| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
4. бавааран̣аагканд̇хагам̣
4. Pavāraṇākkhandhakaṃ
120. апаасугавихаарагат̇аа
120. Aphāsukavihārakathā
209. бавааран̣аагканд̇хагз аллаабод̇и зд̇т̇а аад̇яуубасаг̇г̇асса аад̣̇игаммад̇т̇ам̣, лабад̇хаад̇уяаа жа гат̇анад̇т̇ам̣ д̣̇ассзнд̇о ааха ‘‘батамаважана’’нд̇и. аад̣̇ид̇о, аад̣̇имхи ваа лабанам̣ гат̇анам̣, лабад̇и анзнаад̇и ваа аллаабо сам̣яог̇з барз рассо. сам̣ буна лабанам̣, лабад̇и ваа анзнаад̇и саллаабо. хад̇т̇авилан̇гхагзнаад̇и зд̇т̇а вибуб̣б̣о лагхид̇хаад̇у угкибанад̇т̇од̇и ааха ‘‘хад̇т̇угкзбагзнаа’’д̇и. басусам̣ваасанд̇и зд̇т̇а басууд̇и саб̣б̣ажад̇уббад̣̇аа. д̇з хи ан̃н̃аман̃н̃ам̣ басанд̇и б̣аад̇ханд̇и, мануссаад̣̇ийхи ваа басийяанд̇и б̣аад̇хийяанд̇ийд̇и басавод̇и вужжанд̇и. басуунам̣ вияа сам̣ваасанд̇и басуунам̣ сам̣ваасо вияа сам̣ваасод̇и басусам̣ваасо, д̇ам̣ басусам̣ваасам̣. д̇амад̇т̇ам̣ вид̇т̇аарзнд̇о ааха ‘‘басавоби хий’’д̇иаад̣̇и. д̇ат̇аад̇и яат̇аа на гаронд̇и, д̇ат̇аад̇и ад̇т̇о. зд̇збийд̇и бхигкавоби. д̇асмаад̇и яасмаа агам̣су, д̇асмаа. нзсанд̇и бхигкуунам̣. саб̣б̣ад̇т̇аад̇и саб̣б̣зсу зл̣агасам̣ваасасабад̇д̇асам̣ваасзсу. мууг̇аб̣б̣ад̇анд̇и мууг̇асса вад̇ам̣ вияа вад̇анд̇и мууг̇аб̣б̣ад̇ам̣, сун̃н̃аважанавад̇анд̇и ад̇т̇о. д̇ид̇т̇ияасамаад̣̇аананд̇и д̇ид̇т̇иязхи самаад̣̇аад̇аб̣б̣ам̣. вад̇асамаад̣̇аананд̇и самаад̣̇аад̇аб̣б̣ам̣ вад̇ам̣. ан̃н̃аман̃н̃аануломад̇аад̇и зд̇т̇а д̇аасад̣̇д̣̇асса бхаавад̇т̇ам̣ д̣̇ассзнд̇о ааха ‘‘ануломабхааво’’д̇и. иминаа ‘‘д̣̇звад̇аа’’д̇иаад̣̇ийсу (сам̣. ни. адта. 1.1.1; ку. баа. адта. 5.звамижжаад̣̇ибаатаван̣н̣анаа; су. ни. адта. 2.ан̇г̇аласуд̇д̇аван̣н̣анаа) вияа д̇аабажжаяасса свад̇т̇ам̣ ‘‘ж̇анад̇аа’’д̇иаад̣̇ийсу (бз. ва. адта. 460) вияа самуухад̇т̇ан̃жа нивад̇д̇зд̇и. ‘‘ан̃н̃аман̃н̃ам̣ вад̇д̇у’’нд̇и важанасса яуд̇д̇им̣ д̣̇ассзнд̇о ааха ‘‘вад̣̇анд̇у ма’’нд̇иаад̣̇и. вад̣̇анд̇ам̣ бхигкум̣ вад̇д̇унд̇и яож̇анаа. ‘‘аабад̇д̇ийхи вудтаанабхааво’’д̇и иминаа аабад̇д̇ивудтаанад̇аад̇и бад̣̇асса бан̃жамийсамаасан̃жа д̇аабажжаяасса бхаавад̇т̇ан̃жа д̣̇ассзд̇и. ‘‘винаяа’’нд̇иаад̣̇инаа бурад̇о гад̇ваа гаран̣ам̣ бурзгкааро, д̇асса бхааво бурзгкаарад̇аа, винаяам̣ бурзгкаарад̇аа винаяабурзгкаарад̇аад̇и важанад̇т̇ам̣ д̣̇ассзд̇и. зд̇т̇а бурасад̣̇д̣̇асса згаарад̇д̇ам̣ сад̣̇д̣̇асад̇т̇зсу (мог̇г̇аллаанаб̣яаагаран̣з 5.134 суд̇д̇з) вад̣̇анд̇и. д̇асса яуд̇д̇им̣ д̣̇ассзнд̇о ааха ‘‘вад̣̇анд̇ума’’нд̇иаад̣̇и (мог̇г̇аллаанаб̣яаагаран̣з 5.134 суд̇д̇з).
209. Pavāraṇākkhandhake allāpoti ettha ātyūpasaggassa ādikammatthaṃ, lapadhātuyā ca kathanatthaṃ dassento āha ‘‘paṭhamavacana’’nti. Ādito, ādimhi vā lapanaṃ kathanaṃ, lapati anenāti vā allāpo saṃyoge pare rasso. Saṃ puna lapanaṃ, lapati vā anenāti sallāpo. Hatthavilaṅghakenāti ettha vipubbo laghidhātu ukkhipanatthoti āha ‘‘hatthukkhepakenā’’ti. Pasusaṃvāsanti ettha pasūti sabbacatuppadā. Te hi aññamaññaṃ pasanti bādhanti, manussādīhi vā pasīyanti bādhīyantīti pasavoti vuccanti. Pasūnaṃ viya saṃvāsanti pasūnaṃ saṃvāso viya saṃvāsoti pasusaṃvāso, taṃ pasusaṃvāsaṃ. Tamatthaṃ vitthārento āha ‘‘pasavopi hī’’tiādi. Tathāti yathā na karonti, tathāti attho. Etepīti bhikkhavopi. Tasmāti yasmā akaṃsu, tasmā. Nesanti bhikkhūnaṃ. Sabbatthāti sabbesu eḷakasaṃvāsasapattasaṃvāsesu. Mūgabbatanti mūgassa vataṃ viya vatanti mūgabbataṃ, suññavacanavatanti attho. Titthiyasamādānanti titthiyehi samādātabbaṃ. Vatasamādānanti samādātabbaṃ vataṃ. Aññamaññānulomatāti ettha tāsaddassa bhāvatthaṃ dassento āha ‘‘anulomabhāvo’’ti. Iminā ‘‘devatā’’tiādīsu (saṃ. ni. aṭṭha. 1.1.1; khu. pā. aṭṭha. 5.evamiccādipāṭhavaṇṇanā; su. ni. aṭṭha. 2.aṅgalasuttavaṇṇanā) viya tāpaccayassa svatthaṃ ‘‘janatā’’tiādīsu (pe. va. aṭṭha. 460) viya samūhatthañca nivatteti. ‘‘Aññamaññaṃ vattu’’nti vacanassa yuttiṃ dassento āha ‘‘vadantu ma’’ntiādi. Vadantaṃ bhikkhuṃ vattunti yojanā. ‘‘Āpattīhi vuṭṭhānabhāvo’’ti iminā āpattivuṭṭhānatāti padassa pañcamīsamāsañca tāpaccayassa bhāvatthañca dasseti. ‘‘Vinaya’’ntiādinā purato katvā karaṇaṃ purekkhāro, tassa bhāvo purekkhāratā, vinayaṃ purekkhāratā vinayapurekkhāratāti vacanatthaṃ dasseti. Ettha purasaddassa ekārattaṃ saddasatthesu (moggallānabyākaraṇe 5.134 sutte) vadanti. Tassa yuttiṃ dassento āha ‘‘vadantuma’’ntiādi (moggallānabyākaraṇe 5.134 sutte).
210. саб̣б̣асан̇г̇аахигаад̇и ‘‘сан̇гхо баваарзяяаа’’д̇и сааман̃н̃ад̇о вуд̇д̇ад̇д̇аа саб̣б̣зсам̣ д̇зваажигаад̣̇ийнам̣ сан̇г̇аахагаа. н̃ад̇д̇ийд̇и н̃аабзд̇и сан̇гхам̣ зд̇ааяа важанааяаад̇и н̃ад̇д̇и. саб̣б̣асан̇г̇аахигабхаавам̣ вид̇т̇аарзнд̇о ааха ‘‘зван̃хи вуд̇д̇з’’д̇иаад̣̇и. д̇зваажиганд̇и д̇иссо ваажаа зд̇ассаад̇и д̇зваажигам̣, д̇ийхи ваажаахи гад̇д̇аб̣б̣анд̇и ваа д̇зваажигам̣. зсзва наяо сзсзсуби. самаанавассиганд̇и самаанам̣ вассам̣ зд̇зсанд̇и самаанавассаа, д̇зхи гад̇д̇аб̣б̣анд̇и самаанавассигам̣. ан̃н̃анд̇и д̣̇взваажигазгаваажигам̣.
210.Sabbasaṅgāhikāti ‘‘saṅgho pavāreyyā’’ti sāmaññato vuttattā sabbesaṃ tevācikādīnaṃ saṅgāhakā. Ñattīti ñāpeti saṅghaṃ etāya vacanāyāti ñatti. Sabbasaṅgāhikabhāvaṃ vitthārento āha ‘‘evañhi vutte’’tiādi. Tevācikanti tisso vācā etassāti tevācikaṃ, tīhi vācāhi kattabbanti vā tevācikaṃ. Eseva nayo sesesupi. Samānavassikanti samānaṃ vassaṃ etesanti samānavassā, tehi kattabbanti samānavassikaṃ. Aññanti dvevācikaekavācikaṃ.
211. ажчанд̇ийд̇и зд̇т̇а аасад̇хаад̇уяаа убавзсанад̇т̇ам̣ д̣̇ассзнд̇о ааха ‘‘нисиннаава хонд̇ий’’д̇и. ‘‘на удтаханд̇ий’’д̇и иминаа звапалам̣ д̣̇ассзд̇и. д̇ад̣̇аманд̇араад̇и зд̇т̇а ‘‘д̇ад̣̇анд̇араа’’д̇и вад̇д̇аб̣б̣з ваажаасилидтавасзна магаарааг̇амам̣ гад̇ваа вуд̇д̇анд̇и ааха ‘‘д̇ад̣̇анд̇араа’’д̇и. д̇асса ад̇д̇ано баваарид̇агааласса анд̇араа. ‘‘яаава баваарзнд̇ий’’д̇и бад̣̇асса нияамад̇т̇ам̣ д̣̇ассзд̇ум̣ вуд̇д̇ам̣ ‘‘д̇аавад̇агам̣ гаала’’нд̇и. яааваад̇и нибаад̇асса баяог̇ад̇д̇аа ‘‘д̇ад̣̇аманд̇араа’’д̇и зд̇т̇а абхивид̇хиавад̇хяад̇т̇з бан̃жамийвибхад̇д̇и ход̇ийд̇и д̣̇адтаб̣б̣ам̣.
211.Acchantīti ettha āsadhātuyā upavesanatthaṃ dassento āha ‘‘nisinnāva hontī’’ti. ‘‘Na uṭṭhahantī’’ti iminā evaphalaṃ dasseti. Tadamantarāti ettha ‘‘tadantarā’’ti vattabbe vācāsiliṭṭhavasena makārāgamaṃ katvā vuttanti āha ‘‘tadantarā’’ti. Tassa attano pavāritakālassa antarā. ‘‘Yāva pavārentī’’ti padassa niyamatthaṃ dassetuṃ vuttaṃ ‘‘tāvatakaṃ kāla’’nti. Yāvāti nipātassa payogattā ‘‘tadamantarā’’ti ettha abhividhiavadhyatthe pañcamīvibhatti hotīti daṭṭhabbaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 120. апаасугавихааро • 120. Aphāsukavihāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / апаасугавихаарагат̇аа • Aphāsukavihārakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / апаасугавихаарагат̇ааван̣н̣анаа • Aphāsukavihārakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / апаасугавихаарагат̇ааван̣н̣анаа • Aphāsukavihārakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / апаасувихаарагат̇аад̣̇иван̣н̣анаа • Aphāsuvihārakathādivaṇṇanā
