| Library / Tipiṭaka / තිපිටක • Tipiṭaka / චූළවග්‌ග-අට්‌ඨකථා • Cūḷavagga-aṭṭhakathā |
ආපත්‌තියා අදස්‌සනෙ උක්‌ඛෙපනීයකම්‌මකථා
Āpattiyā adassane ukkhepanīyakammakathā
46. ඡන්‌නවත්‌ථුස්‌මිං – ආවාසපරම්‌පරඤ්‌ච භික්‌ඛවෙ සංසථාති සබ්‌බාවාසෙසු ආරොචෙථ.
46. Channavatthusmiṃ – āvāsaparamparañca bhikkhave saṃsathāti sabbāvāsesu ārocetha.
50. භණ්‌ඩනකාරකොතිආදීසු භණ්‌ඩනාදිපච්‌චයා ආපන්‌නං ආපත්‌තිං රොපෙත්‌වා තස්‌සා අදස්‌සනෙයෙව කම්‌මං කාතබ්‌බං. තිකා වුත්‌තප්‌පකාරා එව.
50.Bhaṇḍanakārakotiādīsu bhaṇḍanādipaccayā āpannaṃ āpattiṃ ropetvā tassā adassaneyeva kammaṃ kātabbaṃ. Tikā vuttappakārā eva.
51. සම්‌මාවත්‌තනායං පනෙත්‌ථ තෙචත්‌තාලීස වත්‌තානි. තත්‌ථ න අනුද්‌ධංසෙතබ්‌බොති න චොදෙතබ්‌බො. න භික්‌ඛු භික්‌ඛූහීති අඤ්‌ඤො භික්‌ඛු අඤ්‌ඤෙහි භික්‌ඛූහි න භින්‌දිතබ්‌බො. න ගිහිද්‌ධජොති ඔදාතවත්‌ථානි අච්‌ඡින්‌නදසපුප්‌ඵදසානි ච න ධාරෙතබ්‌බානි. න තිත්‌ථියද්‌ධජොති කුසචීරාදීනි න ධාරෙතබ්‌බානි. න ආසාදෙතබ්‌බොති න අපසාදෙතබ්‌බො. අන්‌තො වා බහි වාති විහාරස්‌ස අන්‌තො වා බහි වා. න තිත්‌ථියාදිපදත්‌තයං උත්‌තානමෙව . සෙසං සබ්‌බං පාරිවාසිකක්‌ඛන්‌ධකෙ වණ්‌ණයිස්‌සාම. සෙසං තජ්‌ජනීයෙ වුත්‌තනයමෙව. ආපත්‌තියා අප්‌පටිකම්‌මෙ උක්‌ඛෙපනීයකම්‌මං ඉමිනා සදිසමෙව.
51. Sammāvattanāyaṃ panettha tecattālīsa vattāni. Tattha na anuddhaṃsetabboti na codetabbo. Na bhikkhu bhikkhūhīti añño bhikkhu aññehi bhikkhūhi na bhinditabbo. Na gihiddhajoti odātavatthāni acchinnadasapupphadasāni ca na dhāretabbāni. Na titthiyaddhajoti kusacīrādīni na dhāretabbāni. Na āsādetabboti na apasādetabbo. Anto vā bahi vāti vihārassa anto vā bahi vā. Na titthiyādipadattayaṃ uttānameva . Sesaṃ sabbaṃ pārivāsikakkhandhake vaṇṇayissāma. Sesaṃ tajjanīye vuttanayameva. Āpattiyā appaṭikamme ukkhepanīyakammaṃ iminā sadisameva.
65. අරිට්‌ඨවත්‌ථු ඛුද්‌දකවණ්‌ණනායං වුත්‌තං. ‘‘භණ්‌ඩනකාරකො’’තිආදීසු යං දිට්‌ඨිං නිස්‌සාය භණ්‌ඩනාදීනි කරොති, තස්‌සා අප්‌පටිනිස්‌සග්‌ගෙයෙව කම්‌මං කාතබ්‌බං. සෙසං තජ්‌ජනීයෙ වුත්‌තනයමෙව. සම්‌මාවත්‌තනායම්‌පි හි ඉධ තෙචත්‌තාලීසංයෙව වත්‌තානීති.
65. Ariṭṭhavatthu khuddakavaṇṇanāyaṃ vuttaṃ. ‘‘Bhaṇḍanakārako’’tiādīsu yaṃ diṭṭhiṃ nissāya bhaṇḍanādīni karoti, tassā appaṭinissaggeyeva kammaṃ kātabbaṃ. Sesaṃ tajjanīye vuttanayameva. Sammāvattanāyampi hi idha tecattālīsaṃyeva vattānīti.
ආපත්‌තියා අදස්‌සනෙ උක්‌ඛෙපනීයකම්‌මකථා නිට්‌ඨිතා.
Āpattiyā adassane ukkhepanīyakammakathā niṭṭhitā.
කම්‌මක්‌ඛන්‌ධකවණ්‌ණනා නිට්‌ඨිතා.
Kammakkhandhakavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi
5. ආපත්‌තියා අදස්‌සනෙ උක්‌ඛෙපනීයකම්‌මං • 5. Āpattiyā adassane ukkhepanīyakammaṃ
ආකඞ්‌ඛමානඡක්‌කං • Ākaṅkhamānachakkaṃ
තෙචත්‌තාලීසවත්‌තං • Tecattālīsavattaṃ
7. පාපිකාය දිට්‌ඨියා අප්‌පටිනිස්‌සග්‌ගෙ උක්‌ඛෙපනීයකම්‌මං • 7. Pāpikāya diṭṭhiyā appaṭinissagge ukkhepanīyakammaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / ආපත්‌තියා අදස්‌සනෙ උක්‌ඛෙපනීයකම්‌මකථාවණ්‌ණනා • Āpattiyā adassane ukkhepanīyakammakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අධම්‌මකම්‌මද්‌වාදසකකථාවණ්‌ණනා • Adhammakammadvādasakakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / නියස්‌සකම්‌මකථාදිවණ්‌ණනා • Niyassakammakathādivaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 5. ආපත්‌තියා අදස්‌සනෙ උක්‌ඛෙපනීයකම්‌මකථා • 5. Āpattiyā adassane ukkhepanīyakammakathā
