| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
(12) 2. ஆபாயிகவக்³கோ³
(12) 2. Āpāyikavaggo
1. ஆபாயிகஸுத்தவண்ணனா
1. Āpāyikasuttavaṇṇanā
114. து³தியஸ்ஸ பட²மே அபாயேஸு நிப்³ப³த்தனஸீலதாய அபாயூபகா³ ஆபாயிகாதி ஆஹ ‘‘அபாயங் க³ச்சி²ஸ்ஸந்தீதி ஆபாயிகா’’தி. அஞ்ஞே ப்³ரஹ்மசாரினோ ஸுனிவத்தே² ஸுபாருதே ஸும்ப⁴கபத்தத⁴ரே கா³மனிக³மராஜதா⁴னீஸு பிண்டா³ய சரித்வா ஜீவிகங் கப்பெந்தே தி³ஸ்வா ஸயம்பி தாதி³ஸேன ஆகாரேன ததா²படிபஜ்ஜனதோ ‘‘அஹங் ப்³ரஹ்மசாரீ’’தி படிஞ்ஞங் தெ³ந்தோ விய ஹோதீதி ஆஹ ‘‘ப்³ரஹ்மசாரிபடிஞ்ஞோதி ப்³ரஹ்மசாரிபடிரூபகோ’’தி. ‘‘அஹம்பி பி⁴க்கூ²’’தி வத்வா உபோஸத²ங்கா³தீ³னி பவிஸந்தோ பன ப்³ரஹ்மசாரிபடிஞ்ஞோ ஹோதியேவ, ததா² ஸங்கி⁴கங் லாப⁴ங் க³ண்ஹந்தோ. தேனாஹ ‘‘தேஸங் வா…பே॰… ஏவங்படிஞ்ஞோ’’தி. அக்கோஸதீதி ‘‘அஸ்ஸமணோஸி, ஸமணபடிஞ்ஞோஸீ’’திஆதி³னா அக்கோஸதி. பரிபா⁴ஸதீதி ‘‘ஸோ த்வங் ‘ஹோது, முண்ட³கஸமணோ அஹ’ந்தி மஞ்ஞஸி, இதா³னி தே அஸ்ஸமணபா⁴வங் ஆரோபெஸ்ஸாமீ’’திஆதி³னா வத³ந்தோ பரிபா⁴ஸதி.
114. Dutiyassa paṭhame apāyesu nibbattanasīlatāya apāyūpagā āpāyikāti āha ‘‘apāyaṃ gacchissantīti āpāyikā’’ti. Aññe brahmacārino sunivatthe supārute sumbhakapattadhare gāmanigamarājadhānīsu piṇḍāya caritvā jīvikaṃ kappente disvā sayampi tādisena ākārena tathāpaṭipajjanato ‘‘ahaṃ brahmacārī’’ti paṭiññaṃ dento viya hotīti āha ‘‘brahmacāripaṭiññoti brahmacāripaṭirūpako’’ti. ‘‘Ahampi bhikkhū’’ti vatvā uposathaṅgādīni pavisanto pana brahmacāripaṭiñño hotiyeva, tathā saṅghikaṃ lābhaṃ gaṇhanto. Tenāha ‘‘tesaṃ vā…pe… evaṃpaṭiñño’’ti. Akkosatīti ‘‘assamaṇosi, samaṇapaṭiññosī’’tiādinā akkosati. Paribhāsatīti ‘‘so tvaṃ ‘hotu, muṇḍakasamaṇo aha’nti maññasi, idāni te assamaṇabhāvaṃ āropessāmī’’tiādinā vadanto paribhāsati.
கிலேஸகாமோபி அஸ்ஸாதி³யமானோ வத்து²காமந்தோக³தோ⁴யேவ, கிலேஸகாமவஸேன ச தேஸங் அஸ்ஸாத³னங் ஸியாதி ஆஹ ‘‘கிலேஸகாமேன வத்து²காமே ஸேவந்தஸ்ஸா’’தி. கிலேஸகாமேனாதி கரணத்தே² கரணவசனங். நத்தி² தோ³ஸோதி அஸ்ஸாதெ³த்வா விஸயபரிபோ⁴கே³ நத்தி² ஆதீ³னவோ, தப்பச்சயா ந கோசி அந்தராயோதி அதி⁴ப்பாயோ. பாதப்³ப³தங் ஆபஜ்ஜதீதி பரிபு⁴ஞ்ஜனகதங் உபக³ச்ச²தி. பரிபோ⁴க³த்தோ² ஹி அயங் பா-ஸத்³தோ³, கத்துஸாத⁴னோ ச தப்³ப³-ஸத்³தோ³, யதா²ருசி பரிபு⁴ஞ்ஜதீதி அத்தோ². பிவிதப்³ப³தங் பரிபு⁴ஞ்ஜிதப்³ப³தந்தி எத்தா²பி கத்துவஸேனேவ அத்தோ² வேதி³தப்³போ³.
Kilesakāmopi assādiyamāno vatthukāmantogadhoyeva, kilesakāmavasena ca tesaṃ assādanaṃ siyāti āha ‘‘kilesakāmena vatthukāme sevantassā’’ti. Kilesakāmenāti karaṇatthe karaṇavacanaṃ. Natthi dosoti assādetvā visayaparibhoge natthi ādīnavo, tappaccayā na koci antarāyoti adhippāyo. Pātabbataṃ āpajjatīti paribhuñjanakataṃ upagacchati. Paribhogattho hi ayaṃ pā-saddo, kattusādhano ca tabba-saddo, yathāruci paribhuñjatīti attho. Pivitabbataṃ paribhuñjitabbatanti etthāpi kattuvaseneva attho veditabbo.
ஆபாயிகஸுத்தவண்ணனா நிட்டி²தா.
Āpāyikasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. ஆபாயிகஸுத்தங் • 1. Āpāyikasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 1. ஆபாயிகஸுத்தவண்ணனா • 1. Āpāyikasuttavaṇṇanā
