| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๕. อปฺปหายสุตฺตํ
5. Appahāyasuttaṃ
๘๙. ‘‘ฉ , ภิกฺขเว, ธเมฺม อปฺปหาย อภโพฺพ ทิฎฺฐิสมฺปทํ สจฺฉิกาตุํฯ กตเม ฉ? สกฺกายทิฎฺฐิํ, วิจิกิจฺฉํ, สีลพฺพตปรามาสํ, อปายคมนียํ ราคํ, อปายคมนียํ โทสํ, อปายคมนียํ โมหํฯ อิเม โข, ภิกฺขเว, ฉ ธเมฺม อปฺปหาย อภโพฺพ ทิฎฺฐิสมฺปทํ สจฺฉิกาตุํฯ
89. ‘‘Cha , bhikkhave, dhamme appahāya abhabbo diṭṭhisampadaṃ sacchikātuṃ. Katame cha? Sakkāyadiṭṭhiṃ, vicikicchaṃ, sīlabbataparāmāsaṃ, apāyagamanīyaṃ rāgaṃ, apāyagamanīyaṃ dosaṃ, apāyagamanīyaṃ mohaṃ. Ime kho, bhikkhave, cha dhamme appahāya abhabbo diṭṭhisampadaṃ sacchikātuṃ.
‘‘ฉ, ภิกฺขเว, ธเมฺม ปหาย ภโพฺพ ทิฎฺฐิสมฺปทํ สจฺฉิกาตุํฯ กตเม ฉ? สกฺกายทิฎฺฐิํ, วิจิกิจฺฉํ, สีลพฺพตปรามาสํ, อปายคมนียํ ราคํ, อปายคมนียํ โทสํ, อปายคมนียํ โมหํฯ อิเม โข, ภิกฺขเว, ฉ ธเมฺม ปหาย ภโพฺพ ทิฎฺฐิสมฺปทํ สจฺฉิกาตุ’’นฺติฯ ปญฺจมํฯ
‘‘Cha, bhikkhave, dhamme pahāya bhabbo diṭṭhisampadaṃ sacchikātuṃ. Katame cha? Sakkāyadiṭṭhiṃ, vicikicchaṃ, sīlabbataparāmāsaṃ, apāyagamanīyaṃ rāgaṃ, apāyagamanīyaṃ dosaṃ, apāyagamanīyaṃ mohaṃ. Ime kho, bhikkhave, cha dhamme pahāya bhabbo diṭṭhisampadaṃ sacchikātu’’nti. Pañcamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๔-๕. สุสฺสูสติสุตฺตาทิวณฺณนา • 4-5. Sussūsatisuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๒-๑๑. อาวรณสุตฺตาทิวณฺณนา • 2-11. Āvaraṇasuttādivaṇṇanā
