| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
4. பவாரணக்க²ந்த⁴கங்
4. Pavāraṇakkhandhakaṃ
அபா²ஸுகவிஹாரகதா²வண்ணனா
Aphāsukavihārakathāvaṇṇanā
209. பவாரணக்க²ந்த⁴கே ஆதி³தோ லாபோ ஆலாபோ, வசனபடிவசனவஸேன ஸமங் லாபோ ஸல்லாபோ. பிண்டா³ய படிக்கமெய்யாதி கா³மே பிண்டா³ய சரித்வா பச்சாக³ச்செ²ய்ய. அவக்காரபாதிங் தோ⁴வித்வா உபட்டா²பெய்யாதி அதிரேகபிண்ட³பாதங் அபனெத்வா ட²பனத்தா²ய ஏகங் ஸமுக்³க³பாதிங் தோ⁴வித்வா ட²பெய்ய. ஸமுக்³க³பாதி நாம ஸமுக்³க³புடஸதி³ஸா பாதி. அப்பஹரிதேதி அபரூள்ஹஹரிதே, யஸ்மிங் டா²னே பிண்ட³பாதஜ்ஜொ²த்த²ரணேன வினஸ்ஸனத⁴ம்மானி திணானி நத்தி², தஸ்மிந்தி அத்தோ². தேன நித்திணஞ்ச மஹாதிணக³ஹனஞ்ச யத்த² ஸகடேனபி ச²ட்³டி³தே பிண்ட³பாதே திணானி ந வினஸ்ஸந்தி, தஞ்ச டா²னங் பரிக்³க³ஹிதங் ஹோதி. பூ⁴தகா³மஸிக்கா²பத³ஸ்ஸ ஹி அவிகோபனத்த²மேதங் வுத்தங். அப்பாணகேதி நிப்பாணகே, பிண்ட³பாதஜ்ஜொ²த்த²ரணேன மரிதப்³ப³பாணகரஹிதே வா மஹாஉத³கக்க²ந்தே⁴. பரித்தோத³கே ஏவ ஹி ப⁴த்தபக்கே²பேன ஆலுளிதே ஸுகு²மபாணகா மரந்தி, ந மஹாதளாகாதீ³ஸூதி. பாணகானுரக்க²ணத்த²ஞ்ஹி ஏதங் வுத்தங். ஓபிலாபெய்யாதி நிமுஜ்ஜாபெய்ய.
209. Pavāraṇakkhandhake ādito lāpo ālāpo, vacanapaṭivacanavasena samaṃ lāpo sallāpo. Piṇḍāya paṭikkameyyāti gāme piṇḍāya caritvā paccāgaccheyya. Avakkārapātiṃ dhovitvā upaṭṭhāpeyyāti atirekapiṇḍapātaṃ apanetvā ṭhapanatthāya ekaṃ samuggapātiṃ dhovitvā ṭhapeyya. Samuggapāti nāma samuggapuṭasadisā pāti. Appahariteti aparūḷhaharite, yasmiṃ ṭhāne piṇḍapātajjhottharaṇena vinassanadhammāni tiṇāni natthi, tasminti attho. Tena nittiṇañca mahātiṇagahanañca yattha sakaṭenapi chaḍḍite piṇḍapāte tiṇāni na vinassanti, tañca ṭhānaṃ pariggahitaṃ hoti. Bhūtagāmasikkhāpadassa hi avikopanatthametaṃ vuttaṃ. Appāṇaketi nippāṇake, piṇḍapātajjhottharaṇena maritabbapāṇakarahite vā mahāudakakkhandhe. Parittodake eva hi bhattapakkhepena āluḷite sukhumapāṇakā maranti, na mahātaḷākādīsūti. Pāṇakānurakkhaṇatthañhi etaṃ vuttaṃ. Opilāpeyyāti nimujjāpeyya.
வச்சக⁴டந்தி ஆசமனகும்பீ⁴. ரித்தந்தி ரித்தகங். துச்ச²ந்தி தஸ்ஸேவ வேவசனங். அவிஸய்ஹந்தி உக்கி²பிதுங் அஸக்குணெய்யங் அதிபா⁴ரிகங். ஹத்த²விகாரேனாதி ஹத்த²ஸஞ்ஞாய. ஹத்தே²ஹி உக்கி²பனங் ஹத்த²விலங்க⁴னங். தேனாஹ ‘‘ஹத்து²க்கே²பகேனா’’தி. அத² வா விலங்கே⁴தி தே³ஸந்தரங் பாபேதி ஏதேனாதி விலங்க⁴கோ, ஹத்தோ² ஏவ விலங்க⁴கோ ஹத்த²விலங்க⁴கோ, தேன ஹத்த²விலங்க⁴கேன, அஞ்ஞமஞ்ஞங் ஸங்ஸிப்³பி³தஹத்தே²னாதி வுத்தங் ஹோதி. த்³வே ஹி ஜனா ஹத்தே²ன ஹத்த²ங் ஸங்ஸிப்³பெ³த்வா த்³வீஸு ஹத்தே²ஸு ட²பெத்வா உட்ட²பெந்தா ஹத்த²விலங்க⁴கேன உட்ட²பெந்தி நாம. தித்தி²யஸமாதா³னந்தி தித்தி²யேஹி ஸமாதா³தப்³ப³ங்.
Vaccaghaṭanti ācamanakumbhī. Rittanti rittakaṃ. Tucchanti tasseva vevacanaṃ. Avisayhanti ukkhipituṃ asakkuṇeyyaṃ atibhārikaṃ. Hatthavikārenāti hatthasaññāya. Hatthehi ukkhipanaṃ hatthavilaṅghanaṃ. Tenāha ‘‘hatthukkhepakenā’’ti. Atha vā vilaṅgheti desantaraṃ pāpeti etenāti vilaṅghako, hattho eva vilaṅghako hatthavilaṅghako, tena hatthavilaṅghakena, aññamaññaṃ saṃsibbitahatthenāti vuttaṃ hoti. Dve hi janā hatthena hatthaṃ saṃsibbetvā dvīsu hatthesu ṭhapetvā uṭṭhapentā hatthavilaṅghakena uṭṭhapenti nāma. Titthiyasamādānanti titthiyehi samādātabbaṃ.
அபா²ஸுகவிஹாரகதா²வண்ணனா நிட்டி²தா.
Aphāsukavihārakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 120. அபா²ஸுகவிஹாரோ • 120. Aphāsukavihāro
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / அபா²ஸுகவிஹாரகதா² • Aphāsukavihārakathā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / அபா²ஸுவிஹாரகதா²தி³வண்ணனா • Aphāsuvihārakathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 120. அபா²ஸுகவிஹாரகதா² • 120. Aphāsukavihārakathā
