| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
11. аабааяигасуд̇д̇аван̣н̣анаа
11. Āpāyikasuttavaṇṇanā
48. згаад̣̇асамз аабааяигаад̇и абааяз ниб̣б̣ад̇д̇иссанд̇ийд̇и аабааяигаа. д̇ад̇т̇ааби нираяз ниб̣б̣ад̇д̇иссанд̇ийд̇и нзраяигаа. ид̣̇амаббахааяаад̇и ид̣̇ам̣ ид̣̇аани вагкамаанам̣ д̣̇увид̇хам̣ баабасамаажаарам̣ аббаж̇ахид̇ваа, д̇ат̇аабадибад̇д̇ид̇ат̇аабаг̇г̇ахан̣авасзна бавад̇д̇ам̣ ваажам̣ жид̇д̇ам̣ д̣̇идтин̃жа аббадиниссаж̇ж̇ид̇ваад̇и ад̇т̇о. аб̣рахмажаарийд̇и б̣рахмасздтам̣ жарад̇ийд̇и б̣рахмажаарий, б̣рахмаа ваа сздто аажааро зд̇асса ад̇т̇ийд̇и б̣рахмажаарий, на б̣рахмажаарийд̇и аб̣рахмажаарий, б̣рахмажаарибадируубаго д̣̇уссийлод̇и ад̇т̇о. б̣рахмажаарибадин̃н̃од̇и ‘‘б̣рахмажаарий аха’’нд̇и звам̣бадин̃н̃о. барибун̣н̣анд̇и акан̣д̣аад̣̇ибхаавзна авигалам̣. барисуд̣̇д̇ханд̇и убаггилзсаабхаавзна барисуд̣̇д̇хам̣. амуулагзнаад̇и д̣̇идтаад̣̇имуулавирахид̇зна, д̣̇идтам̣ суд̇ам̣ барисан̇гид̇анд̇и имзхи жод̣̇анаамуулзхи важ̇ж̇ид̇зна. аб̣рахмажариязна асздтажариязна. ануд̣̇д̇хам̣сзд̇ийд̇и ‘‘барисуд̣̇д̇хо аяа’’нд̇и ж̇аананд̇ова баарааж̇игавад̇т̇унаа д̇хам̣сзд̇и бад̇хам̣сзд̇и, жод̣̇зд̇и аггосад̇и ваа.
48. Ekādasame āpāyikāti apāye nibbattissantīti āpāyikā. Tatthāpi niraye nibbattissantīti nerayikā. Idamappahāyāti idaṃ idāni vakkhamānaṃ duvidhaṃ pāpasamācāraṃ appajahitvā, tathāpaṭipattitathāpaggahaṇavasena pavattaṃ vācaṃ cittaṃ diṭṭhiñca appaṭinissajjitvāti attho. Abrahmacārīti brahmaseṭṭhaṃ caratīti brahmacārī, brahmā vā seṭṭho ācāro etassa atthīti brahmacārī, na brahmacārīti abrahmacārī, brahmacāripaṭirūpako dussīloti attho. Brahmacāripaṭiññoti ‘‘brahmacārī aha’’nti evaṃpaṭiñño. Paripuṇṇanti akhaṇḍādibhāvena avikalaṃ. Parisuddhanti upakkilesābhāvena parisuddhaṃ. Amūlakenāti diṭṭhādimūlavirahitena, diṭṭhaṃ sutaṃ parisaṅkitanti imehi codanāmūlehi vajjitena. Abrahmacariyena aseṭṭhacariyena. Anuddhaṃsetīti ‘‘parisuddho aya’’nti jānantova pārājikavatthunā dhaṃseti padhaṃseti, codeti akkosati vā.
г̇аат̇аасу абхууд̇аваад̣̇ийд̇и барасса д̣̇осам̣ ад̣̇исваава абхууд̇зна д̇ужчзна мусааваад̣̇ам̣ гад̇ваа барам̣ аб̣бхаажигканд̇о. гад̇ваад̇и яо ваа бана баабагаммам̣ гад̇ваа ‘‘наахам̣ зд̇ам̣ гаромий’’д̇и ааха. убхоби д̇з бзжжа самаа бхаванд̇ийд̇и д̇з убхоби ж̇анаа ид̇о баралогам̣ г̇анд̇ваа нираяам̣ убаг̇аманад̇о г̇ад̇ияаа самаанаа бхаванд̇и. д̇ад̇т̇а г̇ад̇иязва нзсам̣ барижчиннаа, на бана ааяу. б̣ахун̃хи баабам̣ гад̇ваа жирам̣ нираяз бажжад̇и, барид̇д̇ам̣ гад̇ваа аббамад̇д̇агамзва гаалам̣. яасмаа бана д̇зсам̣ убхиннамби гаммам̣ лаамагамзва. д̇зна вуд̇д̇ам̣ ‘‘нихийнагаммаа мануж̇аа барад̇т̇аа’’д̇и. ‘‘барад̇т̇аа’’д̇и бана бад̣̇асса бурад̇о ‘‘бзжжаа’’д̇и бад̣̇зна самб̣анд̇хо – барад̇т̇а бзжжа ид̇о г̇анд̇ваа д̇з нихийнагаммаа самаа бхаванд̇ийд̇и.
Gāthāsu abhūtavādīti parassa dosaṃ adisvāva abhūtena tucchena musāvādaṃ katvā paraṃ abbhācikkhanto. Katvāti yo vā pana pāpakammaṃ katvā ‘‘nāhaṃ etaṃ karomī’’ti āha. Ubhopi te pecca samā bhavantīti te ubhopi janā ito paralokaṃ gantvā nirayaṃ upagamanato gatiyā samānā bhavanti. Tattha gatiyeva nesaṃ paricchinnā, na pana āyu. Bahuñhi pāpaṃ katvā ciraṃ niraye paccati, parittaṃ katvā appamattakameva kālaṃ. Yasmā pana tesaṃ ubhinnampi kammaṃ lāmakameva. Tena vuttaṃ ‘‘nihīnakammā manujā paratthā’’ti. ‘‘Paratthā’’ti pana padassa purato ‘‘peccā’’ti padena sambandho – parattha pecca ito gantvā te nihīnakammā samā bhavantīti.
звам̣ бхаг̇аваа абхууд̇аб̣бхагкаанавасзна бхууд̇ад̣̇осабадижчаад̣̇анавасзна жа бавад̇д̇асса мусааваад̣̇асса вибаагам̣ д̣̇ассзд̇ваа ид̣̇аани д̇асмим̣ таанз нисиннаанам̣ б̣ахуунам̣ баабабхигкуунам̣ д̣̇ужжарид̇агаммасса вибаагад̣̇ассанзна сам̣взж̇анад̇т̇ам̣ д̣̇вз г̇аат̇аа абхааси. д̇ад̇т̇а гаасааваган̣таад̇и гасааварасабийд̇ад̇д̇аа гаасаавзна вад̇т̇зна баливзтид̇аган̣таа. баабад̇хаммаад̇и лаамагад̇хаммаа. асан̃н̃ад̇аад̇и гааяаад̣̇ийхи сан̃н̃амарахид̇аа. баабаад̇и д̇ат̇ааруубаа баабабуг̇г̇алаа, баабзхи гаммзхи убабаж̇ж̇ид̇ваа ‘‘д̇асса гааяоби аад̣̇ид̇д̇о самбаж̇ж̇алид̇о саж̇од̇ибхууд̇о, сан̇гхаадиби аад̣̇ид̇д̇аа’’д̇иаад̣̇инаа (сам̣. ни. 2.218-219; баараа. 230) лагкан̣асам̣яуд̇д̇з вуд̇д̇анаязна махаад̣̇угкам̣ анубхаванд̇иязва.
Evaṃ bhagavā abhūtabbhakkhānavasena bhūtadosapaṭicchādanavasena ca pavattassa musāvādassa vipākaṃ dassetvā idāni tasmiṃ ṭhāne nisinnānaṃ bahūnaṃ pāpabhikkhūnaṃ duccaritakammassa vipākadassanena saṃvejanatthaṃ dve gāthā abhāsi. Tattha kāsāvakaṇṭhāti kasāvarasapītattā kāsāvena vatthena paliveṭhitakaṇṭhā. Pāpadhammāti lāmakadhammā. Asaññatāti kāyādīhi saññamarahitā. Pāpāti tathārūpā pāpapuggalā, pāpehi kammehi upapajjitvā ‘‘tassa kāyopi āditto sampajjalito sajotibhūto, saṅghāṭipi ādittā’’tiādinā (saṃ. ni. 2.218-219; pārā. 230) lakkhaṇasaṃyutte vuttanayena mahādukkhaṃ anubhavantiyeva.
д̇ад̇ияаг̇аат̇ааяа аяам̣ сан̇кзбад̇т̇о – яан̃жз бхун̃ж̇зяяа д̣̇уссийло ниссийлабуг̇г̇ало гааяаад̣̇ийхи асан̃н̃ад̇о радтаваасийхи сад̣̇д̇хааяа д̣̇иннам̣ яам̣ радтабин̣д̣ам̣ ‘‘саман̣омхий’’д̇и бадиж̇аананд̇о г̇ахзд̇ваа бхун̃ж̇зяяа, д̇ад̇о аад̣̇ид̇д̇о аг̇г̇иван̣н̣о аяог̇ул̣ова бхуд̇д̇о сзяяо сунд̣̇арад̇аро. гим̣гааран̣аа? д̇аббажжаяаа хисса згова ад̇д̇абхааво жхааязяяа, д̣̇уссийло бана худ̇ваа сад̣̇д̇хаад̣̇зяяам̣ бхун̃ж̇ид̇ваа анзгааниби ж̇аад̇исад̇аани нираяз уббаж̇ж̇зяяаад̇и.
Tatiyagāthāya ayaṃ saṅkhepattho – yañce bhuñjeyya dussīlo nissīlapuggalo kāyādīhi asaññato raṭṭhavāsīhi saddhāya dinnaṃ yaṃ raṭṭhapiṇḍaṃ ‘‘samaṇomhī’’ti paṭijānanto gahetvā bhuñjeyya, tato āditto aggivaṇṇo ayoguḷova bhutto seyyo sundarataro. Kiṃkāraṇā? Tappaccayā hissa ekova attabhāvo jhāyeyya, dussīlo pana hutvā saddhādeyyaṃ bhuñjitvā anekānipi jātisatāni niraye uppajjeyyāti.
згаад̣̇асамасуд̇д̇аван̣н̣анаа нидтид̇аа.
Ekādasamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 11. аабааяигасуд̇д̇ам̣ • 11. Āpāyikasuttaṃ
