| Library / Tipiṭaka / ತಿಪಿಟಕ • Tipiṭaka / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā |
ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮಕಥಾ
Āpattiyā adassane ukkhepanīyakammakathā
೪೬. ಛನ್ನವತ್ಥುಸ್ಮಿಂ – ಆವಾಸಪರಮ್ಪರಞ್ಚ ಭಿಕ್ಖವೇ ಸಂಸಥಾತಿ ಸಬ್ಬಾವಾಸೇಸು ಆರೋಚೇಥ।
46. Channavatthusmiṃ – āvāsaparamparañca bhikkhave saṃsathāti sabbāvāsesu ārocetha.
೫೦. ಭಣ್ಡನಕಾರಕೋತಿಆದೀಸು ಭಣ್ಡನಾದಿಪಚ್ಚಯಾ ಆಪನ್ನಂ ಆಪತ್ತಿಂ ರೋಪೇತ್ವಾ ತಸ್ಸಾ ಅದಸ್ಸನೇಯೇವ ಕಮ್ಮಂ ಕಾತಬ್ಬಂ। ತಿಕಾ ವುತ್ತಪ್ಪಕಾರಾ ಏವ।
50.Bhaṇḍanakārakotiādīsu bhaṇḍanādipaccayā āpannaṃ āpattiṃ ropetvā tassā adassaneyeva kammaṃ kātabbaṃ. Tikā vuttappakārā eva.
೫೧. ಸಮ್ಮಾವತ್ತನಾಯಂ ಪನೇತ್ಥ ತೇಚತ್ತಾಲೀಸ ವತ್ತಾನಿ। ತತ್ಥ ನ ಅನುದ್ಧಂಸೇತಬ್ಬೋತಿ ನ ಚೋದೇತಬ್ಬೋ। ನ ಭಿಕ್ಖು ಭಿಕ್ಖೂಹೀತಿ ಅಞ್ಞೋ ಭಿಕ್ಖು ಅಞ್ಞೇಹಿ ಭಿಕ್ಖೂಹಿ ನ ಭಿನ್ದಿತಬ್ಬೋ। ನ ಗಿಹಿದ್ಧಜೋತಿ ಓದಾತವತ್ಥಾನಿ ಅಚ್ಛಿನ್ನದಸಪುಪ್ಫದಸಾನಿ ಚ ನ ಧಾರೇತಬ್ಬಾನಿ। ನ ತಿತ್ಥಿಯದ್ಧಜೋತಿ ಕುಸಚೀರಾದೀನಿ ನ ಧಾರೇತಬ್ಬಾನಿ। ನ ಆಸಾದೇತಬ್ಬೋತಿ ನ ಅಪಸಾದೇತಬ್ಬೋ। ಅನ್ತೋ ವಾ ಬಹಿ ವಾತಿ ವಿಹಾರಸ್ಸ ಅನ್ತೋ ವಾ ಬಹಿ ವಾ। ನ ತಿತ್ಥಿಯಾದಿಪದತ್ತಯಂ ಉತ್ತಾನಮೇವ । ಸೇಸಂ ಸಬ್ಬಂ ಪಾರಿವಾಸಿಕಕ್ಖನ್ಧಕೇ ವಣ್ಣಯಿಸ್ಸಾಮ। ಸೇಸಂ ತಜ್ಜನೀಯೇ ವುತ್ತನಯಮೇವ। ಆಪತ್ತಿಯಾ ಅಪ್ಪಟಿಕಮ್ಮೇ ಉಕ್ಖೇಪನೀಯಕಮ್ಮಂ ಇಮಿನಾ ಸದಿಸಮೇವ।
51. Sammāvattanāyaṃ panettha tecattālīsa vattāni. Tattha na anuddhaṃsetabboti na codetabbo. Na bhikkhu bhikkhūhīti añño bhikkhu aññehi bhikkhūhi na bhinditabbo. Na gihiddhajoti odātavatthāni acchinnadasapupphadasāni ca na dhāretabbāni. Na titthiyaddhajoti kusacīrādīni na dhāretabbāni. Na āsādetabboti na apasādetabbo. Anto vā bahi vāti vihārassa anto vā bahi vā. Na titthiyādipadattayaṃ uttānameva . Sesaṃ sabbaṃ pārivāsikakkhandhake vaṇṇayissāma. Sesaṃ tajjanīye vuttanayameva. Āpattiyā appaṭikamme ukkhepanīyakammaṃ iminā sadisameva.
೬೫. ಅರಿಟ್ಠವತ್ಥು ಖುದ್ದಕವಣ್ಣನಾಯಂ ವುತ್ತಂ। ‘‘ಭಣ್ಡನಕಾರಕೋ’’ತಿಆದೀಸು ಯಂ ದಿಟ್ಠಿಂ ನಿಸ್ಸಾಯ ಭಣ್ಡನಾದೀನಿ ಕರೋತಿ, ತಸ್ಸಾ ಅಪ್ಪಟಿನಿಸ್ಸಗ್ಗೇಯೇವ ಕಮ್ಮಂ ಕಾತಬ್ಬಂ। ಸೇಸಂ ತಜ್ಜನೀಯೇ ವುತ್ತನಯಮೇವ। ಸಮ್ಮಾವತ್ತನಾಯಮ್ಪಿ ಹಿ ಇಧ ತೇಚತ್ತಾಲೀಸಂಯೇವ ವತ್ತಾನೀತಿ।
65. Ariṭṭhavatthu khuddakavaṇṇanāyaṃ vuttaṃ. ‘‘Bhaṇḍanakārako’’tiādīsu yaṃ diṭṭhiṃ nissāya bhaṇḍanādīni karoti, tassā appaṭinissaggeyeva kammaṃ kātabbaṃ. Sesaṃ tajjanīye vuttanayameva. Sammāvattanāyampi hi idha tecattālīsaṃyeva vattānīti.
ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮಕಥಾ ನಿಟ್ಠಿತಾ।
Āpattiyā adassane ukkhepanīyakammakathā niṭṭhitā.
ಕಮ್ಮಕ್ಖನ್ಧಕವಣ್ಣನಾ ನಿಟ್ಠಿತಾ।
Kammakkhandhakavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಚೂಳವಗ್ಗಪಾಳಿ • Cūḷavaggapāḷi
೫. ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮಂ • 5. Āpattiyā adassane ukkhepanīyakammaṃ
ಆಕಙ್ಖಮಾನಛಕ್ಕಂ • Ākaṅkhamānachakkaṃ
ತೇಚತ್ತಾಲೀಸವತ್ತಂ • Tecattālīsavattaṃ
೭. ಪಾಪಿಕಾಯ ದಿಟ್ಠಿಯಾ ಅಪ್ಪಟಿನಿಸ್ಸಗ್ಗೇ ಉಕ್ಖೇಪನೀಯಕಮ್ಮಂ • 7. Pāpikāya diṭṭhiyā appaṭinissagge ukkhepanīyakammaṃ
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮಕಥಾವಣ್ಣನಾ • Āpattiyā adassane ukkhepanīyakammakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಅಧಮ್ಮಕಮ್ಮದ್ವಾದಸಕಕಥಾವಣ್ಣನಾ • Adhammakammadvādasakakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ನಿಯಸ್ಸಕಮ್ಮಕಥಾದಿವಣ್ಣನಾ • Niyassakammakathādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೫. ಆಪತ್ತಿಯಾ ಅದಸ್ಸನೇ ಉಕ್ಖೇಪನೀಯಕಮ್ಮಕಥಾ • 5. Āpattiyā adassane ukkhepanīyakammakathā
