| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
4. бавааран̣агканд̇хагам̣
4. Pavāraṇakkhandhakaṃ
апаасугавихаарагат̇ааван̣н̣анаа
Aphāsukavihārakathāvaṇṇanā
209. бавааран̣агканд̇хагз аад̣̇ид̇о лаабо аалаабо, важанабадиважанавасзна самам̣ лаабо саллаабо. бин̣д̣ааяа бадиггамзяяаад̇и г̇аамз бин̣д̣ааяа жарид̇ваа бажжааг̇ажчзяяа. аваггаарабаад̇им̣ д̇ховид̇ваа убадтаабзяяаад̇и ад̇ирзгабин̣д̣абаад̇ам̣ абанзд̇ваа табанад̇т̇ааяа згам̣ самуг̇г̇абаад̇им̣ д̇ховид̇ваа табзяяа. самуг̇г̇абаад̇и наама самуг̇г̇абудасад̣̇исаа баад̇и. аббахарид̇зд̇и абаруул̣хахарид̇з, яасмим̣ таанз бин̣д̣абаад̇аж̇жход̇т̇аран̣зна винассанад̇хаммаани д̇ин̣аани над̇т̇и, д̇асминд̇и ад̇т̇о. д̇зна нид̇д̇ин̣ан̃жа махаад̇ин̣аг̇аханан̃жа яад̇т̇а сагадзнаби чад̣д̣ид̇з бин̣д̣абаад̇з д̇ин̣аани на винассанд̇и, д̇ан̃жа таанам̣ бариг̇г̇ахид̇ам̣ ход̇и. бхууд̇аг̇аамасигкаабад̣̇асса хи авигобанад̇т̇амзд̇ам̣ вуд̇д̇ам̣. аббаан̣агзд̇и ниббаан̣агз, бин̣д̣абаад̇аж̇жход̇т̇аран̣зна марид̇аб̣б̣абаан̣агарахид̇з ваа махаауд̣̇агагканд̇хз. барид̇д̇од̣̇агз зва хи бхад̇д̇абагкзбзна аалул̣ид̇з сукумабаан̣агаа маранд̇и, на махаад̇ал̣аагаад̣̇ийсууд̇и. баан̣агаанурагкан̣ад̇т̇ан̃хи зд̇ам̣ вуд̇д̇ам̣. обилаабзяяаад̇и нимуж̇ж̇аабзяяа.
209. Pavāraṇakkhandhake ādito lāpo ālāpo, vacanapaṭivacanavasena samaṃ lāpo sallāpo. Piṇḍāya paṭikkameyyāti gāme piṇḍāya caritvā paccāgaccheyya. Avakkārapātiṃ dhovitvā upaṭṭhāpeyyāti atirekapiṇḍapātaṃ apanetvā ṭhapanatthāya ekaṃ samuggapātiṃ dhovitvā ṭhapeyya. Samuggapāti nāma samuggapuṭasadisā pāti. Appahariteti aparūḷhaharite, yasmiṃ ṭhāne piṇḍapātajjhottharaṇena vinassanadhammāni tiṇāni natthi, tasminti attho. Tena nittiṇañca mahātiṇagahanañca yattha sakaṭenapi chaḍḍite piṇḍapāte tiṇāni na vinassanti, tañca ṭhānaṃ pariggahitaṃ hoti. Bhūtagāmasikkhāpadassa hi avikopanatthametaṃ vuttaṃ. Appāṇaketi nippāṇake, piṇḍapātajjhottharaṇena maritabbapāṇakarahite vā mahāudakakkhandhe. Parittodake eva hi bhattapakkhepena āluḷite sukhumapāṇakā maranti, na mahātaḷākādīsūti. Pāṇakānurakkhaṇatthañhi etaṃ vuttaṃ. Opilāpeyyāti nimujjāpeyya.
важжагхаданд̇и аажаманагумбхий. рид̇д̇анд̇и рид̇д̇агам̣. д̇ужчанд̇и д̇ассзва взважанам̣. ависаяханд̇и угкибид̇ум̣ асаггун̣зяяам̣ ад̇ибхааригам̣. хад̇т̇авигаарзнаад̇и хад̇т̇асан̃н̃ааяа. хад̇т̇зхи угкибанам̣ хад̇т̇авилан̇гханам̣. д̇знааха ‘‘хад̇т̇угкзбагзнаа’’д̇и. ат̇а ваа вилан̇гхзд̇и д̣̇зсанд̇арам̣ баабзд̇и зд̇знаад̇и вилан̇гхаго, хад̇т̇о зва вилан̇гхаго хад̇т̇авилан̇гхаго, д̇зна хад̇т̇авилан̇гхагзна, ан̃н̃аман̃н̃ам̣ сам̣сиб̣б̣ид̇ахад̇т̇знаад̇и вуд̇д̇ам̣ ход̇и. д̣̇вз хи ж̇анаа хад̇т̇зна хад̇т̇ам̣ сам̣сиб̣б̣зд̇ваа д̣̇вийсу хад̇т̇зсу табзд̇ваа удтабзнд̇аа хад̇т̇авилан̇гхагзна удтабзнд̇и наама. д̇ид̇т̇ияасамаад̣̇аананд̇и д̇ид̇т̇иязхи самаад̣̇аад̇аб̣б̣ам̣.
Vaccaghaṭanti ācamanakumbhī. Rittanti rittakaṃ. Tucchanti tasseva vevacanaṃ. Avisayhanti ukkhipituṃ asakkuṇeyyaṃ atibhārikaṃ. Hatthavikārenāti hatthasaññāya. Hatthehi ukkhipanaṃ hatthavilaṅghanaṃ. Tenāha ‘‘hatthukkhepakenā’’ti. Atha vā vilaṅgheti desantaraṃ pāpeti etenāti vilaṅghako, hattho eva vilaṅghako hatthavilaṅghako, tena hatthavilaṅghakena, aññamaññaṃ saṃsibbitahatthenāti vuttaṃ hoti. Dve hi janā hatthena hatthaṃ saṃsibbetvā dvīsu hatthesu ṭhapetvā uṭṭhapentā hatthavilaṅghakena uṭṭhapenti nāma. Titthiyasamādānanti titthiyehi samādātabbaṃ.
апаасугавихаарагат̇ааван̣н̣анаа нидтид̇аа.
Aphāsukavihārakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 120. апаасугавихааро • 120. Aphāsukavihāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / апаасугавихаарагат̇аа • Aphāsukavihārakathā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / апаасувихаарагат̇аад̣̇иван̣н̣анаа • Aphāsuvihārakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 120. апаасугавихаарагат̇аа • 120. Aphāsukavihārakathā
