammakammadvādasakakathāvaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / นิยสฺสกมฺมกถาทิวณฺณนา • Niyassakammakathādivaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๕. อาปตฺติยา อทสฺสเน อุเกฺขปนียกมฺมกถา • 5. Āpattiyā adassane ukkhepanīyakammakathā
