| Library / Tipiṭaka / တိပိဋက • Tipiṭaka / စူဠဝဂ္ဂ-အဋ္ဌကထာ • Cūḷavagga-aṭṭhakathā |
အာပတ္တိယာ အဒသ္သနေ ဥက္ခေပနီယကမ္မကထာ
Āpattiyā adassane ukkhepanīyakammakathā
၄၆. ဆန္နဝတ္ထုသ္မိံ – အာဝာသပရမ္ပရဉ္စ ဘိက္ခဝေ သံသထာတိ သဗ္ဗာဝာသေသု အာရောစေထ။
46. Channavatthusmiṃ – āvāsaparamparañca bhikkhave saṃsathāti sabbāvāsesu ārocetha.
၅၀. ဘဏ္ဍနကာရကောတိအာဒီသု ဘဏ္ဍနာဒိပစ္စယာ အာပန္နံ အာပတ္တိံ ရောပေတ္ဝာ တသ္သာ အဒသ္သနေယေဝ ကမ္မံ ကာတဗ္ဗံ။ တိကာ ဝုတ္တပ္ပကာရာ ဧဝ။
50.Bhaṇḍanakārakotiādīsu bhaṇḍanādipaccayā āpannaṃ āpattiṃ ropetvā tassā adassaneyeva kammaṃ kātabbaṃ. Tikā vuttappakārā eva.
၅၁. သမ္မာဝတ္တနာယံ ပနေတ္ထ တေစတ္တာလီသ ဝတ္တာနိ။ တတ္ထ န အနုဒ္ဓံသေတဗ္ဗောတိ န စောဒေတဗ္ဗော။ န ဘိက္ခု ဘိက္ခူဟီတိ အညော ဘိက္ခု အညေဟိ ဘိက္ခူဟိ န ဘိန္ဒိတဗ္ဗော။ န ဂိဟိဒ္ဓဇောတိ ဩဒာတဝတ္ထာနိ အစ္ဆိန္နဒသပုပ္ဖဒသာနိ စ န ဓာရေတဗ္ဗာနိ။ န တိတ္ထိယဒ္ဓဇောတိ ကုသစီရာဒီနိ န ဓာရေတဗ္ဗာနိ။ န အာသာဒေတဗ္ဗောတိ န အပသာဒေတဗ္ဗော။ အန္တော ဝာ ဗဟိ ဝာတိ ဝိဟာရသ္သ အန္တော ဝာ ဗဟိ ဝာ။ န တိတ္ထိယာဒိပဒတ္တယံ ဥတ္တာနမေဝ ။ သေသံ သဗ္ဗံ ပာရိဝာသိကက္ခန္ဓကေ ဝဏ္ဏယိသ္သာမ။ သေသံ တဇ္ဇနီယေ ဝုတ္တနယမေဝ။ အာပတ္တိယာ အပ္ပဋိကမ္မေ ဥက္ခေပနီယကမ္မံ ဣမိနာ သဒိသမေဝ။
51. Sammāvattanāyaṃ panettha tecattālīsa vattāni. Tattha na anuddhaṃsetabboti na codetabbo. Na bhikkhu bhikkhūhīti añño bhikkhu aññehi bhikkhūhi na bhinditabbo. Na gihiddhajoti odātavatthāni acchinnadasapupphadasāni ca na dhāretabbāni. Na titthiyaddhajoti kusacīrādīni na dhāretabbāni. Na āsādetabboti na apasādetabbo. Anto vā bahi vāti vihārassa anto vā bahi vā. Na titthiyādipadattayaṃ uttānameva . Sesaṃ sabbaṃ pārivāsikakkhandhake vaṇṇayissāma. Sesaṃ tajjanīye vuttanayameva. Āpattiyā appaṭikamme ukkhepanīyakammaṃ iminā sadisameva.
၆၅. အရိဋ္ဌဝတ္ထု ခုဒ္ဒကဝဏ္ဏနာယံ ဝုတ္တံ။ ‘‘ဘဏ္ဍနကာရကော’’တိအာဒီသု ယံ ဒိဋ္ဌိံ နိသ္သာယ ဘဏ္ဍနာဒီနိ ကရောတိ, တသ္သာ အပ္ပဋိနိသ္သဂ္ဂေယေဝ ကမ္မံ ကာတဗ္ဗံ။ သေသံ တဇ္ဇနီယေ ဝုတ္တနယမေဝ။ သမ္မာဝတ္တနာယမ္ပိ ဟိ ဣဓ တေစတ္တာလီသံယေဝ ဝတ္တာနီတိ။
65. Ariṭṭhavatthu khuddakavaṇṇanāyaṃ vuttaṃ. ‘‘Bhaṇḍanakārako’’tiādīsu yaṃ diṭṭhiṃ nissāya bhaṇḍanādīni karoti, tassā appaṭinissaggeyeva kammaṃ kātabbaṃ. Sesaṃ tajjanīye vuttanayameva. Sammāvattanāyampi hi idha tecattālīsaṃyeva vattānīti.
အာပတ္တိယာ အဒသ္သနေ ဥက္ခေပနီယကမ္မကထာ နိဋ္ဌိတာ။
Āpattiyā adassane ukkhepanīyakammakathā niṭṭhitā.
ကမ္မက္ခန္ဓကဝဏ္ဏနာ နိဋ္ဌိတာ။
Kammakkhandhakavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / စူဠဝဂ္ဂပာဠိ • Cūḷavaggapāḷi
၅. အာပတ္တိယာ အဒသ္သနေ ဥက္ခေပနီယကမ္မံ • 5. Āpattiyā adassane ukkhepanīyakammaṃ
အာကင္ခမာနဆက္ကံ • Ākaṅkhamānachakkaṃ
တေစတ္တာလီသဝတ္တံ • Tecattālīsavattaṃ
၇. ပာပိကာယ ဒိဋ္ဌိယာ အပ္ပဋိနိသ္သဂ္ဂေ ဥက္ခေပနီယကမ္မံ • 7. Pāpikāya diṭṭhiyā appaṭinissagge ukkhepanīyakammaṃ
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / အာပတ္တိယာ အဒသ္သနေ ဥက္ခေပနီယကမ္မကထာဝဏ္ဏနာ • Āpattiyā adassane ukkhepanīyakammakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / အဓမ္မကမ္မဒ္ဝာဒသကကထာဝဏ္ဏနာ • Adhammakammadvādasakakathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / နိယသ္သကမ္မကထာဒိဝဏ္ဏနာ • Niyassakammakathādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၅. အာပတ္တိယာ အဒသ္သနေ ဥက္ခေပနီယကမ္မကထာ • 5. Āpattiyā adassane ukkhepanīyakammakathā
