| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
6. аабад̇д̇ияаа аббадигаммз угкзбанийяагаммам̣
6. Āpattiyā appaṭikamme ukkhepanīyakammaṃ
56. д̇зна самаязна б̣уд̣̇д̇хо бхаг̇аваа госамб̣ияам̣ вихарад̇и гхосид̇аараамз. д̇зна ко бана самаязна ааяасмаа чанно аабад̇д̇им̣ аабаж̇ж̇ид̇ваа на ижчад̇и аабад̇д̇им̣ бадигаад̇ум̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа чанно аабад̇д̇им̣ аабаж̇ж̇ид̇ваа на ижчиссад̇и аабад̇д̇им̣ бадигаад̇у’’нд̇и? ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣.
56. Tena samayena buddho bhagavā kosambiyaṃ viharati ghositārāme. Tena kho pana samayena āyasmā channo āpattiṃ āpajjitvā na icchati āpattiṃ paṭikātuṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā channo āpattiṃ āpajjitvā na icchissati āpattiṃ paṭikātu’’nti? Atha kho te bhikkhū bhagavato etamatthaṃ ārocesuṃ.
ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа бхигкуу бадибужчи – ‘‘сажжам̣ гира, бхигкавз, чанно бхигку аабад̇д̇им̣ аабаж̇ж̇ид̇ваа на ижчад̇и аабад̇д̇им̣ бадигаад̇у’’нд̇и? ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣…бз… гат̇ан̃хи наама со, бхигкавз, могхабурисо аабад̇д̇им̣ аабаж̇ж̇ид̇ваа на ижчиссад̇и аабад̇д̇им̣ бадигаад̇ум̣. нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа…бз… д̇хаммим̣ гат̇ам̣ гад̇ваа бхигкуу ааманд̇зси – д̇зна хи, бхигкавз, сан̇гхо чаннасса бхигкуно, аабад̇д̇ияаа аббадигаммз, угкзбанийяагаммам̣ гарод̇у – асамбхог̇ам̣ сан̇гхзна. зван̃жа бана, бхигкавз, гаад̇аб̣б̣ам̣ – батамам̣ чанно бхигку жод̣̇зд̇аб̣б̣о, жод̣̇зд̇ваа саарзд̇аб̣б̣о, саарзд̇ваа аабад̇д̇им̣ ааробзд̇аб̣б̣о, аабад̇д̇им̣ ааробзд̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā bhikkhū paṭipucchi – ‘‘saccaṃ kira, bhikkhave, channo bhikkhu āpattiṃ āpajjitvā na icchati āpattiṃ paṭikātu’’nti? ‘‘Saccaṃ bhagavā’’ti. Vigarahi buddho bhagavā – ‘‘ananucchavikaṃ…pe… kathañhi nāma so, bhikkhave, moghapuriso āpattiṃ āpajjitvā na icchissati āpattiṃ paṭikātuṃ. Netaṃ, bhikkhave, appasannānaṃ vā pasādāya…pe… vigarahitvā…pe… dhammiṃ kathaṃ katvā bhikkhū āmantesi – tena hi, bhikkhave, saṅgho channassa bhikkhuno, āpattiyā appaṭikamme, ukkhepanīyakammaṃ karotu – asambhogaṃ saṅghena. Evañca pana, bhikkhave, kātabbaṃ – paṭhamaṃ channo bhikkhu codetabbo, codetvā sāretabbo, sāretvā āpattiṃ āropetabbo, āpattiṃ āropetvā byattena bhikkhunā paṭibalena saṅgho ñāpetabbo –
‘‘сун̣аад̇у мз, бханд̇з, сан̇гхо. аяам̣ чанно бхигку аабад̇д̇им̣ аабаж̇ж̇ид̇ваа на ижчад̇и аабад̇д̇им̣ бадигаад̇ум̣. яад̣̇и сан̇гхасса бад̇д̇агаллам̣, сан̇гхо чаннасса бхигкуно, аабад̇д̇ияаа аббадигаммз, угкзбанийяагаммам̣ гарзяяа – асамбхог̇ам̣ сан̇гхзна. зсаа н̃ад̇д̇и.
‘‘Suṇātu me, bhante, saṅgho. Ayaṃ channo bhikkhu āpattiṃ āpajjitvā na icchati āpattiṃ paṭikātuṃ. Yadi saṅghassa pattakallaṃ, saṅgho channassa bhikkhuno, āpattiyā appaṭikamme, ukkhepanīyakammaṃ kareyya – asambhogaṃ saṅghena. Esā ñatti.
‘‘сун̣аад̇у мз, бханд̇з, сан̇гхо. аяам̣ чанно бхигку аабад̇д̇им̣ аабаж̇ж̇ид̇ваа на ижчад̇и аабад̇д̇им̣ бадигаад̇ум̣. сан̇гхо чаннасса бхигкуно, аабад̇д̇ияаа аббадигаммз, угкзбанийяагаммам̣ гарод̇и – асамбхог̇ам̣ сан̇гхзна. яассааяасмад̇о камад̇и чаннасса бхигкуно, аабад̇д̇ияаа аббадигаммз, угкзбанийяасса гаммасса гаран̣ам̣ – асамбхог̇ам̣ сан̇гхзна, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Ayaṃ channo bhikkhu āpattiṃ āpajjitvā na icchati āpattiṃ paṭikātuṃ. Saṅgho channassa bhikkhuno, āpattiyā appaṭikamme, ukkhepanīyakammaṃ karoti – asambhogaṃ saṅghena. Yassāyasmato khamati channassa bhikkhuno, āpattiyā appaṭikamme, ukkhepanīyassa kammassa karaṇaṃ – asambhogaṃ saṅghena, so tuṇhassa; yassa nakkhamati, so bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами – сун̣аад̇у мз, бханд̇з, сан̇гхо. аяам̣ чанно бхигку аабад̇д̇им̣ аабаж̇ж̇ид̇ваа на ижчад̇и аабад̇д̇им̣ бадигаад̇ум̣. сан̇гхо чаннасса бхигкуно, аабад̇д̇ияаа аббадигаммз, угкзбанийяагаммам̣ гарод̇и – асамбхог̇ам̣ сан̇гхзна. яассааяасмад̇о камад̇и чаннасса бхигкуно, аабад̇д̇ияаа аббадигаммз, угкзбанийяасса гаммасса гаран̣ам̣ – асамбхог̇ам̣ сан̇гхзна, со д̇ун̣хасса; яасса нагкамад̇и, со бхаасзяяа.
‘‘Dutiyampi etamatthaṃ vadāmi…pe… tatiyampi etamatthaṃ vadāmi – suṇātu me, bhante, saṅgho. Ayaṃ channo bhikkhu āpattiṃ āpajjitvā na icchati āpattiṃ paṭikātuṃ. Saṅgho channassa bhikkhuno, āpattiyā appaṭikamme, ukkhepanīyakammaṃ karoti – asambhogaṃ saṅghena. Yassāyasmato khamati channassa bhikkhuno, āpattiyā appaṭikamme, ukkhepanīyassa kammassa karaṇaṃ – asambhogaṃ saṅghena, so tuṇhassa; yassa nakkhamati, so bhāseyya.
‘‘гад̇ам̣ сан̇гхзна чаннасса бхигкуно, аабад̇д̇ияаа аббадигаммз, угкзбанийяагаммам̣ – асамбхог̇ам̣ сан̇гхзна. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамийд̇и.
‘‘Kataṃ saṅghena channassa bhikkhuno, āpattiyā appaṭikamme, ukkhepanīyakammaṃ – asambhogaṃ saṅghena. Khamati saṅghassa, tasmā tuṇhī, evametaṃ dhārayāmīti.
Footnotes:
