| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੫. ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮਕਥਾ
5. Āpattiyā adassane ukkhepanīyakammakathā
੪੬. ਸਂਸਥਾਤਿ ਏਤ੍ਥ ਸਂਸਧਾਤੁਯਾ ਕਥਨਤ੍ਥਂ ਦਸ੍ਸੇਨ੍ਤੋ ਆਹ ‘‘ਆਰੋਚੇਥਾ’’ਤਿ। ਤੁਮ੍ਹੇ ਸਂਸਥ, ਕਥੇਥਾਤਿ ਅਤ੍ਥੋ।
46.Saṃsathāti ettha saṃsadhātuyā kathanatthaṃ dassento āha ‘‘ārocethā’’ti. Tumhe saṃsatha, kathethāti attho.
੫੦. ਭਣ੍ਡਨਕਾਰਕੋ ਹੋਤੀਤਿਆਦਿ ਕਾਰਣੂਪਚਾਰવਸੇਨ વੁਤ੍ਤੋਤਿ ਆਹ ‘‘ਭਣ੍ਡਨਾਦਿਪਚ੍ਚਯਾ’’ਤਿਆਦਿ। ਭਣ੍ਡਨਕਾਰਕਾਦਿ ਕਾਰਣਂ, ਤੇਨ ਆਪਨ੍ਨਾ ਆਪਤ੍ਤਿ ਫਲਂ, ਤਸ੍ਸਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮਂ ਕਾਤਬ੍ਬਨ੍ਤਿ ਅਧਿਪ੍ਪਾਯੋ। ਤਸ੍ਸਾਤਿ ਆਪਤ੍ਤਿਯਾ।
50.Bhaṇḍanakārako hotītiādi kāraṇūpacāravasena vuttoti āha ‘‘bhaṇḍanādipaccayā’’tiādi. Bhaṇḍanakārakādi kāraṇaṃ, tena āpannā āpatti phalaṃ, tassā adassane ukkhepanīyakammaṃ kātabbanti adhippāyo. Tassāti āpattiyā.
੫੧. ਏਤ੍ਥਾਤਿ ਉਕ੍ਖੇਪਨੀਯਕਮ੍ਮੇ। ਤਤ੍ਥਾਤਿ ਤੇਚਤ੍ਤਾਲੀਸવਤ੍ਤੇਸੁ। ਅਨੁਦ੍ਧਂਸੇਤਬ੍ਬੋਤਿ ਏਤ੍ਥ ਧਂਸਧਾਤੁਯਾ ਗਤ੍ਯਤ੍ਥਂ ਪਟਿਕ੍ਖਿਪਨ੍ਤੋ ਆਹ ‘‘ਨ ਚੋਦੇਤਬ੍ਬੋ’’ਤਿ। ‘‘ਰਜੋਨੁਦ੍ਧਂਸਤੀ’’ਤਿਆਦੀਸੁ (ਬੁ॰ વਂ॰ ੨.੧੦੧) ਹਿ ਧਂਸਧਾਤੁ ਗਤ੍ਯਤ੍ਥੇ વਤ੍ਤਤਿ। ‘‘ਨ ਭਿਕ੍ਖੁ ਭਿਕ੍ਖੂਹੀ’’ਤਿ ਏਤ੍ਥ ਸੋਯੇવ ਭਿਕ੍ਖੁ ਤੇਹੇવ ਭਿਕ੍ਖੂਹੀਤਿ ਅਤ੍ਥਂ ਨਿવਾਰੇਨ੍ਤੋ ਆਹ ‘‘ਅਞ੍ਞੋ ਭਿਕ੍ਖੁ ਅਞ੍ਞੇਹਿ ਭਿਕ੍ਖੂਹੀ’’ਤਿ। ਨ ਗਿਹਿਦ੍ਧਜੋਤਿ ਏਤ੍ਥ ਗਿਹੀਨਂ ਧਜੋ ਗਿਹਿਦ੍ਧਜੋਤਿ વੁਤ੍ਤੇ ਓਦਾਤવਤ੍ਥਾਦੀਨੀਤਿ ਆਹ ‘‘ਓਦਾਤવਤ੍ਥਾਨੀ’’ਤਿਆਦਿ। ਨ ਤਿਤ੍ਥਿਯਾਦਿਪਦਤ੍ਤਯਨ੍ਤਿ ‘‘ਨ ਤਿਤ੍ਥਿਯਾ ਸੇવਿਤਬ੍ਬਾ, ਭਿਕ੍ਖੂ ਸੇવਿਤਬ੍ਬਾ, ਭਿਕ੍ਖੁਸਿਕ੍ਖਾਯ ਸਿਕ੍ਖਿਤਬ੍ਬ’’ਨ੍ਤਿ ਪਦਾਨਂ ਤਯਂ। ‘‘ਨ ਅਪਸਾਦੇਤਬ੍ਬੋ’’ਤਿ ਇਮਿਨਾ ਨ ਆਸਾਦੇਤਬ੍ਬੋਤਿ ਏਤ੍ਥ ਆਪੁਬ੍ਬਸਦਧਾਤੁਯਾ ਅਪਪੁਬ੍ਬਸਦਧਾਤੁਯਾ ਸਮਾਨਭਾવਂ ਦਸ੍ਸੇਤਿ। ‘‘ਅਨ੍ਤੋ વਾ ਬਹਿ વਾਤਿ’’ ਏਤ੍ਥ ਕਸ੍ਸ ਅਨ੍ਤੋ વਾ ਬਹਿ વਾਤਿ ਆਹ ‘‘વਿਹਾਰਸ੍ਸਾ’’ਤਿ। ਸੇਸਂ ਸਬ੍ਬਂવਤ੍ਤਨ੍ਤਿ ਯੋਜਨਾ। ਇਮਿਨਾਤਿ ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮੇਨ।
51.Etthāti ukkhepanīyakamme. Tatthāti tecattālīsavattesu. Anuddhaṃsetabboti ettha dhaṃsadhātuyā gatyatthaṃ paṭikkhipanto āha ‘‘na codetabbo’’ti. ‘‘Rajonuddhaṃsatī’’tiādīsu (bu. vaṃ. 2.101) hi dhaṃsadhātu gatyatthe vattati. ‘‘Na bhikkhu bhikkhūhī’’ti ettha soyeva bhikkhu teheva bhikkhūhīti atthaṃ nivārento āha ‘‘añño bhikkhu aññehi bhikkhūhī’’ti. Na gihiddhajoti ettha gihīnaṃ dhajo gihiddhajoti vutte odātavatthādīnīti āha ‘‘odātavatthānī’’tiādi. Na titthiyādipadattayanti ‘‘na titthiyā sevitabbā, bhikkhū sevitabbā, bhikkhusikkhāya sikkhitabba’’nti padānaṃ tayaṃ. ‘‘Na apasādetabbo’’ti iminā na āsādetabboti ettha āpubbasadadhātuyā apapubbasadadhātuyā samānabhāvaṃ dasseti. ‘‘Anto vā bahi vāti’’ ettha kassa anto vā bahi vāti āha ‘‘vihārassā’’ti. Sesaṃ sabbaṃvattanti yojanā. Imināti āpattiyā adassane ukkhepanīyakammena.
੬੫. ਤਸ੍ਸਾਤਿ ਆਪਤ੍ਤਿਯਾ। ਇਧਾਤਿ ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਕਤੇ ਉਕ੍ਖੇਪਨੀਯਕਮ੍ਮੇ। ਆਪਤ੍ਤਿਅਦਸ੍ਸਨਾਦੀਸੁ ਉਦ੍ਧਰਿਤ੍વਾ ਖਿਪੀਯਤਿ ਅਪਨੀਯਤਿ ਅਨੇਨ વਿਨਯਕਮ੍ਮੇਨਾਤਿ ਉਕ੍ਖੇਪਨੀਯਂ, ਤਮੇવ ਕਮ੍ਮਂ ਉਕ੍ਖੇਪਨੀਯਕਮ੍ਮਂ।
65.Tassāti āpattiyā. Idhāti pāpikāya diṭṭhiyā appaṭinissagge kate ukkhepanīyakamme. Āpattiadassanādīsu uddharitvā khipīyati apanīyati anena vinayakammenāti ukkhepanīyaṃ, tameva kammaṃ ukkhepanīyakammaṃ.
ਇਤਿ ਕਮ੍ਮਕ੍ਖਨ੍ਧਕવਣ੍ਣਨਾਯ ਯੋਜਨਾ ਸਮਤ੍ਤਾ।
Iti kammakkhandhakavaṇṇanāya yojanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi
੫. ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮਂ • 5. Āpattiyā adassane ukkhepanīyakammaṃ
ਆਕਙ੍ਖਮਾਨਛਕ੍ਕਂ • Ākaṅkhamānachakkaṃ
ਤੇਚਤ੍ਤਾਲੀਸવਤ੍ਤਂ • Tecattālīsavattaṃ
੭. ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖੇਪਨੀਯਕਮ੍ਮਂ • 7. Pāpikāya diṭṭhiyā appaṭinissagge ukkhepanīyakammaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮਕਥਾ • Āpattiyā adassane ukkhepanīyakammakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਆਪਤ੍ਤਿਯਾ ਅਦਸ੍ਸਨੇ ਉਕ੍ਖੇਪਨੀਯਕਮ੍ਮਕਥਾવਣ੍ਣਨਾ • Āpattiyā adassane ukkhepanīyakammakathāvaṇṇanā
