| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
5-6. அப்பமாத³ஸுத்தாதி³வண்ணனா
5-6. Appamādasuttādivaṇṇanā
15-16. பஞ்சமே காராபகஅப்பமாதோ³ நாம ‘‘இமே அகுஸலா த⁴ம்மா பஹாதப்³பா³, இமே குஸலா த⁴ம்மா உபஸம்பாதே³தப்³பா³’’தி தங்தங்பரிவஜ்ஜேதப்³ப³வஜ்ஜனஸம்பாதே³தப்³ப³ஸம்பாத³னவஸேன பவத்தோ அப்பமாதோ³. ஏஸாதி அப்பமாதோ³. லோகியோவ ந லோகுத்தரோ. அயஞ்சாதி ச ஏஸாதி ச அப்பமாத³மேவ வத³தி. தேஸந்தி சாதுபூ⁴மகத⁴ம்மானங். படிலாப⁴கத்தேனாதி படிலாபா⁴பனகத்தேன.
15-16. Pañcame kārāpakaappamādo nāma ‘‘ime akusalā dhammā pahātabbā, ime kusalā dhammā upasampādetabbā’’ti taṃtaṃparivajjetabbavajjanasampādetabbasampādanavasena pavatto appamādo. Esāti appamādo. Lokiyova na lokuttaro. Ayañcāti ca esāti ca appamādameva vadati. Tesanti cātubhūmakadhammānaṃ. Paṭilābhakattenāti paṭilābhāpanakattena.
ஜங்க³லானந்தி ஜங்க³லசாரீனங். ஜங்க³ல-ஸத்³தோ³ செத்த² க²ரபா⁴வஸாமஞ்ஞேன பத²வீபரியாயோ, ந அனுபட்டா²னவிதூ³ரதே³ஸவாசீ. தேனாஹ ‘‘பத²வீதலசாரீன’’ந்தி. பதா³னங் வுச்சமானத்தா ‘‘ஸபாத³கபாணான’’ந்தி விஸேஸெத்வா வுத்தங். ஸமோதா⁴னந்தி அந்தோக³த⁴பா⁴வங். தேனாஹ ‘‘ஓதா⁴னங் பக்கே²ப’’ந்தி. ‘‘உபக்கே²ப’’ந்திபி பட²ந்தி, உபனெத்வா பக்கி²பிதப்³ப³ந்தி அத்தோ². வஸ்ஸிகாய புப்ப²ங் வஸ்ஸிகங் யதா² ‘‘ஆமலகியா ப²லங் ஆமலக’’ந்தி. மஹாதலஸ்மிந்தி உபரிபாஸாதே³. ச²ட்ட²ங் உத்தானமேவ.
Jaṅgalānanti jaṅgalacārīnaṃ. Jaṅgala-saddo cettha kharabhāvasāmaññena pathavīpariyāyo, na anupaṭṭhānavidūradesavācī. Tenāha ‘‘pathavītalacārīna’’nti. Padānaṃ vuccamānattā ‘‘sapādakapāṇāna’’nti visesetvā vuttaṃ. Samodhānanti antogadhabhāvaṃ. Tenāha ‘‘odhānaṃ pakkhepa’’nti. ‘‘Upakkhepa’’ntipi paṭhanti, upanetvā pakkhipitabbanti attho. Vassikāya pupphaṃ vassikaṃ yathā ‘‘āmalakiyā phalaṃ āmalaka’’nti. Mahātalasminti uparipāsāde. Chaṭṭhaṃ uttānameva.
அப்பமாத³ஸுத்தாதி³வண்ணனா நிட்டி²தா.
Appamādasuttādivaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya
5. அப்பமாத³ஸுத்தங் • 5. Appamādasuttaṃ
6. ஆஹுனெய்யஸுத்தங் • 6. Āhuneyyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā)
5. அப்பமாத³ஸுத்தவண்ணனா • 5. Appamādasuttavaṇṇanā
6. ஆஹுனெய்யஸுத்தவண்ணனா • 6. Āhuneyyasuttavaṇṇanā
