| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
4. бавааран̣аагканд̇хаго
4. Pavāraṇākkhandhako
120. апаасугавихааро
120. Aphāsukavihāro
209. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна самб̣ахулаа санд̣̇идтаа самбхад̇д̇аа бхигкуу госалзсу ж̇анабад̣̇з ан̃н̃ад̇арасмим̣ ааваасз вассам̣ убаг̇ажчим̣су. ат̇а ко д̇зсам̣ бхигкуунам̣ зд̇ад̣̇ахоси – ‘‘гзна ну ко маяам̣ убааязна самаг̇г̇аа саммод̣̇амаанаа авивад̣̇амаанаа паасугам̣ вассам̣ васзяяаама, на жа бин̣д̣агзна гиламзяяаамаа’’д̇и. ат̇а ко д̇зсам̣ бхигкуунам̣ зд̇ад̣̇ахоси – ‘‘сажз ко маяам̣ ан̃н̃аман̃н̃ам̣ нзва аалабзяяаама на саллабзяяаама – яо батамам̣ г̇аамад̇о бин̣д̣ааяа бадиггамзяяа со аасанам̣ бан̃н̃абзяяа, баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибзяяа, аваггаарабаад̇им̣ д̇ховид̇ваа убадтаабзяяа, баанийяам̣ барибхож̇анийяам̣ убадтаабзяяа; яо бажчаа г̇аамад̇о бин̣д̣ааяа бадиггамзяяа, сажасса бхуд̇д̇аавасзсо, сажз ааган̇кзяяа бхун̃ж̇зяяа, но жз ааган̇кзяяа аббахарид̇з ваа чад̣д̣зяяа, аббаан̣агз ваа уд̣̇агз обилаабзяяа; со аасанам̣ уд̣̇д̇харзяяа, баад̣̇од̣̇агам̣ баад̣̇абийтам̣ баад̣̇агат̇алигам̣ бадисаамзяяа, аваггаарабаад̇им̣ д̇ховид̇ваа бадисаамзяяа, баанийяам̣ барибхож̇анийяам̣ бадисаамзяяа, бхад̇д̇аг̇г̇ам̣ саммаж̇ж̇зяяа; яо бассзяяа баанийяагхадам̣ ваа барибхож̇анийяагхадам̣ ваа важжагхадам̣ ваа рид̇д̇ам̣ д̇ужчам̣ со убадтаабзяяа; сажасса ход̇и ависаяхам̣, хад̇т̇авигаарзна д̣̇уд̇ияам̣ ааманд̇зд̇ваа хад̇т̇авилан̇гхагзна убадтаабзяяа; на д̇взва д̇аббажжаяаа ваажам̣ бхинд̣̇зяяа – звам̣ ко маяам̣ самаг̇г̇аа саммод̣̇амаанаа авивад̣̇амаанаа паасугам̣ вассам̣ васзяяаама, на жа бин̣д̣агзна гиламзяяаамаа’’д̇и. ат̇а ко д̇з бхигкуу ан̃н̃аман̃н̃ам̣ нзва аалабим̣су, на саллабим̣су. яо батамам̣ г̇аамад̇о бин̣д̣ааяа бадиггамад̇и, со аасанам̣ бан̃н̃абзд̇и, баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибад̇и, аваггаарабаад̇им̣ д̇ховид̇ваа убадтаабзд̇и, баанийяам̣ барибхож̇анийяам̣ убадтаабзд̇и . яо бажчаа г̇аамад̇о бин̣д̣ааяа бадиггамад̇и, сажз ход̇и бхуд̇д̇аавасзсо, сажз ааган̇кад̇и бхун̃ж̇ад̇и, но жз ааган̇кад̇и аббахарид̇з ваа чад̣д̣зд̇и, аббаан̣агз ваа уд̣̇агз обилаабзд̇и; со аасанам̣ уд̣̇д̇харад̇и, баад̣̇од̣̇агам̣ баад̣̇абийтам̣ баад̣̇агат̇алигам̣ бадисаамзд̇и, аваггаарабаад̇им̣ д̇ховид̇ваа бадисаамзд̇и, баанийяам̣ барибхож̇анийяам̣ бадисаамзд̇и, бхад̇д̇аг̇г̇ам̣ саммаж̇ж̇ад̇и. яо бассад̇и баанийяагхадам̣ ваа барибхож̇анийяагхадам̣ ваа важжагхадам̣ ваа рид̇д̇ам̣ д̇ужчам̣ со убадтаабзд̇и. сажасса ход̇и ависаяхам̣, хад̇т̇авигаарзна д̣̇уд̇ияам̣ ааманд̇зд̇ваа хад̇т̇авилан̇гхагзна убадтаабзд̇и, на д̇взва д̇аббажжаяаа ваажам̣ бхинд̣̇ад̇и.
209. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sambahulā sandiṭṭhā sambhattā bhikkhū kosalesu janapade aññatarasmiṃ āvāse vassaṃ upagacchiṃsu. Atha kho tesaṃ bhikkhūnaṃ etadahosi – ‘‘kena nu kho mayaṃ upāyena samaggā sammodamānā avivadamānā phāsukaṃ vassaṃ vaseyyāma, na ca piṇḍakena kilameyyāmā’’ti. Atha kho tesaṃ bhikkhūnaṃ etadahosi – ‘‘sace kho mayaṃ aññamaññaṃ neva ālapeyyāma na sallapeyyāma – yo paṭhamaṃ gāmato piṇḍāya paṭikkameyya so āsanaṃ paññapeyya, pādodakaṃ pādapīṭhaṃ pādakathalikaṃ upanikkhipeyya, avakkārapātiṃ dhovitvā upaṭṭhāpeyya, pānīyaṃ paribhojanīyaṃ upaṭṭhāpeyya; yo pacchā gāmato piṇḍāya paṭikkameyya, sacassa bhuttāvaseso, sace ākaṅkheyya bhuñjeyya, no ce ākaṅkheyya appaharite vā chaḍḍeyya, appāṇake vā udake opilāpeyya; so āsanaṃ uddhareyya, pādodakaṃ pādapīṭhaṃ pādakathalikaṃ paṭisāmeyya, avakkārapātiṃ dhovitvā paṭisāmeyya, pānīyaṃ paribhojanīyaṃ paṭisāmeyya, bhattaggaṃ sammajjeyya; yo passeyya pānīyaghaṭaṃ vā paribhojanīyaghaṭaṃ vā vaccaghaṭaṃ vā rittaṃ tucchaṃ so upaṭṭhāpeyya; sacassa hoti avisayhaṃ, hatthavikārena dutiyaṃ āmantetvā hatthavilaṅghakena upaṭṭhāpeyya; na tveva tappaccayā vācaṃ bhindeyya – evaṃ kho mayaṃ samaggā sammodamānā avivadamānā phāsukaṃ vassaṃ vaseyyāma, na ca piṇḍakena kilameyyāmā’’ti. Atha kho te bhikkhū aññamaññaṃ neva ālapiṃsu, na sallapiṃsu. Yo paṭhamaṃ gāmato piṇḍāya paṭikkamati, so āsanaṃ paññapeti, pādodakaṃ pādapīṭhaṃ pādakathalikaṃ upanikkhipati, avakkārapātiṃ dhovitvā upaṭṭhāpeti, pānīyaṃ paribhojanīyaṃ upaṭṭhāpeti . Yo pacchā gāmato piṇḍāya paṭikkamati, sace hoti bhuttāvaseso, sace ākaṅkhati bhuñjati, no ce ākaṅkhati appaharite vā chaḍḍeti, appāṇake vā udake opilāpeti; so āsanaṃ uddharati, pādodakaṃ pādapīṭhaṃ pādakathalikaṃ paṭisāmeti, avakkārapātiṃ dhovitvā paṭisāmeti, pānīyaṃ paribhojanīyaṃ paṭisāmeti, bhattaggaṃ sammajjati. Yo passati pānīyaghaṭaṃ vā paribhojanīyaghaṭaṃ vā vaccaghaṭaṃ vā rittaṃ tucchaṃ so upaṭṭhāpeti. Sacassa hoti avisayhaṃ, hatthavikārena dutiyaṃ āmantetvā hatthavilaṅghakena upaṭṭhāpeti, na tveva tappaccayā vācaṃ bhindati.
аажин̣н̣ам̣ ко банзд̇ам̣ вассам̣вудтаанам̣ бхигкуунам̣ бхаг̇аванд̇ам̣ д̣̇ассанааяа убасан̇гамид̇ум̣. ат̇а ко д̇з бхигкуу вассам̣вудтаа д̇змаасажжаязна сзнаасанам̣ сам̣саамзд̇ваа бад̇д̇ажийварамаад̣̇ааяа язна саавад̇т̇и д̇зна баггамим̣су. анубуб̣б̣зна язна саавад̇т̇и ж̇зд̇аванам̣ анаат̇абин̣д̣игасса аараамо язна бхаг̇аваа д̇знубасан̇гамим̣су, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. аажин̣н̣ам̣ ко банзд̇ам̣ б̣уд̣̇д̇хаанам̣ бхаг̇аванд̇аанам̣ ааг̇анд̇угзхи бхигкуухи сад̣̇д̇хим̣ бадисаммод̣̇ид̇ум̣. ат̇а ко бхаг̇аваа д̇з бхигкуу зд̇ад̣̇авожа – ‘‘гажжи, бхигкавз, каманийяам̣, гажжи яаабанийяам̣, гажжи самаг̇г̇аа саммод̣̇амаанаа авивад̣̇амаанаа паасугам̣ вассам̣ васид̇т̇а, на жа бин̣д̣агзна гиламид̇т̇аа’’д̇и? ‘‘каманийяам̣ бхаг̇аваа, яаабанийяам̣ бхаг̇аваа. самаг̇г̇аа жа маяам̣, бханд̇з, саммод̣̇амаанаа авивад̣̇амаанаа паасугам̣ вассам̣ васимхаа, на жа бин̣д̣агзна гиламимхаа’’д̇и. ж̇аананд̇ааби д̇ат̇ааг̇ад̇аа бужчанд̇и, ж̇аананд̇ааби на бужчанд̇и. гаалам̣ вид̣̇ид̇ваа бужчанд̇и, гаалам̣ вид̣̇ид̇ваа на бужчанд̇и. ад̇т̇асам̣хид̇ам̣ д̇ат̇ааг̇ад̇аа бужчанд̇и, но анад̇т̇асам̣хид̇ам̣. анад̇т̇асам̣хид̇з сзд̇угхаад̇о д̇ат̇ааг̇ад̇аанам̣. д̣̇вийхаагаарзхи б̣уд̣̇д̇хаа бхаг̇аванд̇о бхигкуу бадибужчанд̇и – д̇хаммам̣ ваа д̣̇зсзссаама, саавагаанам̣ ваа сигкаабад̣̇ам̣ бан̃н̃абзссаамаад̇и. ат̇а ко бхаг̇аваа д̇з бхигкуу зд̇ад̣̇авожа – ‘‘яат̇аагат̇ам̣ бана д̇умхз, бхигкавз, самаг̇г̇аа саммод̣̇амаанаа авивад̣̇амаанаа паасугам̣ вассам̣ васид̇т̇а, на жа бин̣д̣агзна гиламид̇т̇аа’’д̇и.
Āciṇṇaṃ kho panetaṃ vassaṃvuṭṭhānaṃ bhikkhūnaṃ bhagavantaṃ dassanāya upasaṅkamituṃ. Atha kho te bhikkhū vassaṃvuṭṭhā temāsaccayena senāsanaṃ saṃsāmetvā pattacīvaramādāya yena sāvatthi tena pakkamiṃsu. Anupubbena yena sāvatthi jetavanaṃ anāthapiṇḍikassa ārāmo yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu. Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammodituṃ. Atha kho bhagavā te bhikkhū etadavoca – ‘‘kacci, bhikkhave, khamanīyaṃ, kacci yāpanīyaṃ, kacci samaggā sammodamānā avivadamānā phāsukaṃ vassaṃ vasittha, na ca piṇḍakena kilamitthā’’ti? ‘‘Khamanīyaṃ bhagavā, yāpanīyaṃ bhagavā. Samaggā ca mayaṃ, bhante, sammodamānā avivadamānā phāsukaṃ vassaṃ vasimhā, na ca piṇḍakena kilamimhā’’ti. Jānantāpi tathāgatā pucchanti, jānantāpi na pucchanti. Kālaṃ viditvā pucchanti, kālaṃ viditvā na pucchanti. Atthasaṃhitaṃ tathāgatā pucchanti, no anatthasaṃhitaṃ. Anatthasaṃhite setughāto tathāgatānaṃ. Dvīhākārehi buddhā bhagavanto bhikkhū paṭipucchanti – dhammaṃ vā desessāma, sāvakānaṃ vā sikkhāpadaṃ paññapessāmāti. Atha kho bhagavā te bhikkhū etadavoca – ‘‘yathākathaṃ pana tumhe, bhikkhave, samaggā sammodamānā avivadamānā phāsukaṃ vassaṃ vasittha, na ca piṇḍakena kilamitthā’’ti.
ид̇ха маяам̣, бханд̇з, самб̣ахулаа санд̣̇идтаа самбхад̇д̇аа бхигкуу госалзсу ж̇анабад̣̇з ан̃н̃ад̇арасмим̣ ааваасз вассам̣ убаг̇ажчимхаа. д̇зсам̣ но, бханд̇з, амхаагам̣ зд̇ад̣̇ахоси – ‘‘гзна ну ко маяам̣ убааязна самаг̇г̇аа саммод̣̇амаанаа авивад̣̇амаанаа паасугам̣ вассам̣ васзяяаама, на жа бин̣д̣агзна гиламзяяаамаа’’д̇и. д̇зсам̣ но, бханд̇з, амхаагам̣ зд̇ад̣̇ахоси – ‘‘сажз ко маяам̣ ан̃н̃аман̃н̃ам̣ нзва аалабзяяаама на саллабзяяаама – яо батамам̣ г̇аамад̇о бин̣д̣ааяа бадиггамзяяа со аасанам̣ бан̃н̃абзяяа, баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибзяяа, аваггаарабаад̇им̣ д̇ховид̇ваа убадтаабзяяа, баанийяам̣ барибхож̇анийяам̣ убадтаабзяяа; яо бажчаа г̇аамад̇о бин̣д̣ааяа бадиггамзяяа, сажасса бхуд̇д̇аавасзсо , сажз ааган̇кзяяа бхун̃ж̇зяяа, но жз ааган̇кзяяа аббахарид̇з ваа чад̣д̣зяяа, аббаан̣агз ваа уд̣̇агз обилаабзяяа; со аасанам̣ уд̣̇д̇харзяяа, баад̣̇од̣̇агам̣ баад̣̇абийтам̣ баад̣̇агат̇алигам̣ бадисаамзяяа , аваггаарабаад̇им̣ д̇ховид̇ваа бадисаамзяяа, баанийяам̣ барибхож̇анийяам̣ бадисаамзяяа, бхад̇д̇аг̇г̇ам̣ саммаж̇ж̇зяяа; яо бассзяяа баанийяагхадам̣ ваа барибхож̇анийяагхадам̣ ваа важжагхадам̣ ваа рид̇д̇ам̣ д̇ужчам̣ со убадтаабзяяа; сажасса ход̇и ависаяхам̣, хад̇т̇авигаарзна д̣̇уд̇ияам̣ ааманд̇зд̇ваа хад̇т̇авилан̇гхагзна убадтаабзяяа; на д̇взва д̇аббажжаяаа ваажам̣ бхинд̣̇зяяа – звам̣ ко маяам̣ самаг̇г̇аа саммод̣̇амаанаа авивад̣̇амаанаа паасугам̣ вассам̣ васзяяаама, на жа бин̣д̣агзна гиламзяяаамаа’’д̇и. ат̇а ко маяам̣, бханд̇з, ан̃н̃аман̃н̃ам̣ нзва аалабимхаа на саллавимхаа. яо батамам̣ г̇аамад̇о бин̣д̣ааяа бадиггамад̇и со аасанам̣ бан̃н̃абзд̇и, баад̣̇од̣̇агам̣ баад̣̇абийтам̣ баад̣̇агат̇алигам̣ убанигкибад̇и, аваггаарабаад̇им̣ д̇ховид̇ваа убадтаабзд̇и, баанийяам̣ барибхож̇анийяам̣ убадтаабзд̇и. яо бажчаа г̇аамад̇о бин̣д̣ааяа бадиггамад̇и, сажз ход̇и бхуд̇д̇аавасзсо, сажз ааган̇кад̇и бхун̃ж̇ад̇и, но жз ааган̇кад̇и аббахарид̇з ваа чад̣д̣зд̇и, аббаан̣агз ваа уд̣̇агз обилаабзд̇и, со аасанам̣ уд̣̇д̇харад̇и, баад̣̇од̣̇агам̣ баад̣̇абийтам̣ баад̣̇агат̇алигам̣ бадисаамзд̇и, аваггаарабаад̇им̣ д̇ховид̇ваа бадисаамзд̇и, баанийяам̣ барибхож̇анийяам̣ бадисаамзд̇и, бхад̇д̇аг̇г̇ам̣ саммаж̇ж̇ад̇и. яо бассад̇и баанийяагхадам̣ ваа барибхож̇анийяагхадам̣ ваа важжагхадам̣ ваа рид̇д̇ам̣ д̇ужчам̣ со убадтаабзд̇и. сажасса ход̇и ависаяхам̣, хад̇т̇авигаарзна д̣̇уд̇ияам̣ ааманд̇зд̇ваа хад̇т̇авилан̇гхагзна убадтаабзд̇и, на д̇взва д̇аббажжаяаа ваажам̣ бхинд̣̇ад̇и. звам̣ ко маяам̣, бханд̇з, самаг̇г̇аа саммод̣̇амаанаа авивад̣̇амаанаа паасугам̣ вассам̣ васимхаа, на жа бин̣д̣агзна гиламимхаад̇и.
Idha mayaṃ, bhante, sambahulā sandiṭṭhā sambhattā bhikkhū kosalesu janapade aññatarasmiṃ āvāse vassaṃ upagacchimhā. Tesaṃ no, bhante, amhākaṃ etadahosi – ‘‘kena nu kho mayaṃ upāyena samaggā sammodamānā avivadamānā phāsukaṃ vassaṃ vaseyyāma, na ca piṇḍakena kilameyyāmā’’ti. Tesaṃ no, bhante, amhākaṃ etadahosi – ‘‘sace kho mayaṃ aññamaññaṃ neva ālapeyyāma na sallapeyyāma – yo paṭhamaṃ gāmato piṇḍāya paṭikkameyya so āsanaṃ paññapeyya, pādodakaṃ pādapīṭhaṃ pādakathalikaṃ upanikkhipeyya, avakkārapātiṃ dhovitvā upaṭṭhāpeyya, pānīyaṃ paribhojanīyaṃ upaṭṭhāpeyya; yo pacchā gāmato piṇḍāya paṭikkameyya, sacassa bhuttāvaseso , sace ākaṅkheyya bhuñjeyya, no ce ākaṅkheyya appaharite vā chaḍḍeyya, appāṇake vā udake opilāpeyya; so āsanaṃ uddhareyya, pādodakaṃ pādapīṭhaṃ pādakathalikaṃ paṭisāmeyya , avakkārapātiṃ dhovitvā paṭisāmeyya, pānīyaṃ paribhojanīyaṃ paṭisāmeyya, bhattaggaṃ sammajjeyya; yo passeyya pānīyaghaṭaṃ vā paribhojanīyaghaṭaṃ vā vaccaghaṭaṃ vā rittaṃ tucchaṃ so upaṭṭhāpeyya; sacassa hoti avisayhaṃ, hatthavikārena dutiyaṃ āmantetvā hatthavilaṅghakena upaṭṭhāpeyya; na tveva tappaccayā vācaṃ bhindeyya – evaṃ kho mayaṃ samaggā sammodamānā avivadamānā phāsukaṃ vassaṃ vaseyyāma, na ca piṇḍakena kilameyyāmā’’ti. Atha kho mayaṃ, bhante, aññamaññaṃ neva ālapimhā na sallavimhā. Yo paṭhamaṃ gāmato piṇḍāya paṭikkamati so āsanaṃ paññapeti, pādodakaṃ pādapīṭhaṃ pādakathalikaṃ upanikkhipati, avakkārapātiṃ dhovitvā upaṭṭhāpeti, pānīyaṃ paribhojanīyaṃ upaṭṭhāpeti. Yo pacchā gāmato piṇḍāya paṭikkamati, sace hoti bhuttāvaseso, sace ākaṅkhati bhuñjati, no ce ākaṅkhati appaharite vā chaḍḍeti, appāṇake vā udake opilāpeti, so āsanaṃ uddharati, pādodakaṃ pādapīṭhaṃ pādakathalikaṃ paṭisāmeti, avakkārapātiṃ dhovitvā paṭisāmeti, pānīyaṃ paribhojanīyaṃ paṭisāmeti, bhattaggaṃ sammajjati. Yo passati pānīyaghaṭaṃ vā paribhojanīyaghaṭaṃ vā vaccaghaṭaṃ vā rittaṃ tucchaṃ so upaṭṭhāpeti. Sacassa hoti avisayhaṃ, hatthavikārena dutiyaṃ āmantetvā hatthavilaṅghakena upaṭṭhāpeti, na tveva tappaccayā vācaṃ bhindati. Evaṃ kho mayaṃ, bhante, samaggā sammodamānā avivadamānā phāsukaṃ vassaṃ vasimhā, na ca piṇḍakena kilamimhāti.
ат̇а ко бхаг̇аваа бхигкуу ааманд̇зси – ‘‘апаасун̃н̃зва 1 гирамз 2, бхигкавз, могхабурисаа вудтаа 3 самаанаа паасумхаа 4 вудтаад̇и бадиж̇аананд̇и. басусам̣ваасан̃н̃зва гирамз, бхигкавз, могхабурисаа вудтаа самаанаа паасумхаа вудтаад̇и бадиж̇аананд̇и. зл̣агасам̣ваасан̃н̃зва гирамз, бхигкавз, могхабурисаа вудтаа самаанаа паасумхаа вудтаад̇и бадиж̇аананд̇и. сабад̇д̇асам̣ваасан̃н̃зва гирамз, бхигкавз, могхабурисаа вудтаа самаанаа паасумхаа вудтаад̇и бадиж̇аананд̇и. гат̇ан̃хи наамимз, бхигкавз, могхабурисаа мууг̇аб̣б̣ад̇ам̣ д̇ид̇т̇ияасамаад̣̇аанам̣ самаад̣̇ияисса’’нд̇и. нзд̇ам̣, бхигкавз, аббасаннаанам̣ ваа басаад̣̇ааяа…бз… виг̇арахид̇ваа д̇хаммим̣ гат̇ам̣ гад̇ваа бхигкуу ааманд̇зси – на, бхигкавз, мууг̇аб̣б̣ад̇ам̣ д̇ид̇т̇ияасамаад̣̇аанам̣ самаад̣̇ияид̇аб̣б̣ам̣. яо самаад̣̇иязяяа, аабад̇д̇и д̣̇уггадасса. ануж̇аанаами, бхигкавз, вассам̣вудтаанам̣ бхигкуунам̣ д̇ийхи таанзхи баваарзд̇ум̣ – д̣̇идтзна ваа суд̇зна ваа барисан̇гааяа ваа. саа во бхависсад̇и ан̃н̃аман̃н̃аануломад̇аа аабад̇д̇ивудтаанад̇аа винаяабурзгкаарад̇аа. зван̃жа бана, бхигкавз, баваарзд̇аб̣б̣ам̣. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Atha kho bhagavā bhikkhū āmantesi – ‘‘aphāsuññeva 5 kirame 6, bhikkhave, moghapurisā vuṭṭhā 7 samānā phāsumhā 8 vuṭṭhāti paṭijānanti. Pasusaṃvāsaññeva kirame, bhikkhave, moghapurisā vuṭṭhā samānā phāsumhā vuṭṭhāti paṭijānanti. Eḷakasaṃvāsaññeva kirame, bhikkhave, moghapurisā vuṭṭhā samānā phāsumhā vuṭṭhāti paṭijānanti. Sapattasaṃvāsaññeva kirame, bhikkhave, moghapurisā vuṭṭhā samānā phāsumhā vuṭṭhāti paṭijānanti. Kathañhi nāmime, bhikkhave, moghapurisā mūgabbataṃ titthiyasamādānaṃ samādiyissa’’nti. Netaṃ, bhikkhave, appasannānaṃ vā pasādāya…pe… vigarahitvā dhammiṃ kathaṃ katvā bhikkhū āmantesi – na, bhikkhave, mūgabbataṃ titthiyasamādānaṃ samādiyitabbaṃ. Yo samādiyeyya, āpatti dukkaṭassa. Anujānāmi, bhikkhave, vassaṃvuṭṭhānaṃ bhikkhūnaṃ tīhi ṭhānehi pavāretuṃ – diṭṭhena vā sutena vā parisaṅkāya vā. Sā vo bhavissati aññamaññānulomatā āpattivuṭṭhānatā vinayapurekkhāratā. Evañca pana, bhikkhave, pavāretabbaṃ. Byattena bhikkhunā paṭibalena saṅgho ñāpetabbo –
210. ‘‘сун̣аад̇у мз, бханд̇з, сан̇гхо. аж̇ж̇а бавааран̣аа. яад̣̇и сан̇гхасса бад̇д̇агаллам̣, сан̇гхо баваарзяяаа’’д̇и.
210. ‘‘Suṇātu me, bhante, saṅgho. Ajja pavāraṇā. Yadi saṅghassa pattakallaṃ, saṅgho pavāreyyā’’ti.
т̇зрзна бхигкунаа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘сан̇гхам̣, аавусо, баваарзми д̣̇идтзна ваа суд̇зна ваа барисан̇гааяа ваа. вад̣̇анд̇у мам̣ ааяасманд̇о анугамбам̣ убаад̣̇ааяа. бассанд̇о бадигариссаами. д̣̇уд̇ияамби, аавусо, сан̇гхам̣ баваарзми д̣̇идтзна ваа суд̇зна ваа барисан̇гааяа ваа. вад̣̇анд̇у мам̣ ааяасманд̇о анугамбам̣ убаад̣̇ааяа. бассанд̇о бадигариссаами. д̇ад̇ияамби, аавусо, сан̇гхам̣ баваарзми д̣̇идтзна ваа суд̇зна ваа барисан̇гааяа ваа. вад̣̇анд̇у мам̣ ааяасманд̇о анугамбам̣ убаад̣̇ааяа. бассанд̇о бадигариссаамий’’д̇и.
Therena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘‘saṅghaṃ, āvuso, pavāremi diṭṭhena vā sutena vā parisaṅkāya vā. Vadantu maṃ āyasmanto anukampaṃ upādāya. Passanto paṭikarissāmi. Dutiyampi, āvuso, saṅghaṃ pavāremi diṭṭhena vā sutena vā parisaṅkāya vā. Vadantu maṃ āyasmanto anukampaṃ upādāya. Passanto paṭikarissāmi. Tatiyampi, āvuso, saṅghaṃ pavāremi diṭṭhena vā sutena vā parisaṅkāya vā. Vadantu maṃ āyasmanto anukampaṃ upādāya. Passanto paṭikarissāmī’’ti.
навагзна бхигкунаа згам̣сам̣ уд̇д̇араасан̇г̇ам̣ гарид̇ваа уггудигам̣ нисийд̣̇ид̇ваа ан̃ж̇алим̣ баг̇г̇ахзд̇ваа звамасса важанийяо – ‘‘сан̇гхам̣, бханд̇з, баваарзми д̣̇идтзна ваа суд̇зна ваа барисан̇гааяа ваа. вад̣̇анд̇у мам̣ ааяасманд̇о анугамбам̣ убаад̣̇ааяа. бассанд̇о бадигариссаами. д̣̇уд̇ияамби, бханд̇з, сан̇гхам̣…бз… д̇ад̇ияамби, бханд̇з, сан̇гхам̣ баваарзми д̣̇идтзна ваа суд̇зна ваа барисан̇гааяа ваа. вад̣̇анд̇у мам̣ ааяасманд̇о анугамбам̣ убаад̣̇ааяа. бассанд̇о бадигариссаамий’’д̇и.
Navakena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘‘saṅghaṃ, bhante, pavāremi diṭṭhena vā sutena vā parisaṅkāya vā. Vadantu maṃ āyasmanto anukampaṃ upādāya. Passanto paṭikarissāmi. Dutiyampi, bhante, saṅghaṃ…pe… tatiyampi, bhante, saṅghaṃ pavāremi diṭṭhena vā sutena vā parisaṅkāya vā. Vadantu maṃ āyasmanto anukampaṃ upādāya. Passanto paṭikarissāmī’’ti.
211. д̇зна ко бана самаязна чаб̣б̣аг̇г̇ияаа бхигкуу т̇зрзсу бхигкуусу уггудигам̣ нисиннзсу баваараяамаанзсу аасанзсу ажчанд̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу т̇зрзсу бхигкуусу уггудигам̣ нисиннзсу баваараяамаанзсу аасанзсу ажчиссанд̇ий’’д̇и. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира, бхигкавз, чаб̣б̣аг̇г̇ияаа бхигкуу т̇зрзсу бхигкуусу уггудигам̣ нисиннзсу баваараяамаанзсу аасанзсу ажчанд̇ий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… ‘‘гат̇ан̃хи наама д̇з, бхигкавз, могхабурисаа т̇зрзсу бхигкуусу уггудигам̣ нисиннзсу баваараяамаанзсу аасанзсу ажчисса’’нд̇и. нзд̇ам̣, бхигкавз, аббасаннаанам̣ ваа басаад̣̇ааяа, басаннаанам̣ ваа бхияяобхаавааяа…бз… виг̇арахид̇ваа д̇хаммим̣ гат̇ам̣ гад̇ваа бхигкуу ааманд̇зси – ‘‘на, бхигкавз, т̇зрзсу бхигкуусу уггудигам̣ нисиннзсу баваараяамаанзсу аасанзсу ажчид̇аб̣б̣ам̣. яо ажчзяяа, аабад̇д̇и д̣̇уггадасса. ануж̇аанаами, бхигкавз, саб̣б̣зхзва уггудигам̣ нисиннзхи баваарзд̇у’’нд̇и.
211. Tena kho pana samayena chabbaggiyā bhikkhū theresu bhikkhūsu ukkuṭikaṃ nisinnesu pavārayamānesu āsanesu acchanti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū theresu bhikkhūsu ukkuṭikaṃ nisinnesu pavārayamānesu āsanesu acchissantī’’ti. Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, chabbaggiyā bhikkhū theresu bhikkhūsu ukkuṭikaṃ nisinnesu pavārayamānesu āsanesu acchantī’’ti? ‘‘Saccaṃ, bhagavā’’ti. Vigarahi buddho bhagavā…pe… ‘‘kathañhi nāma te, bhikkhave, moghapurisā theresu bhikkhūsu ukkuṭikaṃ nisinnesu pavārayamānesu āsanesu acchissa’’nti. Netaṃ, bhikkhave, appasannānaṃ vā pasādāya, pasannānaṃ vā bhiyyobhāvāya…pe… vigarahitvā dhammiṃ kathaṃ katvā bhikkhū āmantesi – ‘‘na, bhikkhave, theresu bhikkhūsu ukkuṭikaṃ nisinnesu pavārayamānesu āsanesu acchitabbaṃ. Yo accheyya, āpatti dukkaṭassa. Anujānāmi, bhikkhave, sabbeheva ukkuṭikaṃ nisinnehi pavāretu’’nti.
д̇зна ко бана самаязна ан̃н̃ад̇аро т̇зро ж̇араад̣̇уб̣б̣ало яаава саб̣б̣з баваарзнд̇ийд̇и 9 уггудигам̣ нисинно ааг̇амаяамаано мужчид̇о бабад̇и. бхаг̇авад̇о зд̇амад̇т̇ам̣ аарожзсум̣. ануж̇аанаами, бхигкавз, д̇ад̣̇аманд̇араа уггудигам̣ нисийд̣̇ид̇ум̣ яаава баваарзд̇и, баваарзд̇ваа аасанз нисийд̣̇ид̇унд̇и.
Tena kho pana samayena aññataro thero jarādubbalo yāva sabbe pavārentīti 10 ukkuṭikaṃ nisinno āgamayamāno mucchito papati. Bhagavato etamatthaṃ ārocesuṃ. Anujānāmi, bhikkhave, tadamantarā ukkuṭikaṃ nisīdituṃ yāva pavāreti, pavāretvā āsane nisīditunti.
апаасугавихааро нидтид̇о.
Aphāsukavihāro niṭṭhito.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / апаасугавихаарагат̇аа • Aphāsukavihārakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / апаасугавихаарагат̇ааван̣н̣анаа • Aphāsukavihārakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / апаасугавихаарагат̇ааван̣н̣анаа • Aphāsukavihārakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / апаасувихаарагат̇аад̣̇иван̣н̣анаа • Aphāsuvihārakathādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 120. апаасугавихаарагат̇аа • 120. Aphāsukavihārakathā
