| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
(12) 2. ආපායිකවග්‌ගො
(12) 2. Āpāyikavaggo
1. ආපායිකසුත්‌තවණ්‌ණනා
1. Āpāyikasuttavaṇṇanā
114. දුතියස්‌ස පඨමෙ අපායං ගච්‌ඡිස්‌සන්‌තීති ආපායිකා. නිරයං ගච්‌ඡිස්‌සන්‌තීති නෙරයිකා. ඉදමප්‌පහායාති ඉදං බ්‍රහ්‌මචාරිපටිඤ්‌ඤතාදිං පාපධම්‌මත්‌තයං අවිජහිත්‌වා. බ්‍රහ්‌මචාරිපටිඤ්‌ඤොති බ්‍රහ්‌මචාරිපටිරූපකො, තෙසං වා ආකප්‌පං අවිජහනෙන ‘‘අහම්‌පි බ්‍රහ්‌මචාරී’’ති එවංපටිඤ්‌ඤො. අනුද්‌ධංසෙතීති අක්‌කොසති පරිභාසති චොදෙති. නත්‌ථි කාමෙසු දොසොති කිලෙසකාමෙන වත්‌ථුකාමෙ සෙවන්‌තස්‌ස නත්‌ථි දොසො. පාතබ්‍යතන්‌ති පිවිතබ්‌බතං පරිභුඤ්‌ජිතබ්‌බතං නිරාසඞ්‌කෙන චිත්‌තෙන පිපාසිතස්‌ස පානීයපිවනසදිසං පරිභුඤ්‌ජිතබ්‌බතං. ඉමස්‌මිං සුත්‌තෙ වට්‌ටමෙව කථිතං.
114. Dutiyassa paṭhame apāyaṃ gacchissantīti āpāyikā. Nirayaṃ gacchissantīti nerayikā. Idamappahāyāti idaṃ brahmacāripaṭiññatādiṃ pāpadhammattayaṃ avijahitvā. Brahmacāripaṭiññoti brahmacāripaṭirūpako, tesaṃ vā ākappaṃ avijahanena ‘‘ahampi brahmacārī’’ti evaṃpaṭiñño. Anuddhaṃsetīti akkosati paribhāsati codeti. Natthi kāmesu dosoti kilesakāmena vatthukāme sevantassa natthi doso. Pātabyatanti pivitabbataṃ paribhuñjitabbataṃ nirāsaṅkena cittena pipāsitassa pānīyapivanasadisaṃ paribhuñjitabbataṃ. Imasmiṃ sutte vaṭṭameva kathitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. ආපායිකසුත්‌තං • 1. Āpāyikasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1. ආපායිකසුත්‌තවණ්‌ණනා • 1. Āpāyikasuttavaṇṇanā
