| Library / Tipiṭaka / តិបិដក • Tipiṭaka / ចូឡវគ្គ-អដ្ឋកថា • Cūḷavagga-aṭṭhakathā |
អាបត្តិយា អទស្សនេ ឧក្ខេបនីយកម្មកថា
Āpattiyā adassane ukkhepanīyakammakathā
៤៦. ឆន្នវត្ថុស្មិំ – អាវាសបរម្បរញ្ច ភិក្ខវេ សំសថាតិ សព្ពាវាសេសុ អារោចេថ។
46. Channavatthusmiṃ – āvāsaparamparañca bhikkhave saṃsathāti sabbāvāsesu ārocetha.
៥០. ភណ្ឌនការកោតិអាទីសុ ភណ្ឌនាទិបច្ចយា អាបន្នំ អាបត្តិំ រោបេត្វា តស្សា អទស្សនេយេវ កម្មំ កាតព្ពំ។ តិកា វុត្តប្បការា ឯវ។
50.Bhaṇḍanakārakotiādīsu bhaṇḍanādipaccayā āpannaṃ āpattiṃ ropetvā tassā adassaneyeva kammaṃ kātabbaṃ. Tikā vuttappakārā eva.
៥១. សម្មាវត្តនាយំ បនេត្ថ តេចត្តាលីស វត្តានិ។ តត្ថ ន អនុទ្ធំសេតព្ពោតិ ន ចោទេតព្ពោ។ ន ភិក្ខុ ភិក្ខូហីតិ អញ្ញោ ភិក្ខុ អញ្ញេហិ ភិក្ខូហិ ន ភិន្ទិតព្ពោ។ ន គិហិទ្ធជោតិ ឱទាតវត្ថានិ អច្ឆិន្នទសបុប្ផទសានិ ច ន ធារេតព្ពានិ។ ន តិត្ថិយទ្ធជោតិ កុសចីរាទីនិ ន ធារេតព្ពានិ។ ន អាសាទេតព្ពោតិ ន អបសាទេតព្ពោ។ អន្តោ វា ពហិ វាតិ វិហារស្ស អន្តោ វា ពហិ វា។ ន តិត្ថិយាទិបទត្តយំ ឧត្តានមេវ ។ សេសំ សព្ពំ បារិវាសិកក្ខន្ធកេ វណ្ណយិស្សាម។ សេសំ តជ្ជនីយេ វុត្តនយមេវ។ អាបត្តិយា អប្បដិកម្មេ ឧក្ខេបនីយកម្មំ ឥមិនា សទិសមេវ។
51. Sammāvattanāyaṃ panettha tecattālīsa vattāni. Tattha na anuddhaṃsetabboti na codetabbo. Na bhikkhu bhikkhūhīti añño bhikkhu aññehi bhikkhūhi na bhinditabbo. Na gihiddhajoti odātavatthāni acchinnadasapupphadasāni ca na dhāretabbāni. Na titthiyaddhajoti kusacīrādīni na dhāretabbāni. Na āsādetabboti na apasādetabbo. Anto vā bahi vāti vihārassa anto vā bahi vā. Na titthiyādipadattayaṃ uttānameva . Sesaṃ sabbaṃ pārivāsikakkhandhake vaṇṇayissāma. Sesaṃ tajjanīye vuttanayameva. Āpattiyā appaṭikamme ukkhepanīyakammaṃ iminā sadisameva.
៦៥. អរិដ្ឋវត្ថុ ខុទ្ទកវណ្ណនាយំ វុត្តំ។ ‘‘ភណ្ឌនការកោ’’តិអាទីសុ យំ ទិដ្ឋិំ និស្សាយ ភណ្ឌនាទីនិ ករោតិ, តស្សា អប្បដិនិស្សគ្គេយេវ កម្មំ កាតព្ពំ។ សេសំ តជ្ជនីយេ វុត្តនយមេវ។ សម្មាវត្តនាយម្បិ ហិ ឥធ តេចត្តាលីសំយេវ វត្តានីតិ។
65. Ariṭṭhavatthu khuddakavaṇṇanāyaṃ vuttaṃ. ‘‘Bhaṇḍanakārako’’tiādīsu yaṃ diṭṭhiṃ nissāya bhaṇḍanādīni karoti, tassā appaṭinissaggeyeva kammaṃ kātabbaṃ. Sesaṃ tajjanīye vuttanayameva. Sammāvattanāyampi hi idha tecattālīsaṃyeva vattānīti.
អាបត្តិយា អទស្សនេ ឧក្ខេបនីយកម្មកថា និដ្ឋិតា។
Āpattiyā adassane ukkhepanīyakammakathā niṭṭhitā.
កម្មក្ខន្ធកវណ្ណនា និដ្ឋិតា។
Kammakkhandhakavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / ចូឡវគ្គបាឡិ • Cūḷavaggapāḷi
៥. អាបត្តិយា អទស្សនេ ឧក្ខេបនីយកម្មំ • 5. Āpattiyā adassane ukkhepanīyakammaṃ
អាកង្ខមានឆក្កំ • Ākaṅkhamānachakkaṃ
តេចត្តាលីសវត្តំ • Tecattālīsavattaṃ
៧. បាបិកាយ ទិដ្ឋិយា អប្បដិនិស្សគ្គេ ឧក្ខេបនីយកម្មំ • 7. Pāpikāya diṭṭhiyā appaṭinissagge ukkhepanīyakammaṃ
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / អាបត្តិយា អទស្សនេ ឧក្ខេបនីយកម្មកថាវណ្ណនា • Āpattiyā adassane ukkhepanīyakammakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / អធម្មកម្មទ្វាទសកកថាវណ្ណនា • Adhammakammadvādasakakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / និយស្សកម្មកថាទិវណ្ណនា • Niyassakammakathādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / បាចិត្យាទិយោជនាបាឡិ • Pācityādiyojanāpāḷi / ៥. អាបត្តិយា អទស្សនេ ឧក្ខេបនីយកម្មកថា • 5. Āpattiyā adassane ukkhepanīyakammakathā
