| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੪. ਪવਾਰਣਾਕ੍ਖਨ੍ਧਕੋ
4. Pavāraṇākkhandhako
੧੨੦. ਅਫਾਸੁਕવਿਹਾਰੋ
120. Aphāsukavihāro
੨੦੯. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਸਨ੍ਦਿਟ੍ਠਾ ਸਮ੍ਭਤ੍ਤਾ ਭਿਕ੍ਖੂ ਕੋਸਲੇਸੁ ਜਨਪਦੇ ਅਞ੍ਞਤਰਸ੍ਮਿਂ ਆવਾਸੇ વਸ੍ਸਂ ਉਪਗਚ੍ਛਿਂਸੁ। ਅਥ ਖੋ ਤੇਸਂ ਭਿਕ੍ਖੂਨਂ ਏਤਦਹੋਸਿ – ‘‘ਕੇਨ ਨੁ ਖੋ ਮਯਂ ਉਪਾਯੇਨ ਸਮਗ੍ਗਾ ਸਮ੍ਮੋਦਮਾਨਾ ਅવਿવਦਮਾਨਾ ਫਾਸੁਕਂ વਸ੍ਸਂ વਸੇਯ੍ਯਾਮ, ਨ ਚ ਪਿਣ੍ਡਕੇਨ ਕਿਲਮੇਯ੍ਯਾਮਾ’’ਤਿ। ਅਥ ਖੋ ਤੇਸਂ ਭਿਕ੍ਖੂਨਂ ਏਤਦਹੋਸਿ – ‘‘ਸਚੇ ਖੋ ਮਯਂ ਅਞ੍ਞਮਞ੍ਞਂ ਨੇવ ਆਲਪੇਯ੍ਯਾਮ ਨ ਸਲ੍ਲਪੇਯ੍ਯਾਮ – ਯੋ ਪਠਮਂ ਗਾਮਤੋ ਪਿਣ੍ਡਾਯ ਪਟਿਕ੍ਕਮੇਯ੍ਯ ਸੋ ਆਸਨਂ ਪਞ੍ਞਪੇਯ੍ਯ, ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਉਪਨਿਕ੍ਖਿਪੇਯ੍ਯ, ਅવਕ੍ਕਾਰਪਾਤਿਂ ਧੋવਿਤ੍વਾ ਉਪਟ੍ਠਾਪੇਯ੍ਯ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਯ੍ਯ; ਯੋ ਪਚ੍ਛਾ ਗਾਮਤੋ ਪਿਣ੍ਡਾਯ ਪਟਿਕ੍ਕਮੇਯ੍ਯ, ਸਚਸ੍ਸ ਭੁਤ੍ਤਾવਸੇਸੋ, ਸਚੇ ਆਕਙ੍ਖੇਯ੍ਯ ਭੁਞ੍ਜੇਯ੍ਯ, ਨੋ ਚੇ ਆਕਙ੍ਖੇਯ੍ਯ ਅਪ੍ਪਹਰਿਤੇ વਾ ਛਡ੍ਡੇਯ੍ਯ, ਅਪ੍ਪਾਣਕੇ વਾ ਉਦਕੇ ਓਪਿਲਾਪੇਯ੍ਯ; ਸੋ ਆਸਨਂ ਉਦ੍ਧਰੇਯ੍ਯ, ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਪਟਿਸਾਮੇਯ੍ਯ, ਅવਕ੍ਕਾਰਪਾਤਿਂ ਧੋવਿਤ੍વਾ ਪਟਿਸਾਮੇਯ੍ਯ, ਪਾਨੀਯਂ ਪਰਿਭੋਜਨੀਯਂ ਪਟਿਸਾਮੇਯ੍ਯ, ਭਤ੍ਤਗ੍ਗਂ ਸਮ੍ਮਜ੍ਜੇਯ੍ਯ; ਯੋ ਪਸ੍ਸੇਯ੍ਯ ਪਾਨੀਯਘਟਂ વਾ ਪਰਿਭੋਜਨੀਯਘਟਂ વਾ વਚ੍ਚਘਟਂ વਾ ਰਿਤ੍ਤਂ ਤੁਚ੍ਛਂ ਸੋ ਉਪਟ੍ਠਾਪੇਯ੍ਯ; ਸਚਸ੍ਸ ਹੋਤਿ ਅવਿਸਯ੍ਹਂ, ਹਤ੍ਥવਿਕਾਰੇਨ ਦੁਤਿਯਂ ਆਮਨ੍ਤੇਤ੍વਾ ਹਤ੍ਥવਿਲਙ੍ਘਕੇਨ ਉਪਟ੍ਠਾਪੇਯ੍ਯ; ਨ ਤ੍વੇવ ਤਪ੍ਪਚ੍ਚਯਾ વਾਚਂ ਭਿਨ੍ਦੇਯ੍ਯ – ਏવਂ ਖੋ ਮਯਂ ਸਮਗ੍ਗਾ ਸਮ੍ਮੋਦਮਾਨਾ ਅવਿવਦਮਾਨਾ ਫਾਸੁਕਂ વਸ੍ਸਂ વਸੇਯ੍ਯਾਮ, ਨ ਚ ਪਿਣ੍ਡਕੇਨ ਕਿਲਮੇਯ੍ਯਾਮਾ’’ਤਿ। ਅਥ ਖੋ ਤੇ ਭਿਕ੍ਖੂ ਅਞ੍ਞਮਞ੍ਞਂ ਨੇવ ਆਲਪਿਂਸੁ, ਨ ਸਲ੍ਲਪਿਂਸੁ। ਯੋ ਪਠਮਂ ਗਾਮਤੋ ਪਿਣ੍ਡਾਯ ਪਟਿਕ੍ਕਮਤਿ, ਸੋ ਆਸਨਂ ਪਞ੍ਞਪੇਤਿ, ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਉਪਨਿਕ੍ਖਿਪਤਿ, ਅવਕ੍ਕਾਰਪਾਤਿਂ ਧੋવਿਤ੍વਾ ਉਪਟ੍ਠਾਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ । ਯੋ ਪਚ੍ਛਾ ਗਾਮਤੋ ਪਿਣ੍ਡਾਯ ਪਟਿਕ੍ਕਮਤਿ, ਸਚੇ ਹੋਤਿ ਭੁਤ੍ਤਾવਸੇਸੋ, ਸਚੇ ਆਕਙ੍ਖਤਿ ਭੁਞ੍ਜਤਿ, ਨੋ ਚੇ ਆਕਙ੍ਖਤਿ ਅਪ੍ਪਹਰਿਤੇ વਾ ਛਡ੍ਡੇਤਿ, ਅਪ੍ਪਾਣਕੇ વਾ ਉਦਕੇ ਓਪਿਲਾਪੇਤਿ; ਸੋ ਆਸਨਂ ਉਦ੍ਧਰਤਿ, ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਪਟਿਸਾਮੇਤਿ, ਅવਕ੍ਕਾਰਪਾਤਿਂ ਧੋવਿਤ੍વਾ ਪਟਿਸਾਮੇਤਿ, ਪਾਨੀਯਂ ਪਰਿਭੋਜਨੀਯਂ ਪਟਿਸਾਮੇਤਿ, ਭਤ੍ਤਗ੍ਗਂ ਸਮ੍ਮਜ੍ਜਤਿ। ਯੋ ਪਸ੍ਸਤਿ ਪਾਨੀਯਘਟਂ વਾ ਪਰਿਭੋਜਨੀਯਘਟਂ વਾ વਚ੍ਚਘਟਂ વਾ ਰਿਤ੍ਤਂ ਤੁਚ੍ਛਂ ਸੋ ਉਪਟ੍ਠਾਪੇਤਿ। ਸਚਸ੍ਸ ਹੋਤਿ ਅવਿਸਯ੍ਹਂ, ਹਤ੍ਥવਿਕਾਰੇਨ ਦੁਤਿਯਂ ਆਮਨ੍ਤੇਤ੍વਾ ਹਤ੍ਥવਿਲਙ੍ਘਕੇਨ ਉਪਟ੍ਠਾਪੇਤਿ, ਨ ਤ੍વੇવ ਤਪ੍ਪਚ੍ਚਯਾ વਾਚਂ ਭਿਨ੍ਦਤਿ।
209. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena sambahulā sandiṭṭhā sambhattā bhikkhū kosalesu janapade aññatarasmiṃ āvāse vassaṃ upagacchiṃsu. Atha kho tesaṃ bhikkhūnaṃ etadahosi – ‘‘kena nu kho mayaṃ upāyena samaggā sammodamānā avivadamānā phāsukaṃ vassaṃ vaseyyāma, na ca piṇḍakena kilameyyāmā’’ti. Atha kho tesaṃ bhikkhūnaṃ etadahosi – ‘‘sace kho mayaṃ aññamaññaṃ neva ālapeyyāma na sallapeyyāma – yo paṭhamaṃ gāmato piṇḍāya paṭikkameyya so āsanaṃ paññapeyya, pādodakaṃ pādapīṭhaṃ pādakathalikaṃ upanikkhipeyya, avakkārapātiṃ dhovitvā upaṭṭhāpeyya, pānīyaṃ paribhojanīyaṃ upaṭṭhāpeyya; yo pacchā gāmato piṇḍāya paṭikkameyya, sacassa bhuttāvaseso, sace ākaṅkheyya bhuñjeyya, no ce ākaṅkheyya appaharite vā chaḍḍeyya, appāṇake vā udake opilāpeyya; so āsanaṃ uddhareyya, pādodakaṃ pādapīṭhaṃ pādakathalikaṃ paṭisāmeyya, avakkārapātiṃ dhovitvā paṭisāmeyya, pānīyaṃ paribhojanīyaṃ paṭisāmeyya, bhattaggaṃ sammajjeyya; yo passeyya pānīyaghaṭaṃ vā paribhojanīyaghaṭaṃ vā vaccaghaṭaṃ vā rittaṃ tucchaṃ so upaṭṭhāpeyya; sacassa hoti avisayhaṃ, hatthavikārena dutiyaṃ āmantetvā hatthavilaṅghakena upaṭṭhāpeyya; na tveva tappaccayā vācaṃ bhindeyya – evaṃ kho mayaṃ samaggā sammodamānā avivadamānā phāsukaṃ vassaṃ vaseyyāma, na ca piṇḍakena kilameyyāmā’’ti. Atha kho te bhikkhū aññamaññaṃ neva ālapiṃsu, na sallapiṃsu. Yo paṭhamaṃ gāmato piṇḍāya paṭikkamati, so āsanaṃ paññapeti, pādodakaṃ pādapīṭhaṃ pādakathalikaṃ upanikkhipati, avakkārapātiṃ dhovitvā upaṭṭhāpeti, pānīyaṃ paribhojanīyaṃ upaṭṭhāpeti . Yo pacchā gāmato piṇḍāya paṭikkamati, sace hoti bhuttāvaseso, sace ākaṅkhati bhuñjati, no ce ākaṅkhati appaharite vā chaḍḍeti, appāṇake vā udake opilāpeti; so āsanaṃ uddharati, pādodakaṃ pādapīṭhaṃ pādakathalikaṃ paṭisāmeti, avakkārapātiṃ dhovitvā paṭisāmeti, pānīyaṃ paribhojanīyaṃ paṭisāmeti, bhattaggaṃ sammajjati. Yo passati pānīyaghaṭaṃ vā paribhojanīyaghaṭaṃ vā vaccaghaṭaṃ vā rittaṃ tucchaṃ so upaṭṭhāpeti. Sacassa hoti avisayhaṃ, hatthavikārena dutiyaṃ āmantetvā hatthavilaṅghakena upaṭṭhāpeti, na tveva tappaccayā vācaṃ bhindati.
ਆਚਿਣ੍ਣਂ ਖੋ ਪਨੇਤਂ વਸ੍ਸਂવੁਟ੍ਠਾਨਂ ਭਿਕ੍ਖੂਨਂ ਭਗવਨ੍ਤਂ ਦਸ੍ਸਨਾਯ ਉਪਸਙ੍ਕਮਿਤੁਂ। ਅਥ ਖੋ ਤੇ ਭਿਕ੍ਖੂ વਸ੍ਸਂવੁਟ੍ਠਾ ਤੇਮਾਸਚ੍ਚਯੇਨ ਸੇਨਾਸਨਂ ਸਂਸਾਮੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਸਾવਤ੍ਥਿ ਤੇਨ ਪਕ੍ਕਮਿਂਸੁ। ਅਨੁਪੁਬ੍ਬੇਨ ਯੇਨ ਸਾવਤ੍ਥਿ ਜੇਤવਨਂ ਅਨਾਥਪਿਣ੍ਡਿਕਸ੍ਸ ਆਰਾਮੋ ਯੇਨ ਭਗવਾ ਤੇਨੁਪਸਙ੍ਕਮਿਂਸੁ, ਉਪਸਙ੍ਕਮਿਤ੍વਾ ਭਗવਨ੍ਤਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿਂਸੁ। ਆਚਿਣ੍ਣਂ ਖੋ ਪਨੇਤਂ ਬੁਦ੍ਧਾਨਂ ਭਗવਨ੍ਤਾਨਂ ਆਗਨ੍ਤੁਕੇਹਿ ਭਿਕ੍ਖੂਹਿ ਸਦ੍ਧਿਂ ਪਟਿਸਮ੍ਮੋਦਿਤੁਂ। ਅਥ ਖੋ ਭਗવਾ ਤੇ ਭਿਕ੍ਖੂ ਏਤਦવੋਚ – ‘‘ਕਚ੍ਚਿ, ਭਿਕ੍ਖવੇ, ਖਮਨੀਯਂ, ਕਚ੍ਚਿ ਯਾਪਨੀਯਂ, ਕਚ੍ਚਿ ਸਮਗ੍ਗਾ ਸਮ੍ਮੋਦਮਾਨਾ ਅવਿવਦਮਾਨਾ ਫਾਸੁਕਂ વਸ੍ਸਂ વਸਿਤ੍ਥ, ਨ ਚ ਪਿਣ੍ਡਕੇਨ ਕਿਲਮਿਤ੍ਥਾ’’ਤਿ? ‘‘ਖਮਨੀਯਂ ਭਗવਾ, ਯਾਪਨੀਯਂ ਭਗવਾ। ਸਮਗ੍ਗਾ ਚ ਮਯਂ, ਭਨ੍ਤੇ, ਸਮ੍ਮੋਦਮਾਨਾ ਅવਿવਦਮਾਨਾ ਫਾਸੁਕਂ વਸ੍ਸਂ વਸਿਮ੍ਹਾ, ਨ ਚ ਪਿਣ੍ਡਕੇਨ ਕਿਲਮਿਮ੍ਹਾ’’ਤਿ। ਜਾਨਨ੍ਤਾਪਿ ਤਥਾਗਤਾ ਪੁਚ੍ਛਨ੍ਤਿ, ਜਾਨਨ੍ਤਾਪਿ ਨ ਪੁਚ੍ਛਨ੍ਤਿ। ਕਾਲਂ વਿਦਿਤ੍વਾ ਪੁਚ੍ਛਨ੍ਤਿ, ਕਾਲਂ વਿਦਿਤ੍વਾ ਨ ਪੁਚ੍ਛਨ੍ਤਿ। ਅਤ੍ਥਸਂਹਿਤਂ ਤਥਾਗਤਾ ਪੁਚ੍ਛਨ੍ਤਿ, ਨੋ ਅਨਤ੍ਥਸਂਹਿਤਂ। ਅਨਤ੍ਥਸਂਹਿਤੇ ਸੇਤੁਘਾਤੋ ਤਥਾਗਤਾਨਂ। ਦ੍વੀਹਾਕਾਰੇਹਿ ਬੁਦ੍ਧਾ ਭਗવਨ੍ਤੋ ਭਿਕ੍ਖੂ ਪਟਿਪੁਚ੍ਛਨ੍ਤਿ – ਧਮ੍ਮਂ વਾ ਦੇਸੇਸ੍ਸਾਮ, ਸਾવਕਾਨਂ વਾ ਸਿਕ੍ਖਾਪਦਂ ਪਞ੍ਞਪੇਸ੍ਸਾਮਾਤਿ। ਅਥ ਖੋ ਭਗવਾ ਤੇ ਭਿਕ੍ਖੂ ਏਤਦવੋਚ – ‘‘ਯਥਾਕਥਂ ਪਨ ਤੁਮ੍ਹੇ, ਭਿਕ੍ਖવੇ, ਸਮਗ੍ਗਾ ਸਮ੍ਮੋਦਮਾਨਾ ਅવਿવਦਮਾਨਾ ਫਾਸੁਕਂ વਸ੍ਸਂ વਸਿਤ੍ਥ, ਨ ਚ ਪਿਣ੍ਡਕੇਨ ਕਿਲਮਿਤ੍ਥਾ’’ਤਿ।
Āciṇṇaṃ kho panetaṃ vassaṃvuṭṭhānaṃ bhikkhūnaṃ bhagavantaṃ dassanāya upasaṅkamituṃ. Atha kho te bhikkhū vassaṃvuṭṭhā temāsaccayena senāsanaṃ saṃsāmetvā pattacīvaramādāya yena sāvatthi tena pakkamiṃsu. Anupubbena yena sāvatthi jetavanaṃ anāthapiṇḍikassa ārāmo yena bhagavā tenupasaṅkamiṃsu, upasaṅkamitvā bhagavantaṃ abhivādetvā ekamantaṃ nisīdiṃsu. Āciṇṇaṃ kho panetaṃ buddhānaṃ bhagavantānaṃ āgantukehi bhikkhūhi saddhiṃ paṭisammodituṃ. Atha kho bhagavā te bhikkhū etadavoca – ‘‘kacci, bhikkhave, khamanīyaṃ, kacci yāpanīyaṃ, kacci samaggā sammodamānā avivadamānā phāsukaṃ vassaṃ vasittha, na ca piṇḍakena kilamitthā’’ti? ‘‘Khamanīyaṃ bhagavā, yāpanīyaṃ bhagavā. Samaggā ca mayaṃ, bhante, sammodamānā avivadamānā phāsukaṃ vassaṃ vasimhā, na ca piṇḍakena kilamimhā’’ti. Jānantāpi tathāgatā pucchanti, jānantāpi na pucchanti. Kālaṃ viditvā pucchanti, kālaṃ viditvā na pucchanti. Atthasaṃhitaṃ tathāgatā pucchanti, no anatthasaṃhitaṃ. Anatthasaṃhite setughāto tathāgatānaṃ. Dvīhākārehi buddhā bhagavanto bhikkhū paṭipucchanti – dhammaṃ vā desessāma, sāvakānaṃ vā sikkhāpadaṃ paññapessāmāti. Atha kho bhagavā te bhikkhū etadavoca – ‘‘yathākathaṃ pana tumhe, bhikkhave, samaggā sammodamānā avivadamānā phāsukaṃ vassaṃ vasittha, na ca piṇḍakena kilamitthā’’ti.
ਇਧ ਮਯਂ, ਭਨ੍ਤੇ, ਸਮ੍ਬਹੁਲਾ ਸਨ੍ਦਿਟ੍ਠਾ ਸਮ੍ਭਤ੍ਤਾ ਭਿਕ੍ਖੂ ਕੋਸਲੇਸੁ ਜਨਪਦੇ ਅਞ੍ਞਤਰਸ੍ਮਿਂ ਆવਾਸੇ વਸ੍ਸਂ ਉਪਗਚ੍ਛਿਮ੍ਹਾ। ਤੇਸਂ ਨੋ, ਭਨ੍ਤੇ, ਅਮ੍ਹਾਕਂ ਏਤਦਹੋਸਿ – ‘‘ਕੇਨ ਨੁ ਖੋ ਮਯਂ ਉਪਾਯੇਨ ਸਮਗ੍ਗਾ ਸਮ੍ਮੋਦਮਾਨਾ ਅવਿવਦਮਾਨਾ ਫਾਸੁਕਂ વਸ੍ਸਂ વਸੇਯ੍ਯਾਮ, ਨ ਚ ਪਿਣ੍ਡਕੇਨ ਕਿਲਮੇਯ੍ਯਾਮਾ’’ਤਿ। ਤੇਸਂ ਨੋ, ਭਨ੍ਤੇ, ਅਮ੍ਹਾਕਂ ਏਤਦਹੋਸਿ – ‘‘ਸਚੇ ਖੋ ਮਯਂ ਅਞ੍ਞਮਞ੍ਞਂ ਨੇવ ਆਲਪੇਯ੍ਯਾਮ ਨ ਸਲ੍ਲਪੇਯ੍ਯਾਮ – ਯੋ ਪਠਮਂ ਗਾਮਤੋ ਪਿਣ੍ਡਾਯ ਪਟਿਕ੍ਕਮੇਯ੍ਯ ਸੋ ਆਸਨਂ ਪਞ੍ਞਪੇਯ੍ਯ, ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਉਪਨਿਕ੍ਖਿਪੇਯ੍ਯ, ਅવਕ੍ਕਾਰਪਾਤਿਂ ਧੋવਿਤ੍વਾ ਉਪਟ੍ਠਾਪੇਯ੍ਯ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਯ੍ਯ; ਯੋ ਪਚ੍ਛਾ ਗਾਮਤੋ ਪਿਣ੍ਡਾਯ ਪਟਿਕ੍ਕਮੇਯ੍ਯ, ਸਚਸ੍ਸ ਭੁਤ੍ਤਾવਸੇਸੋ , ਸਚੇ ਆਕਙ੍ਖੇਯ੍ਯ ਭੁਞ੍ਜੇਯ੍ਯ, ਨੋ ਚੇ ਆਕਙ੍ਖੇਯ੍ਯ ਅਪ੍ਪਹਰਿਤੇ વਾ ਛਡ੍ਡੇਯ੍ਯ, ਅਪ੍ਪਾਣਕੇ વਾ ਉਦਕੇ ਓਪਿਲਾਪੇਯ੍ਯ; ਸੋ ਆਸਨਂ ਉਦ੍ਧਰੇਯ੍ਯ, ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਪਟਿਸਾਮੇਯ੍ਯ , ਅવਕ੍ਕਾਰਪਾਤਿਂ ਧੋવਿਤ੍વਾ ਪਟਿਸਾਮੇਯ੍ਯ, ਪਾਨੀਯਂ ਪਰਿਭੋਜਨੀਯਂ ਪਟਿਸਾਮੇਯ੍ਯ, ਭਤ੍ਤਗ੍ਗਂ ਸਮ੍ਮਜ੍ਜੇਯ੍ਯ; ਯੋ ਪਸ੍ਸੇਯ੍ਯ ਪਾਨੀਯਘਟਂ વਾ ਪਰਿਭੋਜਨੀਯਘਟਂ વਾ વਚ੍ਚਘਟਂ વਾ ਰਿਤ੍ਤਂ ਤੁਚ੍ਛਂ ਸੋ ਉਪਟ੍ਠਾਪੇਯ੍ਯ; ਸਚਸ੍ਸ ਹੋਤਿ ਅવਿਸਯ੍ਹਂ, ਹਤ੍ਥવਿਕਾਰੇਨ ਦੁਤਿਯਂ ਆਮਨ੍ਤੇਤ੍વਾ ਹਤ੍ਥવਿਲਙ੍ਘਕੇਨ ਉਪਟ੍ਠਾਪੇਯ੍ਯ; ਨ ਤ੍વੇવ ਤਪ੍ਪਚ੍ਚਯਾ વਾਚਂ ਭਿਨ੍ਦੇਯ੍ਯ – ਏવਂ ਖੋ ਮਯਂ ਸਮਗ੍ਗਾ ਸਮ੍ਮੋਦਮਾਨਾ ਅવਿવਦਮਾਨਾ ਫਾਸੁਕਂ વਸ੍ਸਂ વਸੇਯ੍ਯਾਮ, ਨ ਚ ਪਿਣ੍ਡਕੇਨ ਕਿਲਮੇਯ੍ਯਾਮਾ’’ਤਿ। ਅਥ ਖੋ ਮਯਂ, ਭਨ੍ਤੇ, ਅਞ੍ਞਮਞ੍ਞਂ ਨੇવ ਆਲਪਿਮ੍ਹਾ ਨ ਸਲ੍ਲવਿਮ੍ਹਾ। ਯੋ ਪਠਮਂ ਗਾਮਤੋ ਪਿਣ੍ਡਾਯ ਪਟਿਕ੍ਕਮਤਿ ਸੋ ਆਸਨਂ ਪਞ੍ਞਪੇਤਿ, ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਉਪਨਿਕ੍ਖਿਪਤਿ, ਅવਕ੍ਕਾਰਪਾਤਿਂ ਧੋવਿਤ੍વਾ ਉਪਟ੍ਠਾਪੇਤਿ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਿ। ਯੋ ਪਚ੍ਛਾ ਗਾਮਤੋ ਪਿਣ੍ਡਾਯ ਪਟਿਕ੍ਕਮਤਿ, ਸਚੇ ਹੋਤਿ ਭੁਤ੍ਤਾવਸੇਸੋ, ਸਚੇ ਆਕਙ੍ਖਤਿ ਭੁਞ੍ਜਤਿ, ਨੋ ਚੇ ਆਕਙ੍ਖਤਿ ਅਪ੍ਪਹਰਿਤੇ વਾ ਛਡ੍ਡੇਤਿ, ਅਪ੍ਪਾਣਕੇ વਾ ਉਦਕੇ ਓਪਿਲਾਪੇਤਿ, ਸੋ ਆਸਨਂ ਉਦ੍ਧਰਤਿ, ਪਾਦੋਦਕਂ ਪਾਦਪੀਠਂ ਪਾਦਕਥਲਿਕਂ ਪਟਿਸਾਮੇਤਿ, ਅવਕ੍ਕਾਰਪਾਤਿਂ ਧੋવਿਤ੍વਾ ਪਟਿਸਾਮੇਤਿ, ਪਾਨੀਯਂ ਪਰਿਭੋਜਨੀਯਂ ਪਟਿਸਾਮੇਤਿ, ਭਤ੍ਤਗ੍ਗਂ ਸਮ੍ਮਜ੍ਜਤਿ। ਯੋ ਪਸ੍ਸਤਿ ਪਾਨੀਯਘਟਂ વਾ ਪਰਿਭੋਜਨੀਯਘਟਂ વਾ વਚ੍ਚਘਟਂ વਾ ਰਿਤ੍ਤਂ ਤੁਚ੍ਛਂ ਸੋ ਉਪਟ੍ਠਾਪੇਤਿ। ਸਚਸ੍ਸ ਹੋਤਿ ਅવਿਸਯ੍ਹਂ, ਹਤ੍ਥવਿਕਾਰੇਨ ਦੁਤਿਯਂ ਆਮਨ੍ਤੇਤ੍વਾ ਹਤ੍ਥવਿਲਙ੍ਘਕੇਨ ਉਪਟ੍ਠਾਪੇਤਿ, ਨ ਤ੍વੇવ ਤਪ੍ਪਚ੍ਚਯਾ વਾਚਂ ਭਿਨ੍ਦਤਿ। ਏવਂ ਖੋ ਮਯਂ, ਭਨ੍ਤੇ, ਸਮਗ੍ਗਾ ਸਮ੍ਮੋਦਮਾਨਾ ਅવਿવਦਮਾਨਾ ਫਾਸੁਕਂ વਸ੍ਸਂ વਸਿਮ੍ਹਾ, ਨ ਚ ਪਿਣ੍ਡਕੇਨ ਕਿਲਮਿਮ੍ਹਾਤਿ।
Idha mayaṃ, bhante, sambahulā sandiṭṭhā sambhattā bhikkhū kosalesu janapade aññatarasmiṃ āvāse vassaṃ upagacchimhā. Tesaṃ no, bhante, amhākaṃ etadahosi – ‘‘kena nu kho mayaṃ upāyena samaggā sammodamānā avivadamānā phāsukaṃ vassaṃ vaseyyāma, na ca piṇḍakena kilameyyāmā’’ti. Tesaṃ no, bhante, amhākaṃ etadahosi – ‘‘sace kho mayaṃ aññamaññaṃ neva ālapeyyāma na sallapeyyāma – yo paṭhamaṃ gāmato piṇḍāya paṭikkameyya so āsanaṃ paññapeyya, pādodakaṃ pādapīṭhaṃ pādakathalikaṃ upanikkhipeyya, avakkārapātiṃ dhovitvā upaṭṭhāpeyya, pānīyaṃ paribhojanīyaṃ upaṭṭhāpeyya; yo pacchā gāmato piṇḍāya paṭikkameyya, sacassa bhuttāvaseso , sace ākaṅkheyya bhuñjeyya, no ce ākaṅkheyya appaharite vā chaḍḍeyya, appāṇake vā udake opilāpeyya; so āsanaṃ uddhareyya, pādodakaṃ pādapīṭhaṃ pādakathalikaṃ paṭisāmeyya , avakkārapātiṃ dhovitvā paṭisāmeyya, pānīyaṃ paribhojanīyaṃ paṭisāmeyya, bhattaggaṃ sammajjeyya; yo passeyya pānīyaghaṭaṃ vā paribhojanīyaghaṭaṃ vā vaccaghaṭaṃ vā rittaṃ tucchaṃ so upaṭṭhāpeyya; sacassa hoti avisayhaṃ, hatthavikārena dutiyaṃ āmantetvā hatthavilaṅghakena upaṭṭhāpeyya; na tveva tappaccayā vācaṃ bhindeyya – evaṃ kho mayaṃ samaggā sammodamānā avivadamānā phāsukaṃ vassaṃ vaseyyāma, na ca piṇḍakena kilameyyāmā’’ti. Atha kho mayaṃ, bhante, aññamaññaṃ neva ālapimhā na sallavimhā. Yo paṭhamaṃ gāmato piṇḍāya paṭikkamati so āsanaṃ paññapeti, pādodakaṃ pādapīṭhaṃ pādakathalikaṃ upanikkhipati, avakkārapātiṃ dhovitvā upaṭṭhāpeti, pānīyaṃ paribhojanīyaṃ upaṭṭhāpeti. Yo pacchā gāmato piṇḍāya paṭikkamati, sace hoti bhuttāvaseso, sace ākaṅkhati bhuñjati, no ce ākaṅkhati appaharite vā chaḍḍeti, appāṇake vā udake opilāpeti, so āsanaṃ uddharati, pādodakaṃ pādapīṭhaṃ pādakathalikaṃ paṭisāmeti, avakkārapātiṃ dhovitvā paṭisāmeti, pānīyaṃ paribhojanīyaṃ paṭisāmeti, bhattaggaṃ sammajjati. Yo passati pānīyaghaṭaṃ vā paribhojanīyaghaṭaṃ vā vaccaghaṭaṃ vā rittaṃ tucchaṃ so upaṭṭhāpeti. Sacassa hoti avisayhaṃ, hatthavikārena dutiyaṃ āmantetvā hatthavilaṅghakena upaṭṭhāpeti, na tveva tappaccayā vācaṃ bhindati. Evaṃ kho mayaṃ, bhante, samaggā sammodamānā avivadamānā phāsukaṃ vassaṃ vasimhā, na ca piṇḍakena kilamimhāti.
ਅਥ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ – ‘‘ਅਫਾਸੁਞ੍ਞੇવ 1 ਕਿਰਮੇ 2, ਭਿਕ੍ਖવੇ, ਮੋਘਪੁਰਿਸਾ વੁਟ੍ਠਾ 3 ਸਮਾਨਾ ਫਾਸੁਮ੍ਹਾ 4 વੁਟ੍ਠਾਤਿ ਪਟਿਜਾਨਨ੍ਤਿ। ਪਸੁਸਂવਾਸਞ੍ਞੇવ ਕਿਰਮੇ, ਭਿਕ੍ਖવੇ, ਮੋਘਪੁਰਿਸਾ વੁਟ੍ਠਾ ਸਮਾਨਾ ਫਾਸੁਮ੍ਹਾ વੁਟ੍ਠਾਤਿ ਪਟਿਜਾਨਨ੍ਤਿ। ਏਲ਼ਕਸਂવਾਸਞ੍ਞੇવ ਕਿਰਮੇ, ਭਿਕ੍ਖવੇ, ਮੋਘਪੁਰਿਸਾ વੁਟ੍ਠਾ ਸਮਾਨਾ ਫਾਸੁਮ੍ਹਾ વੁਟ੍ਠਾਤਿ ਪਟਿਜਾਨਨ੍ਤਿ। ਸਪਤ੍ਤਸਂવਾਸਞ੍ਞੇવ ਕਿਰਮੇ, ਭਿਕ੍ਖવੇ, ਮੋਘਪੁਰਿਸਾ વੁਟ੍ਠਾ ਸਮਾਨਾ ਫਾਸੁਮ੍ਹਾ વੁਟ੍ਠਾਤਿ ਪਟਿਜਾਨਨ੍ਤਿ। ਕਥਞ੍ਹਿ ਨਾਮਿਮੇ, ਭਿਕ੍ਖવੇ, ਮੋਘਪੁਰਿਸਾ ਮੂਗਬ੍ਬਤਂ ਤਿਤ੍ਥਿਯਸਮਾਦਾਨਂ ਸਮਾਦਿਯਿਸ੍ਸ’’ਨ੍ਤਿ। ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… વਿਗਰਹਿਤ੍વਾ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ਨ, ਭਿਕ੍ਖવੇ, ਮੂਗਬ੍ਬਤਂ ਤਿਤ੍ਥਿਯਸਮਾਦਾਨਂ ਸਮਾਦਿਯਿਤਬ੍ਬਂ। ਯੋ ਸਮਾਦਿਯੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਜਾਨਾਮਿ, ਭਿਕ੍ਖવੇ, વਸ੍ਸਂવੁਟ੍ਠਾਨਂ ਭਿਕ੍ਖੂਨਂ ਤੀਹਿ ਠਾਨੇਹਿ ਪવਾਰੇਤੁਂ – ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। ਸਾ વੋ ਭવਿਸ੍ਸਤਿ ਅਞ੍ਞਮਞ੍ਞਾਨੁਲੋਮਤਾ ਆਪਤ੍ਤਿવੁਟ੍ਠਾਨਤਾ વਿਨਯਪੁਰੇਕ੍ਖਾਰਤਾ। ਏવਞ੍ਚ ਪਨ, ਭਿਕ੍ਖવੇ, ਪવਾਰੇਤਬ੍ਬਂ। ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –
Atha kho bhagavā bhikkhū āmantesi – ‘‘aphāsuññeva 5 kirame 6, bhikkhave, moghapurisā vuṭṭhā 7 samānā phāsumhā 8 vuṭṭhāti paṭijānanti. Pasusaṃvāsaññeva kirame, bhikkhave, moghapurisā vuṭṭhā samānā phāsumhā vuṭṭhāti paṭijānanti. Eḷakasaṃvāsaññeva kirame, bhikkhave, moghapurisā vuṭṭhā samānā phāsumhā vuṭṭhāti paṭijānanti. Sapattasaṃvāsaññeva kirame, bhikkhave, moghapurisā vuṭṭhā samānā phāsumhā vuṭṭhāti paṭijānanti. Kathañhi nāmime, bhikkhave, moghapurisā mūgabbataṃ titthiyasamādānaṃ samādiyissa’’nti. Netaṃ, bhikkhave, appasannānaṃ vā pasādāya…pe… vigarahitvā dhammiṃ kathaṃ katvā bhikkhū āmantesi – na, bhikkhave, mūgabbataṃ titthiyasamādānaṃ samādiyitabbaṃ. Yo samādiyeyya, āpatti dukkaṭassa. Anujānāmi, bhikkhave, vassaṃvuṭṭhānaṃ bhikkhūnaṃ tīhi ṭhānehi pavāretuṃ – diṭṭhena vā sutena vā parisaṅkāya vā. Sā vo bhavissati aññamaññānulomatā āpattivuṭṭhānatā vinayapurekkhāratā. Evañca pana, bhikkhave, pavāretabbaṃ. Byattena bhikkhunā paṭibalena saṅgho ñāpetabbo –
੨੧੦. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ। ਅਜ੍ਜ ਪવਾਰਣਾ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਪવਾਰੇਯ੍ਯਾ’’ਤਿ।
210. ‘‘Suṇātu me, bhante, saṅgho. Ajja pavāraṇā. Yadi saṅghassa pattakallaṃ, saṅgho pavāreyyā’’ti.
ਥੇਰੇਨ ਭਿਕ੍ਖੁਨਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਏવਮਸ੍ਸ વਚਨੀਯੋ – ‘‘ਸਙ੍ਘਂ, ਆવੁਸੋ, ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਨ੍ਤੁ ਮਂ ਆਯਸ੍ਮਨ੍ਤੋ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮਿ। ਦੁਤਿਯਮ੍ਪਿ, ਆવੁਸੋ, ਸਙ੍ਘਂ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਨ੍ਤੁ ਮਂ ਆਯਸ੍ਮਨ੍ਤੋ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮਿ। ਤਤਿਯਮ੍ਪਿ, ਆવੁਸੋ, ਸਙ੍ਘਂ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਨ੍ਤੁ ਮਂ ਆਯਸ੍ਮਨ੍ਤੋ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮੀ’’ਤਿ।
Therena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘‘saṅghaṃ, āvuso, pavāremi diṭṭhena vā sutena vā parisaṅkāya vā. Vadantu maṃ āyasmanto anukampaṃ upādāya. Passanto paṭikarissāmi. Dutiyampi, āvuso, saṅghaṃ pavāremi diṭṭhena vā sutena vā parisaṅkāya vā. Vadantu maṃ āyasmanto anukampaṃ upādāya. Passanto paṭikarissāmi. Tatiyampi, āvuso, saṅghaṃ pavāremi diṭṭhena vā sutena vā parisaṅkāya vā. Vadantu maṃ āyasmanto anukampaṃ upādāya. Passanto paṭikarissāmī’’ti.
ਨવਕੇਨ ਭਿਕ੍ਖੁਨਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍વਾ ਉਕ੍ਕੁਟਿਕਂ ਨਿਸੀਦਿਤ੍વਾ ਅਞ੍ਜਲਿਂ ਪਗ੍ਗਹੇਤ੍વਾ ਏવਮਸ੍ਸ વਚਨੀਯੋ – ‘‘ਸਙ੍ਘਂ, ਭਨ੍ਤੇ, ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਨ੍ਤੁ ਮਂ ਆਯਸ੍ਮਨ੍ਤੋ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮਿ। ਦੁਤਿਯਮ੍ਪਿ, ਭਨ੍ਤੇ, ਸਙ੍ਘਂ…ਪੇ॰… ਤਤਿਯਮ੍ਪਿ, ਭਨ੍ਤੇ, ਸਙ੍ਘਂ ਪવਾਰੇਮਿ ਦਿਟ੍ਠੇਨ વਾ ਸੁਤੇਨ વਾ ਪਰਿਸਙ੍ਕਾਯ વਾ। વਦਨ੍ਤੁ ਮਂ ਆਯਸ੍ਮਨ੍ਤੋ ਅਨੁਕਮ੍ਪਂ ਉਪਾਦਾਯ। ਪਸ੍ਸਨ੍ਤੋ ਪਟਿਕਰਿਸ੍ਸਾਮੀ’’ਤਿ।
Navakena bhikkhunā ekaṃsaṃ uttarāsaṅgaṃ karitvā ukkuṭikaṃ nisīditvā añjaliṃ paggahetvā evamassa vacanīyo – ‘‘saṅghaṃ, bhante, pavāremi diṭṭhena vā sutena vā parisaṅkāya vā. Vadantu maṃ āyasmanto anukampaṃ upādāya. Passanto paṭikarissāmi. Dutiyampi, bhante, saṅghaṃ…pe… tatiyampi, bhante, saṅghaṃ pavāremi diṭṭhena vā sutena vā parisaṅkāya vā. Vadantu maṃ āyasmanto anukampaṃ upādāya. Passanto paṭikarissāmī’’ti.
੨੧੧. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਥੇਰੇਸੁ ਭਿਕ੍ਖੂਸੁ ਉਕ੍ਕੁਟਿਕਂ ਨਿਸਿਨ੍ਨੇਸੁ ਪવਾਰਯਮਾਨੇਸੁ ਆਸਨੇਸੁ ਅਚ੍ਛਨ੍ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਥੇਰੇਸੁ ਭਿਕ੍ਖੂਸੁ ਉਕ੍ਕੁਟਿਕਂ ਨਿਸਿਨ੍ਨੇਸੁ ਪવਾਰਯਮਾਨੇਸੁ ਆਸਨੇਸੁ ਅਚ੍ਛਿਸ੍ਸਨ੍ਤੀ’’ਤਿ। ਅਥ ਖੋ ਤੇ ਭਿਕ੍ਖੂ ਭਗવਤੋ ਏਤਮਤ੍ਥਂ ਆਰੋਚੇਸੁਂ…ਪੇ॰… ‘‘ਸਚ੍ਚਂ ਕਿਰ, ਭਿਕ੍ਖવੇ, ਛਬ੍ਬਗ੍ਗਿਯਾ ਭਿਕ੍ਖੂ ਥੇਰੇਸੁ ਭਿਕ੍ਖੂਸੁ ਉਕ੍ਕੁਟਿਕਂ ਨਿਸਿਨ੍ਨੇਸੁ ਪવਾਰਯਮਾਨੇਸੁ ਆਸਨੇਸੁ ਅਚ੍ਛਨ੍ਤੀ’’ਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ‘‘ਕਥਞ੍ਹਿ ਨਾਮ ਤੇ, ਭਿਕ੍ਖવੇ, ਮੋਘਪੁਰਿਸਾ ਥੇਰੇਸੁ ਭਿਕ੍ਖੂਸੁ ਉਕ੍ਕੁਟਿਕਂ ਨਿਸਿਨ੍ਨੇਸੁ ਪવਾਰਯਮਾਨੇਸੁ ਆਸਨੇਸੁ ਅਚ੍ਛਿਸ੍ਸ’’ਨ੍ਤਿ। ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ, ਪਸਨ੍ਨਾਨਂ વਾ ਭਿਯ੍ਯੋਭਾવਾਯ…ਪੇ॰… વਿਗਰਹਿਤ੍વਾ ਧਮ੍ਮਿਂ ਕਥਂ ਕਤ੍વਾ ਭਿਕ੍ਖੂ ਆਮਨ੍ਤੇਸਿ – ‘‘ਨ, ਭਿਕ੍ਖવੇ, ਥੇਰੇਸੁ ਭਿਕ੍ਖੂਸੁ ਉਕ੍ਕੁਟਿਕਂ ਨਿਸਿਨ੍ਨੇਸੁ ਪવਾਰਯਮਾਨੇਸੁ ਆਸਨੇਸੁ ਅਚ੍ਛਿਤਬ੍ਬਂ। ਯੋ ਅਚ੍ਛੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਜਾਨਾਮਿ, ਭਿਕ੍ਖવੇ, ਸਬ੍ਬੇਹੇવ ਉਕ੍ਕੁਟਿਕਂ ਨਿਸਿਨ੍ਨੇਹਿ ਪવਾਰੇਤੁ’’ਨ੍ਤਿ।
211. Tena kho pana samayena chabbaggiyā bhikkhū theresu bhikkhūsu ukkuṭikaṃ nisinnesu pavārayamānesu āsanesu acchanti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū theresu bhikkhūsu ukkuṭikaṃ nisinnesu pavārayamānesu āsanesu acchissantī’’ti. Atha kho te bhikkhū bhagavato etamatthaṃ ārocesuṃ…pe… ‘‘saccaṃ kira, bhikkhave, chabbaggiyā bhikkhū theresu bhikkhūsu ukkuṭikaṃ nisinnesu pavārayamānesu āsanesu acchantī’’ti? ‘‘Saccaṃ, bhagavā’’ti. Vigarahi buddho bhagavā…pe… ‘‘kathañhi nāma te, bhikkhave, moghapurisā theresu bhikkhūsu ukkuṭikaṃ nisinnesu pavārayamānesu āsanesu acchissa’’nti. Netaṃ, bhikkhave, appasannānaṃ vā pasādāya, pasannānaṃ vā bhiyyobhāvāya…pe… vigarahitvā dhammiṃ kathaṃ katvā bhikkhū āmantesi – ‘‘na, bhikkhave, theresu bhikkhūsu ukkuṭikaṃ nisinnesu pavārayamānesu āsanesu acchitabbaṃ. Yo accheyya, āpatti dukkaṭassa. Anujānāmi, bhikkhave, sabbeheva ukkuṭikaṃ nisinnehi pavāretu’’nti.
ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਥੇਰੋ ਜਰਾਦੁਬ੍ਬਲੋ ਯਾવ ਸਬ੍ਬੇ ਪવਾਰੇਨ੍ਤੀਤਿ 9 ਉਕ੍ਕੁਟਿਕਂ ਨਿਸਿਨ੍ਨੋ ਆਗਮਯਮਾਨੋ ਮੁਚ੍ਛਿਤੋ ਪਪਤਿ। ਭਗવਤੋ ਏਤਮਤ੍ਥਂ ਆਰੋਚੇਸੁਂ। ਅਨੁਜਾਨਾਮਿ, ਭਿਕ੍ਖવੇ, ਤਦਮਨ੍ਤਰਾ ਉਕ੍ਕੁਟਿਕਂ ਨਿਸੀਦਿਤੁਂ ਯਾવ ਪવਾਰੇਤਿ, ਪવਾਰੇਤ੍વਾ ਆਸਨੇ ਨਿਸੀਦਿਤੁਨ੍ਤਿ।
Tena kho pana samayena aññataro thero jarādubbalo yāva sabbe pavārentīti 10 ukkuṭikaṃ nisinno āgamayamāno mucchito papati. Bhagavato etamatthaṃ ārocesuṃ. Anujānāmi, bhikkhave, tadamantarā ukkuṭikaṃ nisīdituṃ yāva pavāreti, pavāretvā āsane nisīditunti.
ਅਫਾਸੁਕવਿਹਾਰੋ ਨਿਟ੍ਠਿਤੋ।
Aphāsukavihāro niṭṭhito.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਅਫਾਸੁਕવਿਹਾਰਕਥਾ • Aphāsukavihārakathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਅਫਾਸੁਕવਿਹਾਰਕਥਾવਣ੍ਣਨਾ • Aphāsukavihārakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਅਫਾਸੁਕવਿਹਾਰਕਥਾવਣ੍ਣਨਾ • Aphāsukavihārakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਅਫਾਸੁવਿਹਾਰਕਥਾਦਿવਣ੍ਣਨਾ • Aphāsuvihārakathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੨੦. ਅਫਾਸੁਕવਿਹਾਰਕਥਾ • 120. Aphāsukavihārakathā
