| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
66. аабад̇д̇ияаа ад̣̇ассанз угкид̇д̇агавад̇т̇ууни
66. Āpattiyā adassane ukkhittakavatthūni
130. д̇зна ко бана самаязна ан̃н̃ад̇аро бхигку аабад̇д̇ияаа ад̣̇ассанз угкид̇д̇аго виб̣бхами. со буна бажжааг̇анд̇ваа бхигкуу убасамбад̣̇ам̣ яаажи. бхаг̇авад̇о зд̇амад̇т̇ам̣ аарожзсум̣.
130. Tena kho pana samayena aññataro bhikkhu āpattiyā adassane ukkhittako vibbhami. So puna paccāgantvā bhikkhū upasampadaṃ yāci. Bhagavato etamatthaṃ ārocesuṃ.
ид̇ха бана, бхигкавз, бхигку аабад̇д̇ияаа ад̣̇ассанз угкид̇д̇аго виб̣бхамад̇и. со буна бажжааг̇анд̇ваа бхигкуу убасамбад̣̇ам̣ яаажад̇и. со звамасса важанийяо – ‘‘бассиссаси д̇ам̣ аабад̇д̇и’’нд̇и? сажаахам̣ бассиссаамийд̇и, баб̣б̣ааж̇зд̇аб̣б̣о. сажаахам̣ на бассиссаамийд̇и, на баб̣б̣ааж̇зд̇аб̣б̣о. баб̣б̣ааж̇зд̇ваа вад̇д̇аб̣б̣о – ‘‘бассиссаси д̇ам̣ аабад̇д̇и’’нд̇и? сажаахам̣ бассиссаамийд̇и, убасамбаад̣̇зд̇аб̣б̣о. сажаахам̣ на бассиссаамийд̇и, на убасамбаад̣̇зд̇аб̣б̣о. убасамбаад̣̇зд̇ваа вад̇д̇аб̣б̣о – ‘‘бассиссаси д̇ам̣ аабад̇д̇и’’нд̇и? сажаахам̣ бассиссаамийд̇и , осаарзд̇аб̣б̣о. сажаахам̣ на бассиссаамийд̇и, на осаарзд̇аб̣б̣о. осаарзд̇ваа вад̇д̇аб̣б̣о – ‘‘бассаси 1 д̇ам̣ аабад̇д̇и’’нд̇и? сажз бассад̇и, ижжзд̇ам̣ гусалам̣. но жз бассад̇и, лаб̣бхамаанааяа саамаг̇г̇ияаа буна угкибид̇аб̣б̣о. алаб̣бхамаанааяа саамаг̇г̇ияаа анаабад̇д̇и самбхог̇з сам̣ваасз.
Idha pana, bhikkhave, bhikkhu āpattiyā adassane ukkhittako vibbhamati. So puna paccāgantvā bhikkhū upasampadaṃ yācati. So evamassa vacanīyo – ‘‘passissasi taṃ āpatti’’nti? Sacāhaṃ passissāmīti, pabbājetabbo. Sacāhaṃ na passissāmīti, na pabbājetabbo. Pabbājetvā vattabbo – ‘‘passissasi taṃ āpatti’’nti? Sacāhaṃ passissāmīti, upasampādetabbo. Sacāhaṃ na passissāmīti, na upasampādetabbo. Upasampādetvā vattabbo – ‘‘passissasi taṃ āpatti’’nti? Sacāhaṃ passissāmīti , osāretabbo. Sacāhaṃ na passissāmīti, na osāretabbo. Osāretvā vattabbo – ‘‘passasi 2 taṃ āpatti’’nti? Sace passati, iccetaṃ kusalaṃ. No ce passati, labbhamānāya sāmaggiyā puna ukkhipitabbo. Alabbhamānāya sāmaggiyā anāpatti sambhoge saṃvāse.
ид̇ха бана, бхигкавз, бхигку аабад̇д̇ияаа аббадигаммз угкид̇д̇аго виб̣бхамад̇и. со буна бажжааг̇анд̇ваа бхигкуу убасамбад̣̇ам̣ яаажад̇и. со звамасса важанийяо – ‘‘бадигариссаси д̇ам̣ аабад̇д̇и’’нд̇и? сажаахам̣ бадигариссаамийд̇и, баб̣б̣ааж̇зд̇аб̣б̣о . сажаахам̣ на бадигариссаамийд̇и, на баб̣б̣ааж̇зд̇аб̣б̣о. баб̣б̣ааж̇зд̇ваа вад̇д̇аб̣б̣о – ‘‘бадигариссаси д̇ам̣ аабад̇д̇и’’нд̇и? сажаахам̣ бадигариссаамийд̇и, убасамбаад̣̇зд̇аб̣б̣о. сажаахам̣ на бадигариссаамийд̇и, на убасамбаад̣̇зд̇аб̣б̣о. убасамбаад̣̇зд̇ваа вад̇д̇аб̣б̣о – ‘‘бадигариссаси д̇ам̣ аабад̇д̇и’’нд̇и? сажаахам̣ бадигариссаамийд̇и, осаарзд̇аб̣б̣о. сажаахам̣ на бадигариссаамийд̇и, на осаарзд̇аб̣б̣о. осаарзд̇ваа вад̇д̇аб̣б̣о – ‘‘бадигарохи д̇ам̣ аабад̇д̇и’’нд̇и. сажз бадигарод̇и, ижжзд̇ам̣ гусалам̣. но жз бадигарод̇и лаб̣бхамаанааяа саамаг̇г̇ияаа буна угкибид̇аб̣б̣о. алаб̣бхамаанааяа саамаг̇г̇ияаа анаабад̇д̇и самбхог̇з сам̣ваасз.
Idha pana, bhikkhave, bhikkhu āpattiyā appaṭikamme ukkhittako vibbhamati. So puna paccāgantvā bhikkhū upasampadaṃ yācati. So evamassa vacanīyo – ‘‘paṭikarissasi taṃ āpatti’’nti? Sacāhaṃ paṭikarissāmīti, pabbājetabbo . Sacāhaṃ na paṭikarissāmīti, na pabbājetabbo. Pabbājetvā vattabbo – ‘‘paṭikarissasi taṃ āpatti’’nti? Sacāhaṃ paṭikarissāmīti, upasampādetabbo. Sacāhaṃ na paṭikarissāmīti, na upasampādetabbo. Upasampādetvā vattabbo – ‘‘paṭikarissasi taṃ āpatti’’nti? Sacāhaṃ paṭikarissāmīti, osāretabbo. Sacāhaṃ na paṭikarissāmīti, na osāretabbo. Osāretvā vattabbo – ‘‘paṭikarohi taṃ āpatti’’nti. Sace paṭikaroti, iccetaṃ kusalaṃ. No ce paṭikaroti labbhamānāya sāmaggiyā puna ukkhipitabbo. Alabbhamānāya sāmaggiyā anāpatti sambhoge saṃvāse.
ид̇ха бана, бхигкавз, бхигку баабигааяа д̣̇идтияаа аббадиниссаг̇г̇з угкид̇д̇аго виб̣бхамад̇и. со буна бажжааг̇анд̇ваа бхигкуу убасамбад̣̇ам̣ яаажад̇и. со звамасса важанийяо – ‘‘бадиниссаж̇ж̇иссаси д̇ам̣ баабигам̣ д̣̇идти’’нд̇и? сажаахам̣ бадиниссаж̇ж̇иссаамийд̇и, баб̣б̣ааж̇зд̇аб̣б̣о. сажаахам̣ на бадиниссаж̇ж̇иссаамийд̇и, на баб̣б̣ааж̇зд̇аб̣б̣о. баб̣б̣ааж̇зд̇ваа вад̇д̇аб̣б̣о – ‘‘бадиниссаж̇ж̇иссаси д̇ам̣ баабигам̣ д̣̇идти’’нд̇и? сажаахам̣ бадиниссаж̇ж̇иссаамийд̇и, убасамбаад̣̇зд̇аб̣б̣о. сажаахам̣ на бадиниссаж̇ж̇иссаамийд̇и, на убасамбаад̣̇зд̇аб̣б̣о. убасамбаад̣̇зд̇ваа вад̇д̇аб̣б̣о – ‘‘бадиниссаж̇ж̇иссаси д̇ам̣ баабигам̣ д̣̇идти’’нд̇и? сажаахам̣ бадиниссаж̇ж̇иссаамийд̇и, осаарзд̇аб̣б̣о. сажаахам̣ на бадиниссаж̇ж̇иссаамийд̇и, на осаарзд̇аб̣б̣о. осаарзд̇ваа вад̇д̇аб̣б̣о – ‘‘бадиниссаж̇ж̇зхи д̇ам̣ баабигам̣ д̣̇идти’’нд̇и. сажз бадиниссаж̇ж̇ад̇и, ижжзд̇ам̣ гусалам̣. но жз бадиниссаж̇ж̇ад̇и, лаб̣бхамаанааяа саамаг̇г̇ияаа буна угкибид̇аб̣б̣о. алаб̣бхамаанааяа саамаг̇г̇ияаа анаабад̇д̇и самбхог̇з сам̣ваасзд̇и.
Idha pana, bhikkhave, bhikkhu pāpikāya diṭṭhiyā appaṭinissagge ukkhittako vibbhamati. So puna paccāgantvā bhikkhū upasampadaṃ yācati. So evamassa vacanīyo – ‘‘paṭinissajjissasi taṃ pāpikaṃ diṭṭhi’’nti? Sacāhaṃ paṭinissajjissāmīti, pabbājetabbo. Sacāhaṃ na paṭinissajjissāmīti, na pabbājetabbo. Pabbājetvā vattabbo – ‘‘paṭinissajjissasi taṃ pāpikaṃ diṭṭhi’’nti? Sacāhaṃ paṭinissajjissāmīti, upasampādetabbo. Sacāhaṃ na paṭinissajjissāmīti, na upasampādetabbo. Upasampādetvā vattabbo – ‘‘paṭinissajjissasi taṃ pāpikaṃ diṭṭhi’’nti? Sacāhaṃ paṭinissajjissāmīti, osāretabbo. Sacāhaṃ na paṭinissajjissāmīti, na osāretabbo. Osāretvā vattabbo – ‘‘paṭinissajjehi taṃ pāpikaṃ diṭṭhi’’nti. Sace paṭinissajjati, iccetaṃ kusalaṃ. No ce paṭinissajjati, labbhamānāya sāmaggiyā puna ukkhipitabbo. Alabbhamānāya sāmaggiyā anāpatti sambhoge saṃvāseti.
махааканд̇хаго батамо.
Mahākhandhako paṭhamo.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / жад̇д̇аарониссаяаад̣̇игат̇аа • Cattāronissayādikathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / жад̇д̇аарониссаяаад̣̇игат̇ааван̣н̣анаа • Cattāronissayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / жад̇д̇аарониссаяаад̣̇игат̇ааван̣н̣анаа • Cattāronissayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жад̇д̇аарониссаяаад̣̇игат̇ааван̣н̣анаа • Cattāronissayādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 64. жад̇д̇аарониссаяаад̣̇игат̇аа • 64. Cattāronissayādikathā
