| Library / Tipiṭaka / ತಿಪಿಟಕ • Tipiṭaka / ವಿಮತಿವಿನೋದನೀ-ಟೀಕಾ • Vimativinodanī-ṭīkā |
೪. ಪವಾರಣಾಕ್ಖನ್ಧಕೋ
4. Pavāraṇākkhandhako
ಅಫಾಸುವಿಹಾರಕಥಾದಿವಣ್ಣನಾ
Aphāsuvihārakathādivaṇṇanā
೨೦೯. ಪವಾರಣಾಕ್ಖನ್ಧಕೇ ಪಾಳಿಯಂ ಪಿಣ್ಡಾಯ ಪಟಿಕ್ಕಮೇಯ್ಯಾತಿ ಪಿಣ್ಡಾಯ ಚರಿತ್ವಾ ಪಟಿಕ್ಕಮೇಯ್ಯ। ಅವಕ್ಕಾರಪಾತಿನ್ತಿ ಅತಿರೇಕಪಿಣ್ಡಪಾತಠಪನಕಂ ಏಕಂ ಭಾಜನಂ। ಅವಿಸಯ್ಹನ್ತಿ ಉಕ್ಖಿಪಿತುಂ ಅಸಕ್ಕುಣೇಯ್ಯಂ। ವಿಲಙ್ಘನಂ ಉಕ್ಖಿಪನಂ ವಿಲಙ್ಘೋ, ಸೋ ಏವ ವಿಲಙ್ಘಕೋ, ಹತ್ಥೇಹಿ ವಿಲಙ್ಘಕೋ ಹತ್ಥವಿಲಙ್ಘಕೋತಿ ಆಹ ‘‘ಹತ್ಥುಕ್ಖೇಪಕೇನಾ’’ತಿ। ಅಥ ವಾ ವಿಲಙ್ಘಕೇನ ಉಕ್ಖೇಪಕೇನ ಹತ್ಥೇನಾತಿಪಿ ಅತ್ಥೋ, ಅಞ್ಞಮಞ್ಞಂ ಸಂಸಿಬ್ಬಿತಹತ್ಥೇಹೀತಿ ವುತ್ತಂ ಹೋತಿ।
209. Pavāraṇākkhandhake pāḷiyaṃ piṇḍāya paṭikkameyyāti piṇḍāya caritvā paṭikkameyya. Avakkārapātinti atirekapiṇḍapātaṭhapanakaṃ ekaṃ bhājanaṃ. Avisayhanti ukkhipituṃ asakkuṇeyyaṃ. Vilaṅghanaṃ ukkhipanaṃ vilaṅgho, so eva vilaṅghako, hatthehi vilaṅghako hatthavilaṅghakoti āha ‘‘hatthukkhepakenā’’ti. Atha vā vilaṅghakena ukkhepakena hatthenātipi attho, aññamaññaṃ saṃsibbitahatthehīti vuttaṃ hoti.
೨೧೩. ಸಚೇ ಪನ ವುಡ್ಢತರೋ ಹೋತೀತಿ ಪವಾರಣಾದಾಯಕೋ ಭಿಕ್ಖು ವುಡ್ಢತರೋ ಹೋತಿ। ಏವಞ್ಹಿ ತೇನ ತಸ್ಸತ್ಥಾಯ ಪವಾರಿತಂ ಹೋತೀತಿ ಏತ್ಥ ಏವಂ ತೇನ ಅಪ್ಪವಾರಿತೋಪಿ ತಸ್ಸ ಸಙ್ಘಪ್ಪತ್ತಿಮತ್ತೇನ ಸಙ್ಘಪವಾರಣಾಕಮ್ಮಂ ಸಮಗ್ಗಕಮ್ಮಮೇವ ಹೋತೀತಿ ದಟ್ಠಬ್ಬಂ। ತೇನ ಚ ಭಿಕ್ಖುನಾತಿ ಪವಾರಣಾದಾಯಕೇನ ಭಿಕ್ಖುನಾ।
213.Sace pana vuḍḍhataro hotīti pavāraṇādāyako bhikkhu vuḍḍhataro hoti. Evañhi tena tassatthāya pavāritaṃ hotīti ettha evaṃ tena appavāritopi tassa saṅghappattimattena saṅghapavāraṇākammaṃ samaggakammameva hotīti daṭṭhabbaṃ. Tena ca bhikkhunāti pavāraṇādāyakena bhikkhunā.
೨೩೪. ಬಹೂಪಿ ಸಮಾನವಸ್ಸಾ ಏಕತೋ ಪವಾರೇತುಂ ಲಭನ್ತೀತಿ ಏಕಸ್ಮಿಂ ಸಂವಚ್ಛರೇ ಲದ್ಧೂಪಸಮ್ಪದತಾಯ ಸಮಾನುಪಸಮ್ಪನ್ನವಸ್ಸಾ ಸಬ್ಬೇ ಏಕತೋ ಪವಾರೇತುಂ ಲಭನ್ತೀತಿ ಅತ್ಥೋ।
234.Bahūpi samānavassā ekato pavāretuṃ labhantīti ekasmiṃ saṃvacchare laddhūpasampadatāya samānupasampannavassā sabbe ekato pavāretuṃ labhantīti attho.
೨೩೭. ಪಾಳಿಯಂ ಮಿಚ್ಛಾದಿಟ್ಠೀತಿ ‘‘ನತ್ಥಿ ದಿನ್ನ’’ನ್ತಿಆದಿ (ದೀ॰ ನಿ॰ ೧.೧೭೧; ಮ॰ ನಿ॰ ೧.೪೪೫; ೨.೯೪, ೯೫, ೨೨೫; ೩.೯೧, ೧೧೬, ೧೩೬; ಸಂ॰ ನಿ॰ ೩.೨೧೦; ಧ॰ ಸ॰ ೧೨೨೧) ನಯಪ್ಪವತ್ತಾ। ಅನ್ತಗ್ಗಾಹಿಕಾತಿ ಸಸ್ಸತುಚ್ಛೇದಸಙ್ಖಾತಸ್ಸ ಅನ್ತಸ್ಸ ಗಾಹಿಕಾ। ಯಂ ಖೋ ತ್ವನ್ತಿಆದೀಸು ಯಂ ಪವಾರಣಂ ಠಪೇಸಿ, ತಂ ದಿಟ್ಠೇನ ಠಪೇಸೀತಿ ತಂ-ಸದ್ದಂ ಅಜ್ಝಾಹರಿತ್ವಾ ಯೋಜೇತಬ್ಬಂ।
237. Pāḷiyaṃ micchādiṭṭhīti ‘‘natthi dinna’’ntiādi (dī. ni. 1.171; ma. ni. 1.445; 2.94, 95, 225; 3.91, 116, 136; saṃ. ni. 3.210; dha. sa. 1221) nayappavattā. Antaggāhikāti sassatucchedasaṅkhātassa antassa gāhikā. Yaṃ kho tvantiādīsu yaṃ pavāraṇaṃ ṭhapesi, taṃ diṭṭhena ṭhapesīti taṃ-saddaṃ ajjhāharitvā yojetabbaṃ.
೨೩೯. ವತ್ಥುಂ ಪಕಾಸೇನ್ತೋತಿ ಪುಗ್ಗಲೇ ಪರಿಸಙ್ಕುಪ್ಪತ್ತಿಯಾ ನಿಮಿತ್ತಭೂತಂ ವತ್ಥುಮತ್ತಂಯೇವ ಸನ್ಧಾಯ ವುತ್ತಂ । ಯಂ ಪನ ವತ್ಥುಂ ಸನ್ಧಾಯ ‘‘ಪುಗ್ಗಲೋ ಪಞ್ಞಾಯತಿ, ನ ವತ್ಥೂ’’ತಿ ಆಹ, ನ ತಂ ಸನ್ಧಾಯೇತಂ ವುತ್ತಂ। ಯದಿ ಪನ ತಸ್ಸ ಭಿಕ್ಖುನೋ ವಸನಟ್ಠಾನೇ ಪೋಕ್ಖರಣಿತೋ ಮಚ್ಛಗ್ಗಹಣಾದಿ ದಿಸ್ಸೇಯ್ಯ, ತದಾ ‘‘ವತ್ಥು ಚ ಪುಗ್ಗಲೋ ಚ ಪಞ್ಞಾಯತೀ’’ತಿ ವತ್ತಬ್ಬಂ ಭವೇಯ್ಯ। ತೇನಾಹ ‘‘ಪುರಿಮನಯೇನೇವ ಚೋರೇಹೀ’’ತಿಆದಿ। ಭಿಕ್ಖುನೋ ಸರೀರೇ ಮಾಲಾಗನ್ಧಞ್ಚ ಅರಿಟ್ಠಗನ್ಧಞ್ಚ ದಿಸ್ವಾ ಏವಂ ‘‘ವತ್ಥು ಚ ಪುಗ್ಗಲೋ ಚ ಪಞ್ಞಾಯತೀ’’ತಿ ವುತ್ತನ್ತಿ ವೇದಿತಬ್ಬಂ।
239.Vatthuṃ pakāsentoti puggale parisaṅkuppattiyā nimittabhūtaṃ vatthumattaṃyeva sandhāya vuttaṃ . Yaṃ pana vatthuṃ sandhāya ‘‘puggalo paññāyati, na vatthū’’ti āha, na taṃ sandhāyetaṃ vuttaṃ. Yadi pana tassa bhikkhuno vasanaṭṭhāne pokkharaṇito macchaggahaṇādi disseyya, tadā ‘‘vatthu ca puggalo ca paññāyatī’’ti vattabbaṃ bhaveyya. Tenāha ‘‘purimanayeneva corehī’’tiādi. Bhikkhuno sarīre mālāgandhañca ariṭṭhagandhañca disvā evaṃ ‘‘vatthu ca puggalo ca paññāyatī’’ti vuttanti veditabbaṃ.
ಅಫಾಸುವಿಹಾರಕಥಾದಿವಣ್ಣನಾ ನಿಟ್ಠಿತಾ।
Aphāsuvihārakathādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi
೧೨೦. ಅಫಾಸುಕವಿಹಾರೋ • 120. Aphāsukavihāro
೧೨೨. ಪವಾರಣಾದಾನಾನುಜಾನನಾ • 122. Pavāraṇādānānujānanā
೧೪೦. ದ್ವೇವಾಚಿಕಾದಿಪವಾರಣಾ • 140. Dvevācikādipavāraṇā
೧೪೧. ಪವಾರಣಾಠಪನಂ • 141. Pavāraṇāṭhapanaṃ
೧೪೩. ವತ್ಥುಠಪನಾದಿ • 143. Vatthuṭhapanādi
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā
ಅಫಾಸುಕವಿಹಾರಕಥಾ • Aphāsukavihārakathā
ಪವಾರಣಾದಾನಾನುಜಾನನಕಥಾ • Pavāraṇādānānujānanakathā
ದ್ವೇವಾಚಿಕಾದಿಪವಾರಣಾಕಥಾ • Dvevācikādipavāraṇākathā
ಪವಾರಣಾಠಪನಕಥಾ • Pavāraṇāṭhapanakathā
ವತ್ಥುಠಪನಾದಿಕಥಾ • Vatthuṭhapanādikathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā
ಅಫಾಸುಕವಿಹಾರಕಥಾವಣ್ಣನಾ • Aphāsukavihārakathāvaṇṇanā
ಪವಾರಣಾದಾನಾನುಜಾನನಕಥಾವಣ್ಣನಾ • Pavāraṇādānānujānanakathāvaṇṇanā
ಪವಾರಣಾಠಪನಕಥಾವಣ್ಣನಾ • Pavāraṇāṭhapanakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā
ಪವಾರಣಾದಾನಾನುಜಾನನಕಥಾವಣ್ಣನಾ • Pavāraṇādānānujānanakathāvaṇṇanā
ಅನಾಪತ್ತಿಪನ್ನರಸಕಾದಿಕಥಾವಣ್ಣನಾ • Anāpattipannarasakādikathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi
೧೨೦. ಅಫಾಸುಕವಿಹಾರಕಥಾ • 120. Aphāsukavihārakathā
೧೨೧. ಪವಾರಣಾಭೇದಕಥಾ • 121. Pavāraṇābhedakathā
೧೪೦. ದ್ವೇವಾಚಿಕಾದಿಪವಾರಣಾಕಥಾ • 140. Dvevācikādipavāraṇākathā
೧೪೧. ಪವಾರಣಾಟ್ಠಪನಕಥಾ • 141. Pavāraṇāṭṭhapanakathā
೧೪೩. ವತ್ಥುಟ್ಠಪನಾದಿಕಥಾ • 143. Vatthuṭṭhapanādikathā
