| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
(១២) ២. អាបាយិកវគ្គោ
(12) 2. Āpāyikavaggo
១. អាបាយិកសុត្តវណ្ណនា
1. Āpāyikasuttavaṇṇanā
១១៤. ទុតិយស្ស បឋមេ អបាយំ គច្ឆិស្សន្តីតិ អាបាយិកា។ និរយំ គច្ឆិស្សន្តីតិ នេរយិកា។ ឥទមប្បហាយាតិ ឥទំ ព្រហ្មចារិបដិញ្ញតាទិំ បាបធម្មត្តយំ អវិជហិត្វា។ ព្រហ្មចារិបដិញ្ញោតិ ព្រហ្មចារិបដិរូបកោ, តេសំ វា អាកប្បំ អវិជហនេន ‘‘អហម្បិ ព្រហ្មចារី’’តិ ឯវំបដិញ្ញោ។ អនុទ្ធំសេតីតិ អក្កោសតិ បរិភាសតិ ចោទេតិ។ នត្ថិ កាមេសុ ទោសោតិ កិលេសកាមេន វត្ថុកាមេ សេវន្តស្ស នត្ថិ ទោសោ។ បាតព្យតន្តិ បិវិតព្ពតំ បរិភុញ្ជិតព្ពតំ និរាសង្កេន ចិត្តេន បិបាសិតស្ស បានីយបិវនសទិសំ បរិភុញ្ជិតព្ពតំ។ ឥមស្មិំ សុត្តេ វដ្ដមេវ កថិតំ។
114. Dutiyassa paṭhame apāyaṃ gacchissantīti āpāyikā. Nirayaṃ gacchissantīti nerayikā. Idamappahāyāti idaṃ brahmacāripaṭiññatādiṃ pāpadhammattayaṃ avijahitvā. Brahmacāripaṭiññoti brahmacāripaṭirūpako, tesaṃ vā ākappaṃ avijahanena ‘‘ahampi brahmacārī’’ti evaṃpaṭiñño. Anuddhaṃsetīti akkosati paribhāsati codeti. Natthi kāmesu dosoti kilesakāmena vatthukāme sevantassa natthi doso. Pātabyatanti pivitabbataṃ paribhuñjitabbataṃ nirāsaṅkena cittena pipāsitassa pānīyapivanasadisaṃ paribhuñjitabbataṃ. Imasmiṃ sutte vaṭṭameva kathitaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១. អាបាយិកសុត្តំ • 1. Āpāyikasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១. អាបាយិកសុត្តវណ្ណនា • 1. Āpāyikasuttavaṇṇanā
