| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
(੧੨) ੨. ਆਪਾਯਿਕવਗ੍ਗੋ
(12) 2. Āpāyikavaggo
੧. ਆਪਾਯਿਕਸੁਤ੍ਤવਣ੍ਣਨਾ
1. Āpāyikasuttavaṇṇanā
੧੧੪. ਦੁਤਿਯਸ੍ਸ ਪਠਮੇ ਅਪਾਯੇਸੁ ਨਿਬ੍ਬਤ੍ਤਨਸੀਲਤਾਯ ਅਪਾਯੂਪਗਾ ਆਪਾਯਿਕਾਤਿ ਆਹ ‘‘ਅਪਾਯਂ ਗਚ੍ਛਿਸ੍ਸਨ੍ਤੀਤਿ ਆਪਾਯਿਕਾ’’ਤਿ। ਅਞ੍ਞੇ ਬ੍ਰਹ੍ਮਚਾਰਿਨੋ ਸੁਨਿવਤ੍ਥੇ ਸੁਪਾਰੁਤੇ ਸੁਮ੍ਭਕਪਤ੍ਤਧਰੇ ਗਾਮਨਿਗਮਰਾਜਧਾਨੀਸੁ ਪਿਣ੍ਡਾਯ ਚਰਿਤ੍વਾ ਜੀવਿਕਂ ਕਪ੍ਪੇਨ੍ਤੇ ਦਿਸ੍વਾ ਸਯਮ੍ਪਿ ਤਾਦਿਸੇਨ ਆਕਾਰੇਨ ਤਥਾਪਟਿਪਜ੍ਜਨਤੋ ‘‘ਅਹਂ ਬ੍ਰਹ੍ਮਚਾਰੀ’’ਤਿ ਪਟਿਞ੍ਞਂ ਦੇਨ੍ਤੋ વਿਯ ਹੋਤੀਤਿ ਆਹ ‘‘ਬ੍ਰਹ੍ਮਚਾਰਿਪਟਿਞ੍ਞੋਤਿ ਬ੍ਰਹ੍ਮਚਾਰਿਪਟਿਰੂਪਕੋ’’ਤਿ। ‘‘ਅਹਮ੍ਪਿ ਭਿਕ੍ਖੂ’’ਤਿ વਤ੍વਾ ਉਪੋਸਥਙ੍ਗਾਦੀਨਿ ਪવਿਸਨ੍ਤੋ ਪਨ ਬ੍ਰਹ੍ਮਚਾਰਿਪਟਿਞ੍ਞੋ ਹੋਤਿਯੇવ, ਤਥਾ ਸਙ੍ਘਿਕਂ ਲਾਭਂ ਗਣ੍ਹਨ੍ਤੋ। ਤੇਨਾਹ ‘‘ਤੇਸਂ વਾ…ਪੇ॰… ਏવਂਪਟਿਞ੍ਞੋ’’ਤਿ। ਅਕ੍ਕੋਸਤੀਤਿ ‘‘ਅਸ੍ਸਮਣੋਸਿ, ਸਮਣਪਟਿਞ੍ਞੋਸੀ’’ਤਿਆਦਿਨਾ ਅਕ੍ਕੋਸਤਿ। ਪਰਿਭਾਸਤੀਤਿ ‘‘ਸੋ ਤ੍વਂ ‘ਹੋਤੁ, ਮੁਣ੍ਡਕਸਮਣੋ ਅਹ’ਨ੍ਤਿ ਮਞ੍ਞਸਿ, ਇਦਾਨਿ ਤੇ ਅਸ੍ਸਮਣਭਾવਂ ਆਰੋਪੇਸ੍ਸਾਮੀ’’ਤਿਆਦਿਨਾ વਦਨ੍ਤੋ ਪਰਿਭਾਸਤਿ।
114. Dutiyassa paṭhame apāyesu nibbattanasīlatāya apāyūpagā āpāyikāti āha ‘‘apāyaṃ gacchissantīti āpāyikā’’ti. Aññe brahmacārino sunivatthe supārute sumbhakapattadhare gāmanigamarājadhānīsu piṇḍāya caritvā jīvikaṃ kappente disvā sayampi tādisena ākārena tathāpaṭipajjanato ‘‘ahaṃ brahmacārī’’ti paṭiññaṃ dento viya hotīti āha ‘‘brahmacāripaṭiññoti brahmacāripaṭirūpako’’ti. ‘‘Ahampi bhikkhū’’ti vatvā uposathaṅgādīni pavisanto pana brahmacāripaṭiñño hotiyeva, tathā saṅghikaṃ lābhaṃ gaṇhanto. Tenāha ‘‘tesaṃ vā…pe… evaṃpaṭiñño’’ti. Akkosatīti ‘‘assamaṇosi, samaṇapaṭiññosī’’tiādinā akkosati. Paribhāsatīti ‘‘so tvaṃ ‘hotu, muṇḍakasamaṇo aha’nti maññasi, idāni te assamaṇabhāvaṃ āropessāmī’’tiādinā vadanto paribhāsati.
ਕਿਲੇਸਕਾਮੋਪਿ ਅਸ੍ਸਾਦਿਯਮਾਨੋ વਤ੍ਥੁਕਾਮਨ੍ਤੋਗਧੋਯੇવ, ਕਿਲੇਸਕਾਮવਸੇਨ ਚ ਤੇਸਂ ਅਸ੍ਸਾਦਨਂ ਸਿਯਾਤਿ ਆਹ ‘‘ਕਿਲੇਸਕਾਮੇਨ વਤ੍ਥੁਕਾਮੇ ਸੇવਨ੍ਤਸ੍ਸਾ’’ਤਿ। ਕਿਲੇਸਕਾਮੇਨਾਤਿ ਕਰਣਤ੍ਥੇ ਕਰਣવਚਨਂ। ਨਤ੍ਥਿ ਦੋਸੋਤਿ ਅਸ੍ਸਾਦੇਤ੍વਾ વਿਸਯਪਰਿਭੋਗੇ ਨਤ੍ਥਿ ਆਦੀਨવੋ, ਤਪ੍ਪਚ੍ਚਯਾ ਨ ਕੋਚਿ ਅਨ੍ਤਰਾਯੋਤਿ ਅਧਿਪ੍ਪਾਯੋ। ਪਾਤਬ੍ਬਤਂ ਆਪਜ੍ਜਤੀਤਿ ਪਰਿਭੁਞ੍ਜਨਕਤਂ ਉਪਗਚ੍ਛਤਿ। ਪਰਿਭੋਗਤ੍ਥੋ ਹਿ ਅਯਂ ਪਾ-ਸਦ੍ਦੋ, ਕਤ੍ਤੁਸਾਧਨੋ ਚ ਤਬ੍ਬ-ਸਦ੍ਦੋ, ਯਥਾਰੁਚਿ ਪਰਿਭੁਞ੍ਜਤੀਤਿ ਅਤ੍ਥੋ। ਪਿવਿਤਬ੍ਬਤਂ ਪਰਿਭੁਞ੍ਜਿਤਬ੍ਬਤਨ੍ਤਿ ਏਤ੍ਥਾਪਿ ਕਤ੍ਤੁવਸੇਨੇવ ਅਤ੍ਥੋ વੇਦਿਤਬ੍ਬੋ।
Kilesakāmopi assādiyamāno vatthukāmantogadhoyeva, kilesakāmavasena ca tesaṃ assādanaṃ siyāti āha ‘‘kilesakāmena vatthukāme sevantassā’’ti. Kilesakāmenāti karaṇatthe karaṇavacanaṃ. Natthi dosoti assādetvā visayaparibhoge natthi ādīnavo, tappaccayā na koci antarāyoti adhippāyo. Pātabbataṃ āpajjatīti paribhuñjanakataṃ upagacchati. Paribhogattho hi ayaṃ pā-saddo, kattusādhano ca tabba-saddo, yathāruci paribhuñjatīti attho. Pivitabbataṃ paribhuñjitabbatanti etthāpi kattuvaseneva attho veditabbo.
ਆਪਾਯਿਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Āpāyikasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਆਪਾਯਿਕਸੁਤ੍ਤਂ • 1. Āpāyikasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧. ਆਪਾਯਿਕਸੁਤ੍ਤવਣ੍ਣਨਾ • 1. Āpāyikasuttavaṇṇanā
